ضبط عصابة سرقة السيارات في القاهرة

[M.Al-Hefnawy]

كان فيه بعض الأخوة الأعضاء اتكلموا عن سرة سياراتهم من فترة ... إليكم الخبر من جريدة اليوم السابعhttp://www.youm7.com/News.asp?NewsID=341840&SecID=203

[A7MED_PHARMA]

كشفت الإدارة العامة لمباحث القاهرة، عن لغز اختفاء عدد كبير من السيارات الحديثة، والذى تبين أن 4 عاطلين وراء سرقة عدد كبير من السيارات ذات الموديلات الحديثة، وتبين أنهم تخصصوا سرقة ماركات سيارات معينة وبيعها لعملائهم، فتم ضبطهم وعملاؤهم، وأخطرت النيابة للتحقيق.

البداية كانت بتلقى اللواء أمين عز الدين مدير الإدارة العامة لمباحث القاهرة، معلومات من مصادره السرية، مفادها تردد 4 أشخاص على منطقة الحرفيين بمنطقة السلام، وعرض سيارات جميعها موديلات حديثه عام 2010 _ 2011، للبيع بأسعار أقل من أسعارها الحقيقة، فكلف اللواء طارق الجزار بقيادة فريق بحث والتحرى من صحة المعلومات، وضبط المتهمين.

ومن خلال التحريات، تبين أن المتهمين كل من "محمد.ش.ع" (24 سنة)، سبق ضبطه فى 8 قضايا، ومطلوب التنفيذ عليه فى 15 قضية، و"أشرف.م.ح" (30 سنة)، مسجل خطر سرقات وسبق ضبطه فى 13 قضية، ومطلوب التنفيذ عليه فى قضيتين، و"هاني.ع" (34 سنة)، و"أسامه.ع" (56 سنة)، وجميعهم عاطلين، وراء تكوين تشكيل عصابى تخصص فى سرقة السيارات الحديثة.

وبإعداد الأكمنة تمكن المقدم محمد راسخ رئيس مباحث قسم أول السلام، من ضبطهم، وبمواجهتهم اعترفوا بتخصصهم سرقة السيارات الحديثة، وتحديدا ماركات كيا سيراتو، وميتسوبيشى لانسر، وهيونداى إلنترا، موضحين أنهم لا يسرقون أى ماركات أخري، وأنهم وراء سرقة 14 سيارة من مناطق العجوزة والقاهرة الجديدة والمعادى وأكتوبر والمقطم والهرم ومدينة نصر.

تم بإرشاد المتهمين ضبط السيارات المسروقة، لدى 5 من عملائهم جميعهم سبق ضبطهم لاشتراكهم مع عدد من اللصوص فى شراء المسروقات، فتم ضبطهم، وجار التعرف على أصحابها إعادتها إليهم، وتحرر عن ذلك المحضر اللازم، وقرر اللواء إسماعيل الشاعر مدير أمن القاهرة بإحالة المتهمين وعملائهم على النيابة لمباشرة التحقيق.

والله خير

تخيل واحد جايب عربية زيرووو دافع فيها دم قلبه
يصحى الصبح مايلاقياش
ناس عاوزة الحرق

[medociv]

مهو لو البلد بيتطبق فيها الشريعة وكان الحرامي ده اتقطع ايده مكناش هنشوف واحد من الاشكال وكان هيفكر الف مرة قبل ميفكر انه يسرق

[can_be]

والله دى حاجه نيله اوى

ربنا يسترها علينا

[macdiv]

مهو لو البلد بيتطبق فيها الشريعة وكان الحرامي ده اتقطع ايده مكناش هنشوف واحد من الاشكال وكان هيفكر الف مرة قبل ميفكر انه يسرق

ياعم ميدو السعوديه نفسها مبيتطبقشي فيها الشريعه كما يرضي الله ...عايزها تتطبق عندنا هنا !!! ربنا يرحمنا جميعا

[MASERATI]

السلام عليكم و رحمة الله و بركاته

فعلا , لازم حدود ربنا تتطبق فى كل شئ زى ما المفروض أنها تتطبق فى السرقة , بس ماينفعش نطبق حد السرقة بقطع اليد و الناس مش لاقية و جعانة , الأول, اللى بيسرقوا البلد يبطلوا سرقة و يسيبوا خيرها لأولادها و الناس تستكفى و تشبع الأول و بعد كده نطبق حد السرقة.

و بعدين السعودية مش هتتحاسب مكاننا يوم القيامة عشان نشوف اذا هى الأول طبقت حد السرقة و لا لأ, نقوم نعمل زيها, كل واحد مسؤول عن نفسه .

يااااااااااااااااااااه, ده لو حدود ربنا اتطبقت , البلد هتتظبط ظبطة محترمة .