البوجيهات

[nice_bird]

ازاي اعرف البوجيهات عايزة تتغير ولا لأ في البوما الاوتوماتيك علما باني شاريها مستعملة 45000 ومعرفش صاحبها غيرهم ولا لأ

[hpxp]

هتلاقيها مقرفه في الدوارة لو عايزة تتغير

[M.Elgergawy]

المفروض لما تشتري العربية مستعملة بتغير البوجيهات وطقم السيور والفلاتر بس العربية عاملة 45 الف كم يبقى غير البوجيهات وشيك على الفلاتر واجل السيور عشان سيور الفبريكة لغاية 80 الف كم ( الكاتينة )

[eldell]

هتلاقى العربيه مكتومه والسحب مش قوى

[bassem_sams]

الف مبروك على عربيه جديده و ربنا يعطيك خيرها و يكفيك شرها

[nice_bird]

الف مبروك على عربيه جديده و ربنا يعطيك خيرها و يكفيك شرها

الله يكرمكم يا باشا

هتلاقيها مقرفه في الدوارة لو عايزة تتغير

هي بتدور من اول مرة بس ساعات بتطول في الدوارة (صوت المارش) لما يكون ليها يومين تلاته مداريتش

[waelsaleh]

بص يل باشا
انا لسه شارى عربيتى عامله 49 الف
كنت بقول زيك اغير ولا لا
قلت اغير الفلاتر والبوجيهات وتيل الفرامل لان انت مش ضامن اللى قابلك
وبالمناسبه اللى غير الفرامل قللى ان هى كانت على مفيش
فانت توكل على الله وغيرهاااا
اضمن

[nice_bird]

انا غيرت زيوت وفلاتر وتيل فاضل البوجيهات وهعمل طقم سيرفيس ع 65000 كدا

[أبو_حمزة]

لو بوجيهات الفابريقة يبقى كمل بيهم لحد 60 من غير ما تقلق
غياب الدوارة ممكن يكون ضعف فى البطارية أو محتاج تنظيف رشاشات
على العموم تغييرهم مش وحش لو عايز تجرب

[nice_bird]

بالنسبة لتنظيف الرشاشات انا اشتريت الاسبراي ورشيتو ع البوابة وانا مدور العربية وبزود واسيب وعملت الموضوع دا كذا مرة بس عمري ما حسيت باي فرق

[ahmzd]

سؤال مهم: هوه مش الكلام ده المفروض مكتوب ف الكتالوج؟ أنا بصراحة لم أفتح الكتالوج منذ 5 سنوات منذ اشتريت السيارة