العربيه بتبرد

[masrtamin]

العربيه وانا ماشى مثلا على الخامس على سرعه بين 100 و 110 الاقى مؤشر الحراره بينزل واحيانا يوصل لاول شرطه
العربيه موديل98

[Ahmedhussein007]

ده عادى فالعربيات القديمه لان الهوا بيخبط فيها فبتبرد انما الجديد بيبقى فيه ثرموثتات مش بيخليها تبرد

[nicegypt]

العربيه وانا ماشى مثلا على الخامس على سرعه بين 100 و 110 الاقى مؤشر الحراره بينزل واحيانا يوصل لاول شرطه
العربيه موديل98

حضرتك متأكد انك مش بتحرق غيار ؟؟ هى اتوماتيك ولا عادة الاول ؟

[M.Nasr]

هو طبيعى ان درجة الحرارة تقل بفعل الهوا طالما مش بتحرق على الغيار

[Haitham10]

بينزل لاول شرطة دي ياجماعة اعتقد اكتر من اللازم يعني ترومستات الكوعة ممكن يكون ملغي او بايظ وهتلاقيها بتسخن ببطئ نتيجة تبريد المياه المستمر حتي بعد ارتفاع مؤشر الحرارة
الكلام دة قريته هنا من المهندس سمير في مشاركة له الله يباركله

[M.Nasr]

بينزل لاول شرطة دي ياجماعة اعتقد اكتر من اللازم يعني ترومستات الكوعة ممكن يكون ملغي او بايظ وهتلاقيها بتسخن ببطئ نتيجة تبريد المياه المستمر حتي بعد ارتفاع مؤشر الحرارة
الكلام دة قريته هنا من المهندس سمير في مشاركة له الله يباركله

عندك حق فعلا
وياريت صاحب الموضوع لو يحكيلنا المشكلة من اولها ولو كان فيه ميكانيكى اشتغل فيها قبل مايلاحظ الموضوع ده.

[masrtamin]

حضرتك متأكد انك مش بتحرق غيار ؟؟ هى اتوماتيك ولا عادة الاول ؟

انا قليل اوى لما احرق الغيار
العربيه مانيوال

[masrtamin]

عندك حق فعلا
وياريت صاحب الموضوع لو يحكيلنا المشكلة من اولها ولو كان فيه ميكانيكى اشتغل فيها قبل مايلاحظ الموضوع ده.

بص يا سيدى انا غيرت قواعد الموتور وطبعا الميكانيكى فك الموتور وبعدين ركبه
من بعدها بدات الحكايه دى تحصل
فعلا العربيه بتاخد وقت على ما تسخن
وانا ماشى براحتى على التانى مثلا مؤشر الحراره بيبقى فى النص لكن اول ما اجرى خصوصا الصبح بدرى والسرعه عاليه الاقى المؤشر بينزل بالتدريج وفى مره لقيته عند اول شرطه فاضطريت اهدى السرعه علشان المؤشر يعلى تانى
سالت ميكانيكى قال لى كده طبيعى بس انا بحس ان صوت العربيه بيعلى لما تبرد وهى ماشيه

[M.Elgergawy]

هي فعلا الترموستات عندك مش شغالة وروح للميكانيكي خليه يشغلهالك

[ahmed_h_g]

هتلاقى ترموستات الكوعه متشال
الحق ركبه علشان كده الموتور هيتعب بدرى