هل الباور بتاع الميتسوبيشى مبيفصلش ياريت اهل الخبرة

[Ralliart]

الباور الهايدروليك مش خفيف قوي لدرجة تستدعي فصله
انما الكهرباء زي الالانترا والشارك لو مفصلش الدركسيون هيلعب جامد لانه خفيف جداً لدرجة اني لما بسوق الانترا بحس ان البومة مفيهاش باور بالنسبالها

[Haitham10]

الالنترا سمعتها سابقاها في الموضوع دة و عيبها الباور ومعروفة بكدة واوقات مبيفصلش..معرفش الشارك ظروفها ايه بس محدش اشتكي منه

[bassem.naguib]

انا معايا بومه وباخد بيها غرز على 120 وكنت جايب بيها 190 على الصحراوى الباور بيبقى خفيف بس مش اوى الى هو مرجيح

ما هو في الطوالي مفيش مشكلة طالما مبخدش غرز ولا في مطبات هوا العربية بتبقى زي الفل .. بس اسمحلي في موضوع الغرز ده على سرعة 120 بتبقى مجازفة بالنسبة ليا إلى حد ما (فرق سواق بيني وبينك يا باشا) عكس الكرولا زي ما ذكرت واللي كنت باخد بيها غرز على سرعة 140 و150 كمان من غير ما أحس بقلق .. وأعذرني فعلاً في لفظ مراجيح ده لأنه لازم أكون متيقظ وماسك في الدركسيون كويس .. وربنا يستر طريقنا جميعاً .

الباور الهايدروليك مش خفيف قوي لدرجة تستدعي فصله
انما الكهرباء زي الالانترا والشارك لو مفصلش الدركسيون هيلعب جامد لانه خفيف جداً لدرجة اني لما بسوق الانترا بحس ان البومة مفيهاش باور بالنسبالها

الباور الكهربا ناعم بدرجة كبيرة .. لدرجة أني اول مرة سقت عربية باور كهربا كانت في الالنترا قعدت بتاع دقيقتين تلاتة مش مستوعب النعومة دي لحد ما أخدت عليه ..بس مجرتش بيها على طريق بصراحة لأحكم عليها .

[MMamdouh]

ماشي كلامك وموافقك أن طبيعته كدة .. بس لو عندك تفسير للنقطة دي ممكن توضحها

الباور الهايدرولك عبارة عن طلمبة ضغط زيت و خزان و خراطيم داخلة و خارجة من علبة الدركسيون

طلمبة الباور مربوطة ببكرة الكرنك بسير... بالتالى طول ما الموتور داير الطلمبة حتفضل تولد ضغط

مفيش اى جزء من اجزاء النظام دة مرتبطة بشكل مباشر او غير مباشر بالكونترول او اى مكون اخر بحيث يكون لسرعة العربية تاثير على اداء نظام الباور فى العربية

القصة دى دخلت فيها ايام ما كنت ببحث فى موضوع تسقيط مكنة 2000 فى عربية جوليت و كان لازم استغنى اما عن طلمبة الباور او كومبريسور التكييف و لقيت ان ممكن استغنى عن طلمبة الباور الميكانيكية و اركب طلمبة كهرباء (طلمبة كهرباء بتضغط زيت الباور مش باور كهرباء زى الالنترا) و لما سالت على موضوع تغير الضغط مع السرعة حيحصل ازاى مع الطلمبة الكهرباء كان الرد ان مفيش اساسا حاجة كدة و ضغط الطلمبة الميكانيكية و الكهربائية بيفضل ثابت طول الوقت

MMamdouh

[Xander2010_Evo]

الباور الهايدرولك عبارة عن طلمبة ضغط زيت و خزان و خراطيم داخلة و خارجة من علبة الدركسيون

طلمبة الباور مربوطة ببكرة الكرنك بسير... بالتالى طول ما الموتور داير الطلمبة حتفضل تولد ضغط

مفيش اى جزء من اجزاء النظام دة مرتبطة بشكل مباشر او غير مباشر بالكونترول او اى مكون اخر بحيث يكون لسرعة العربية تاثير على اداء نظام الباور فى العربية

القصة دى دخلت فيها ايام ما كنت ببحث فى موضوع تسقيط مكنة 2000 فى عربية جوليت و كان لازم استغنى اما عن طلمبة الباور او كومبريسور التكييف و لقيت ان ممكن استغنى عن طلمبة الباور الميكانيكية و اركب طلمبة كهرباء (طلمبة كهرباء بتضغط زيت الباور مش باور كهرباء زى الالنترا) و لما سالت على موضوع تغير الضغط مع السرعة حيحصل ازاى مع الطلمبة الكهرباء كان الرد ان مفيش اساسا حاجة كدة و ضغط الطلمبة الميكانيكية و الكهربائية بيفضل ثابت طول الوقت

mmamdouh

اممم يعني قصد حضرتك إن طلمبة الكهربا إللي حضرتك ركبتها بتشتغل بالكهربا ومش مربوطة ببكرة الكرنك؟؟
طب مفيش حل للباور الهيدروليك ده إنه يفصل أو حتي يفصل بزرار نعملوا مثلآ؟؟
لأنه بصراحة مع السرعة العالية بيبقي مش حلو خالص وبعتبروا من العيوب إللي بتقلل من ثبات العربية

[prisoner]

باسم باشا منور الموضوع والله وكتر خيرك على الافادة وطبعا الف شكر لجميع من شارك افهم من كده ان الميكانيكى بيقول اى كلام ومعقول مش فاهم الفرق بين الكهرباء والهيدروليك ربنا يستر الصنايعية بتوعنا بيفتوا ويجربوا فينا رغم انو ورانى خرطوم رفيع قوى وسلك وقاللى ده بيتوصل بالكهرباء ربنا يلطف بينا

[bassem.naguib]

ربنا يخليك يا درش ويعزك .. ومستنيين مزيد من الأراء من رجالة متسوبيشي .

[MMamdouh]

اممم يعني قصد حضرتك إن طلمبة الكهربا إللي حضرتك ركبتها بتشتغل بالكهربا ومش مربوطة ببكرة الكرنك؟؟

yes

هى عبارة عن موتور كهرباء راكب على قربة الزيت و شكرا

طب مفيش حل للباور الهيدروليك ده إنه يفصل أو حتي يفصل بزرار نعملوا مثلآ؟؟

no

لأنه بصراحة مع السرعة العالية بيبقي مش حلو خالص وبعتبروا من العيوب إللي بتقلل من ثبات العربية

تعايش معاه... مفيش حل تانى... دى طبيعة العربية

MMamdouh