مشكلة في دوسة البنزين

[Samooh_2003]

ده حصلت مرتبن او تلاتة ومستغرب وبقول يمكن تهيئات بس قلت اسال يمكن تكون فيه حاجة كدا انا لانسر 2007 1600 اوتوماتيك من فترة واتكررت اول امبارح بردو وانا ماشي عادي بجي ادوس بنزين المفروض صوت الموتور بيزيد وال ار بي ام بيزيد ده بدوس بنزين مافيش اي حاجة ولا اي صوت ولا الار بي ام بيحرك اخر مرة دوست مافيش وكل مرة بدوس لاخر الدواسة لازم اشيل رجلي وادوس تاني فايترى ده ليها تفسير ولا تهيئات ولا ايه معلش ارجو الافادة عشان ده مقلقني فعلا مع ان كل صاينتها مضبوطة في التوكيل

[ibrahem_elkhabery]

اعتقد انك لازم تكشف على دواسة البنزيين ابتداء من البدال والسلك والبوابة بتاعة الانجكشن واكيد هتلاقى الحل انشاء الله بس متسبهاش لتكون حاجة كبيرة ووتنزيد بس انشاء الله هتكون حاجة بسيطة

[Samooh_2003]

شكرا ليك استاذ ابراهيم ولردك بصراحة انا كنت خايف من الجير بس السحب كويس وهي مشية والنقل مضبوط وصوت الموتور طبيعي النهاردة وانا على طريق اسكندرية حصلت تاني مرتين مرة زي ما انا قلت فوق والتانية وانا ماشي تقريبا كنت بدوس بنزين وطلع حتة هابطة وانا ماشي شويه فكانها علقت الار بي ام بيعلي وصوت الموتور بيعلى عادي مع الدوسة بس كان مابيوصلش بنزين او مافيش سرعة بتزيد او بتسحب كانها علقت بتزيد صوت ومؤشر بس فاياربت لو حد يريحني اكتر لحد لما اكشف عشان انا في اسكندرية وبصراحة بقلق اروح لاي حد

[Samooh_2003]

ايه ياجماعة هو الناس مادخلتش من امبارح ولا مابقاش حد يرد ولا ايه ارجو الافادة لو سمحتم عشان انا احتمال اتحرك بيها اليومين الجايين فابقى عارف اي حاجة مابقاش قلقان كدا

[Samooh_2003]

32 مشاهدة ورد واحد بس ؟

[momo44]

حطها على الكمبيوتر

[tigernet]

ياباشا انا حصلت معايا كام مرة فى البومة 2008 هاف سبور
ودة لما تحصل معاك شيل رجلك من على البنزين و دوس تانى و هاتمشى طبيعى
ودة سببة انا كنت واطتت الماتور شوية فى التوكيل لما كنت بنظف الحساسات و واطى سنة من الرجل
و لو ياباشا عند مشكلة فى اى حاجة فى العربية ممكن تبعتلى لانى واجهة شوية مشاكل فى العربية و عندى خلفية كوية عن بعض المشاكل و الحمد للة حلتها كلها بعد تعب اعصاب و مجهود و فلوس

[Samooh_2003]

طيب دلوقتي اعمل ايييييييه روحت التوكيل مرتين ومرة باتت هناك وبصراحة الناس في قمة الذوق والاحترام والمساعدة في قليوب بس انا زهقت من الموضوع ده يعني انا الانسراوي الوحيد اللي حصلتلو في مصر ؟ :d طيب وبعد انشاء هاروح تاني ليهم في يوم افضى فيه بس ماحدش بردو قابلتو المشكلة ده قبل كدا ؟

[Samooh_2003]

طيب يارجالة انا شاكك في كام حاجة بس عاوز اعرف ممكن حاجة فيهم تعلق البنزين والموتور في لحظة واحد وتتحل مع رفعى الرجل والدوسة تاني ؟


1-البوجيهات ( ده لسة متغيرة من 20000 كم)
2-فلتر الهواء وده ماتغيرش من 60000 كم تقريبا
3-طرمبة البنزين ( وده ماتغيرتش الحمدلله خالص )

ودلوقتي العربية عاملة 145 الف كم