نقرتين فى السقف منكدين عليا

[M.Nasr]

باختصار كده جاى اركب العربية فى مرة لاقيت المنظر ده






ايه الحل بقا ؟
ولو اتمعجنت ورشيت السقف كده قيمة العربية بتقل؟

[FunnyMickey]

صباح الرخامه يعني
ده ايه اللي وقع عليها دي
شكلهم مستفز اوي
بس عادي يعني اعتقد لو رشيت السقف مفيهاش حاجه
كأن العربيه اترشت كلها يعني
مش حتبان
الكلام ده لو فيه حاجه في القوايم الناس بتقلق
انما رش السقف نضافه دي مفيهاش حاجه

بس انتا معرفتش ايه سببها اصلا ؟؟؟

[eng.m7md.ali]

ولا معجون ولا حاجة وان شاء الله بسيطة
استخدم ال تلج الجاف او dry ice وان شاء الله كلو يرجع تمااااااااااااااام

[salama_ahmad]

السلام عليكم
انا حصلت عندى بردة فى السقف انا جاتلى فكرة بس لسا معملتهاش بس انا بفكر اجيب استيكر بلون العربية وااقطعة على شكل دائرة قطرها اكبر من قطر النقرة والصقة عليها بس انا لسا منفزتهاش احسن ما تلعب فى السقف

[eng.m7md.ali]

هو اللون اتشال ولا مجرد نقرة عادية؟

[M.Nasr]

صباح الرخامه يعني
ده ايه اللي وقع عليها دي
شكلهم مستفز اوي
بس عادي يعني اعتقد لو رشيت السقف مفيهاش حاجه
كأن العربيه اترشت كلها يعني
مش حتبان
الكلام ده لو فيه حاجه في القوايم الناس بتقلق
انما رش السقف نضافه دي مفيهاش حاجه

بس انتا معرفتش ايه سببها اصلا ؟؟؟

شكلهم يحرق الدم بجد
لا ماعرفتش ايه السبب انا اكتشفتها بالصدفة وعاملين زى الرصاص
ولو رشيت السقف يبقى هفتح على نفسى رش العربية كلها واكيد قبل الرش لازم سمكرة

[M.Nasr]

ولا معجون ولا حاجة وان شاء الله بسيطة
استخدم ال تلج الجاف او dry ice وان شاء الله كلو يرجع تمااااااااااااااام

الكلام ده لو عليها بقعة انما دى نقرة دخلت الصاج لجوة

هو اللون اتشال ولا مجرد نقرة عادية؟

الاولانية دى الدهان اتقشر منها انا نفسى اعرف بس ايه اللى وقع عليها وازاى حاجة تقع تعمل المنظر ده انا حاسس انها مقصودة

[M.Nasr]

السلام عليكم
انا حصلت عندى بردة فى السقف انا جاتلى فكرة بس لسا معملتهاش بس انا بفكر اجيب استيكر بلون العربية وااقطعة على شكل دائرة قطرها اكبر من قطر النقرة والصقة عليها بس انا لسا منفزتهاش احسن ما تلعب فى السقف

هى فكرة بردو بس اعتقد فى الحالة دى الاحسن انى اغطى السقف كله بالاستيكر ده

[أبو إياد]

ولا تضايق نفسك كل مشكله وليها حل ودى حلها انها تترد على البارد واياك ترش السقف بس المشكله اللى هاتضايقك هى فك السقف من الصالون محتاجه فعلا سروجى بيفهم علشان مايبوظش الكليبسات
والتقشير بتاع الدهان مش هايبان اوى بعد ما تترد

[nicegypt]

القلق من السمكرة ع البرد ان الصنيعي لازم يكون صنيعي مش كفتجى
لكن هية تترد ع البارد متقلقش

[bassem_sams]

أولا الحمد لله بسيطه هو حضرتك كنت راكنها تحت عمارة او حاجه وقعت عليها من فوق

بالنسبه انها تتعالج فهى بسيطه زى ما زملاء قالوا

و طبعا حضرتك متضايق بس كام يوم و هتروق فمعلش الحمد لله

حلول اللى اعرفها كالأتى:

1- سمكره على بارد و ممكن بحته قطنه و دهان لونه عربيه تدهنها علشان متصديش

2- ممكن استيكر ساده قريب من لون عربيه و تقصه عليه بالضبط

3- فى ناس بتفيم سقف و بيبقى شكله جميل بس خليه فاميه مطفى مش بيلمع


4- فيه حاجه اسمها تجيلد انا دايما بشوفها ناس بتعملها على كابوت عربيه و بيبقى حلو و بيحمى من زلط على طريق سريع
ممكن يتعمل على سقف هيبقى حلو

5-شوفت على نت فيديوهات بيستخدموا استشوار لمده دقيقه و بعدين يرشوا ثلج اسبراى او يحطوا ثلج جاف و بترد تانى و فى اداه شبه شفاط لما حوض بيتسد و يستخدمة بيفيد بردوا

اهم حاجه لو قشرت ياريت تدهنها علشان متصديش روح لأى حد بتاع بويه يعملك شويه بعشره جنيه بلون عربيه و تدهنها لغايه متشوف حل توديها لسمكرى و تأخذ رأيه و تكلفه او تعمل موضوع استيكر او فاميه او تجليد

و ربنا يوفقك و تبقى طمنا حضرتك هتعمل ايه و ياريت لو تكلم استاذ طارق اكيد هيفيدك اكتر فى موضوع سمكرة هتبقى انضف

[M.Nasr]

ولا تضايق نفسك كل مشكله وليها حل ودى حلها انها تترد على البارد واياك ترش السقف بس المشكله اللى هاتضايقك هى فك السقف من الصالون محتاجه فعلا سروجى بيفهم علشان مايبوظش الكليبسات
والتقشير بتاع الدهان مش هايبان اوى بعد ما تترد

القلق من السمكرة ع البرد ان الصنيعي لازم يكون صنيعي مش كفتجى
لكن هية تترد ع البارد متقلقش

بو ايااد عامل ايه؟ عارف افك السقف دى كأنك بتغزنى بسكينة صعب اوى الموضوع ده ياابو اياد وماعرفش سروجى ممكن اثق فيه يعمل الحوار ده

[kar!m]

ولا معجون ولا حاجة وان شاء الله بسيطة
استخدم ال تلج الجاف او dry ice وان شاء الله كلو يرجع تمااااااااااااااام

بيتجاب منين لو سمحت

[M.Nasr]

tn سؤال تانى بقا دلوقتى فيه سقف استيراد ؟ ولو فيه استيراد فيه منه بفتحة السقف؟ وطبعا فى الحالة دى انا هضطر اغير السقف من جوة حد جرب او شاف الموضوع ده قبل كده؟

[kh_talaat]

نقره واحده بس ؟؟؟

يا بختك

ولا معجون ولا حاجة وان شاء الله بسيطة
استخدم ال تلج الجاف او dry ice وان شاء الله كلو يرجع تمااااااااااااااام

يا ريت حضرتك تقولنا نجيبه او نشتريه منين لأني بدور عليه