داخل على عمره بطه وعايز ارائكم ...

[must_die]

سلام عليكم جميعا
احلى مسى على رجالة نايل موتورز وكل البطاويه .
انا بأذن الله داخل على عمره كامله
ناوى اسقط مكنه زيرو ان شاء الله وخلافه بقى سمكره ودوكو وكهرباء وعفشه وشويه تفخيم خفيف كده .
بالنسبة للمكنة لسه ما استقرتش على حاجه انا عرفت ان ممكن اسقط عليها مكن كتير زى
1600
1500 اتنين كامه
1600 مايفك
1800 مايفك
2000 ايفليوشن
الاسعار لسه ماعنديش فكرة فيها اوى بس ال 1800 المايفك الميتسوبيشى خليجى زيرو امبير 240 واحد صاحبى من المنصورة سئلى عليها فى بور سعيد قالى عامله 8 من غير الفتيس وبالفتيس ب 9
مش عارف بقى كده غالية ولا ظروفها ايه ولا الواد ده بيعمل عليا شغل ابن التيييييييت :)
لو حد عندو فكرة عن سعر المكنه دى ياريت يقولى وياترى هيبقى ايه ظروفها على العربية (بعد ال 180 ) وعليا فى الصيانه بعد كده لو لينا عمر .
واى تفاصيل يا جدعان عن التسقيط ومشاكله فى العربيه دى عشان اتفاداها ياريت ما تبخلوش اللى عندو معلومه يقولها عشان اجمع اكبر قدر ممكن من المعلومات عشان اتوكل على الله وابدأ اشتغل وخصوصا انى مقلق جدا من موضوع التسقيط ده خايف يظهرلى مشاكل بعد ما اركب المكنه الجديده واضطر ابيعها بنص تمنها وارجعلها مكنتها ساعتها مرارتى هتتفقع :(
واعد اغنى (ظلموه القلب الخالى ظلموه ) .

انا كنت سامع عن كتالوج كده للبطه ياريت لو موجود عند حد يبعتهولى
mn.291@hotmail.com
.
طولت عليكم معلش وشكرا للاهتمام ...........

[HeMa_LanCeR]

انسب مكنه ال 1600 وبعدها ال 1500 2 كامه

[must_die]

شكرا على اهتمامك يا هيما
بس اشمعنى المكن ده المناسب على العربيه دى يعنى اشرحلى تفاصيل اكتر

[HeMa_LanCeR]

اولا كا قطع غيار
ثانيا هتركب بدون تعديل

[dobe66]

بص يا باشا انا سالت عند واحد فى شارع القصر العينى ودة معرفة سالتة عن المكنة 1500 2 كامة قالى عاملة 5000 بالفتيس بكل حاجة ودية مكنة تمام اوى انا جربتها كان واحد مسقطها فى الكرستالة كانت ستيب ترونيك كانت جامدة وشغالة 100 100 والمحل دة اسمة ملك الانسر هو فى شلرع القصر العينى قصاد معهد السكر على طول لو حبيت تروح وتسال بنفسك

[must_die]

الف شكر يا دوبى على اهتمامك
بس المكنه دى زيرو ولا استيراد ؟

[dobe66]

يا باشا انا على حد علمى هية بتكون استيراد بس حالتها بتكون 95% الى 90%