برجاء المساعدة لانسر 98

[kid]

السلام عليكم ,

العربية من يومين لاحظت أن السحب بتاعها فجأه بقى ضعيف و فى هزة فى الدبرياج
نفس اليوم دة كنت ماشى فى مدق طريق رمل مش مسفلت بتاع 7 كم و كانت العربية بترجرج منى جامد و كانت عاملة صوت زى مايكون دخلها حصى و بيخبط جواها

اليوم اللى بعدية كنت فى صلاح سالم اتجاة السيدة عائشة و الطريق طالع و زحمة جدا و فجأة شميت رائحة شياط و فجأة شفت دخان من الكبوت و العربية مش راضية تسحب و بتموت منى , وقفت على جنب و بطلتها نصف ساعة

مش عارف دة سببة إيه أنا بمشى بيها عادى دلوقتى بس السحب مش زى الأول خالص؟؟؟

مش عارف دى حاجة مهمة ولا لأ بس اليوم اللى قبلها كنت لسة مربط العفشة و قواعد الموتور فى بنزينة

ياريت الناس اللى عندها خبرة تساعدنى؟؟؟

وجزاكم اللة خيرا

[ibrahem_elkhabery]

اعتقد ان السبب الرئيسى وبنسبة كبيرة هو حرق الاسطوانة وبلتاكيد انت محتاج تغيير الاسطوانة والدبرياج واعتقد انك هتشم الريحة دى لما تيجى تطلع كوبرى

[kid]

شكرا جزيلا لمرورك وردك

ولكننى سألت ميكانيكى جارى على الإسطوانة و أخذ منى العربية لفة ولما رجع قاللى الدبرياج مافيهوش حاجة و العربية تمام
و لما قولتلة دى لسة فيها رائحة الشياط فى الكبوت قام مدورها و طلع بيها طلعة جامدة كان صوتها بيصفر زى ما بيقولوا فرك بيها و قام قاللى لو الدبرياج فية مشكلة ما كانتش هاتطلع الطلعة دى

بس لسة بحس انى بشم شياط على خفيف كدة , خايف يحصل حاجة فيها و ملحقهاش ؟؟

[haroun707]

استاذى مع كامل احترامى الموضوع اللى حضرتك بتشتكى منه ده من الواضح جداً انه اسطوانه يستحسن ان حضرتك تروح لميكانيكى تانى تكشف على العربيه عنده

[M.Elgergawy]

عدم السحب دا اسطوانة والرعشة ديسك
يبئى انت محتاج تغير اسطوانة وديسك وبلية دبرياج

[kid]

الف شكر على الرد يا شباب
حد عندة فكرة عن أسعار طقم الدبرياج

أنا سألت مركز الصيانة اللى بتعامل معاة قاللى 850 جنية و 250 تركيب أنا شايف ان كدة كتير جدا ولا إية رأيكم ؟؟
و شكرا

[prisoner]

الف شكر على الرد يا شباب
حد عندة فكرة عن أسعار طقم الدبرياج

أنا سألت مركز الصيانة اللى بتعامل معاة قاللى 850 جنية و 250 تركيب أنا شايف ان كدة كتير جدا ولا إية رأيكم ؟؟
و شكرا

انت كده محتاج طقم دبرياج كامل اسطوانة وديسك وبلية ومركز الصيانة ده بتاع ميتسوبيشى التوكيل والا من برة ونوعه ايه انت لازم تسال عن التفاصيل الاول بس السعر ده شكله كده توكيل

[kid]

لأ دة مركز خدمة تويوتا فى باب اللوق
سألت ف شامبليون لقيت دة سعر الأوريجينال و فية نوع يابانى اسمة دايكون عامل 420 جنية الطقم كامل

[prisoner]

لأ دة مركز خدمة تويوتا فى باب اللوق
سألت ف شامبليون لقيت دة سعر الأوريجينال و فية نوع يابانى اسمة دايكون عامل 420 جنية الطقم كامل

انا بقى سالت عند عادل وجدى لقيت الطقم سبور بس اللى موجود ب2600 وتركيب 200 جنيه

[M.Elgergawy]

لأ دة مركز خدمة تويوتا فى باب اللوق
سألت ف شامبليون لقيت دة سعر الأوريجينال و فية نوع يابانى اسمة دايكون عامل 420 جنية الطقم كامل

دايكون مش ياباني
كوري او صيني او اتحاد اوربي
وافضلهم طبعا الكوري
انما دايكون منزلش منو ياباني خالص

[prisoner]

دايكون مش ياباني

كوري او صيني او اتحاد اوربي
وافضلهم طبعا الكوري

انما دايكون منزلش منو ياباني خالص

استاذ محمد امال ايه النوع اللى يكون يابانى وكويس غير الدايكون وغير الى عند عادل وجدى علشان ده تهريج فرق شاسع يعنى لو مثلا 400 و600 نقول ماشى ازيد 200 جنيه علشان ماركة وصناعة وكده يعنى مفتكرش احنا هنستفاد من موضوع رياضية دى والا ايه؟