الاسبويلر العالي

[nice_bird]

يا جماعة انا عايز اركب الاسبويلر العالي زي بتاع الايفو وعايز اعرف ايه مشاكلو خاصة مع المرور وتنصحوني بإيه اجيبوا ولا اركب الاصلي

[Eslam.Elrefaey]

بس المرور لوحده هيظبتك فبلاش احسن بس العادى الى انتا قصدك عليه ده عامل ازاى

[nice_bird]

اللي بينزل في الاسبور

[egyptionman]

لا توجد مشكلة منه مع المرور على ما أعتقد
لكن المشكلة أنه فعلا يعيق الرؤية الخلفية

[nice_bird]

لا توجد مشكلة منه مع المرور على ما أعتقد
لكن المشكلة أنه فعلا يعيق الرؤية الخلفية

حضرتك متاكد إن الاسبويلر العالي مفيش مشكلة مع المرور

دي صورتو

http://www.modifiedcars.com/pix/cars_large/18874_15530.jpg

[Eslam.Elrefaey]

انا رأيى من غير اسبويلر خالص للبوما احسن الا لو عالى وده صدقنى مع المرور مش هيبقى تمام

[nice_bird]

المشكلة اني ركبت عتب اكصدامات و شكلها وحش من غير اسبويلر

[M.Nasr]

هو شكله جميل جدا بس فعلا هيعيق الرؤية وبالنسبة للمرور ماعنديش فكرة بصراحة

[Angel_wolf]

ركب بتاع السوبر اكشن وخلاص

[MohaMed_Refaat]

هو فعلا شكلة بيبقى تحفة على البوما
بس فى مشكلة مع المرور فى الاسبويلر العالى انا اعرف واحد مركبة والمرور قرفة بس حاليا اعتقد خلاص محدش حيكلم علية :::

[nice_bird]

الف شكر يا رجالة ع المتابعة والاهتمام شكلي هجيب الاسبويلر بتاع السوبر اكشن وخلاص (الواحد مش ناقص وجع دماغ مع المرور)

[Eslam.Elrefaey]

بس انا اعرف ناس كتير صحابى كانت العربية نازله اصلا باسبويلر وشالوه وشكلها بقا احسن ابقا شوف كده قبل ما تخرم ومتعرفش ترجعها تانى

[nice_bird]

والله كدا انتو خليتوني اعيد التفكير في الموضوع انا بصراحة عايز اركب الاسبويلر العالي وفي نفس الوقت والد مش راضي علشان المرور فكدا شكلي هستني الامور تهدي في المرور واشوف الموضوع تاني وكمان انا بفر اشوف اسبويلر من الحاجات اللي بيبقي ليها قاعدة ثابتة وممكن يتفك الجزء العلوي وتركب بسهولة انا شفت الكلام دا في هوندا سيفيك و هسال عليه ايه نظامو وكدا اركبو براحتي و اشيلو براحتي ولا ايه رأيكو

[Xander2010_Evo]

هو فعلا شكلة بيبقى تحفة على البوما
بس فى مشكلة مع المرور فى الاسبويلر العالى انا اعرف واحد مركبة والمرور قرفة بس حاليا اعتقد خلاص محدش حيكلم علية :::

هاتلعبوا ليه ف دماغي يا جدعااااااااااااااان
ده شكلوا جاااااااااامد جدآآآآآآآآآآآآآآآآآآآآآآآ ع البومة وبالذات مع الكشافات الخلفية الحمراء دي زي عندي
أوووووف لألأ أنا كده هبتدي أفكر
بكام الاصلي ده يارجالة للناس إللي راحت الحرفيين؟؟؟

[أبو إياد]

1000ج ده كان سعره تجارى وكنت باشتريه امبارح بس الفلوس مكفتش معايا
لا وايه بعد ما نشف ريقى انى اقنعه اشتريه لوحده من غير النص هههههههههههه