محتاج مساعدة خبراء لانسر 2008

[Seifmando]

انا رحت امبارح اتفرجت على لانسر 2008 كلاسيك بالمواصفات التالية فى مدينة نصر
1600سي سي
منوال
فبريكة برة وجوة
ماشية 55000كم
فيها خرابيش بسيطة فى الدهان
الاكصدام الورانى عاوز يترش لان البوية قشرت منه
كاسيت سي دي
جنوط حديد
محتاجة جلب مقصات

المهم انى بعت الفيرنا بتاعتى وكنت محتار اجيب لانسر مستعمل ولا فيرنا تناى بس زيرو

نسيت اقل ان صاحبها جاب اخره امبارح فى 72400 جنيه
انا هاخد العربية اكشف عليها النهاردة من اولها لاخرها

محتاج اعرف كل حاجة عن العربية دى (اداءها-عيوبها-جريها-ثباتها-العقد المسجل بكم-الترخيص بكم-قطع الغيار)

انا اسف جداً لو كنت طولت بس انا عشمان فى ربنا ثم فى رجالة المنتدى

[M.Al-Hefnawy]

ممتازة توكل على الله ثباتها زي الفل ... العقد المسجل بحوالي 1600 جنيه ... والترخيص ممكن تدخل 500 جنيه في السنة ... قطع الغيار متنوعة بين الأصلي وأنواع أخرى.

[limo]

سعرها معقول جدا
التسجيل فى الشهر العقارى ب 1600 او 1700 جنيه والترخيص الثلاث سنوات ب1050 جنيه
جلب المقصات ب150 اصلى تقريبا
قطع غيارها حاليا غاليا جدا بسبب ان التوكيل الجديد لسه مفتحش والتوكيل القديم مشغل الظروف وبيبع بالغالى
انا عن نفسى مش بثق فى اى قطعه غيار مش اصلى علشان السوق فيه نصابين كتير
راى لو العربيه عجباك توكل على الله بس اكشف عليها فى التوكيل افضل لان ممكن يكون العداد ملعوب فيه او العربيه عامله حادثه ولا حاجه

[eldell]

سعرها معقول وحجتها متوفره فى كلك حته

[Seifmando]

1000 شكر للرجالة