صوت في العربية

[husseinthemaster]

السلام عليكم انا معايا لانسر بطة 92 كاملة مانيوال عندي صوت وووووووو طول مانا ماشي بيظهر بعد التلاتين قالوللي بستم الفرامل قافش علي الطنبورة غيرت الكاوتش بتاعة واتفك واتصنفر واتغسل وركب والصوت موجود غيرت التيل مفيش فايدة عايز حل الصوت بيعلي جدا كل ما السرعة تزيد والعجل بيسخن وكان في ناحية التيل متاكل قوي والناحية التانية كويس انا ركبت عربية بونوليز مفيهاش الصوت دة وعربية 127 خربانة مفيهاش الصوت دة صوتها لما تطفي الموتور والعربية ماشية بتبقي ملهاش صوت انا عربيتي بطفي الموتور وانا علي سرعة بيفضل الصوت عالي زي ماهوا اريد راي وحل ارجوكم وشكرا

[husseinthemaster]

:b4_388: فين رجالة الانسر

[أبو إياد]

اكشف على بلى العجل
وجرب وانت ماشى بسرعه شيل رجلك من على البنزين ودوس دبرياج وشوف فى فرق فى الصوت ولا لا ؟

[sonystar]

انتا عارف لو بليت الثرة ممكن تعرفها من العجلة وهيا وقفة ارفع العربية ولف العجلة هتسمع سوت بلية الثرة بتاعت العجلى اكيد منها

[husseinthemaster]

انا لسة مغير البليتين ممكن يكون الصوت منهم انا عملت كدة رفعت العربية عجلة عجلة طلع صوت خشونة من العجلة اليمين هشوف بقي اية الحل وهبلغكم

[sonystar]

بص هية الحكاية مش يعنى عشان لسة مركبهم يبقى مفيش صوت لا ممكن يكون منهم لانهم بيركبوا بالدق عليهم فا من الممكن يكون منهم فيهم صوت حشونة اوبمعنى نحرة على الطريق


لازم يتقفلوا كويس البلى دا

[husseinthemaster]

يا جماعة نسيت اقول حاجة العجل الامامي بيسخن جدا ومش عارف اعمل ايةقالوللي بستم الفرامل قافش علي الطنبورة غيرت الكاوتش بتاعة واتفك واتصنفر واتغسل وركب ولسة بيسخن هل ممكن البلية تسخن العجل

[sonystar]

غير البستم ممكن يكون البستم مش بيرجع مكانة تانى غيرة احسن

[husseinthemaster]

مش بيتغير لوحدة لازم اغير الدشمة كامل وبعدين البستم انا شفتة وهو مفكوك عبارة عن اسطوانة بس فمينفعش يعلق لان ضغط الزيت هو اللي بيحركة وبتاع الفرامل شافة وقال انة كويس

[Hossambecks]

يا جماعة نسيت اقول حاجة العجل الامامي بيسخن جدا ومش عارف اعمل ايةقالوللي بستم الفرامل قافش علي الطنبورة غيرت الكاوتش بتاعة واتفك واتصنفر واتغسل وركب ولسة بيسخن هل ممكن البلية تسخن العجل

البلي ممكن يسخن العجل طبعا
و لا قدر الله لو فرط , العجله ممكن تقفش منك
خلي بالك

[husseinthemaster]

سالت علي بلي العجل في ب 85 وفي ب125 قالي دة الاصلي بس بصراحة خايف اشتري جديد تاني فاية رايكم لو جبتة مستعمل علي تجربة

[samirsaid1]

انا عندى صوت بردة كدة

رفعت العربية بالكوريك وقلت الف كل عجلة واشوف الحكة دى منين لقيت العجله تقيله زى مايكون الفرامل مريحة على العجل وقافشة شوية

ودة فى العجاتين اللى فى الامام

فممكن يكون دة سببة ايه

عربيتى نيو اكسنت بس الفرامل مافيهاش حاجه وشغاله كوبس

[husseinthemaster]

السلام عليكم انا غيرت البلية الامامي طلعت القديمة اللي كانت عاملة صوت مكسورة من جوة المجري اللي بيلف عليها البلي مكسورة مع انها جديدة كنت مغير الاتنين بس غيرتها بواحدة استعمال اصلي وركبتها وتمام لاني خفت اجيب جديد تاني بس حسيت اني كنت راكب وابور زلط وبعدين نزلت منة كانت عاملة دوشة جامدة جدا ووووووووووووو طول مانا ماشي الحمد للة