العربية اخر سرعة ليها 140 ازاى هل زيت الفتيس السبب

[bran]

عندى مكواه 2001 اوتوماتيك عندى مشكلتين
1- وانا سايق بدوس على البنزين على الاخر واخر سرعة توصلها العربية 140 ك واحد قالى غير زيت الفتيس لانه ده السبب وانا حاسس انه بيشتغلنى
2- الفتيس والعربية على الp وارجع العربيه على اى غيار بتحصل دقرة جامدة قوى ولازم اشد جامد علشان ارجع عصاية الفتيس وده بيحصل على ال p بس ياترى ده من ايه ارجو الافادة ولكم الشكر

[محمد فضالي]

طيب يا باشا ما تقولنا شوية معلومات عن العربية يعني عاملة كام كيلو وبتغير زيوت على كام وأخر مرة غيرت فيها الزيوت وعملت صيانة للعربية ؟؟؟

على فكرة ممكن يكون عيب السرعة ده من دواسة البنزين يكون في حاجة وراها زي الدواسة الجلد اللي بتبقى في العربية ممكن تسبب ده!

حاجة تانية وانت جايب 140 الأر بي ام بيبقى على كام؟؟

[OmaR_FekrY]

نفس الموضوع بيحصل معايا بس فى هوندا سيتى 2005 اوتو ,.. و برضو معرفش ايه السبب

[bran]

هو انا لسة شارى العربية جديد ومش عارف اعمل صيانة على ايه بالظبط انا عموما كشفت على زيت الفتيس قالوا انه كويس وغيرت سير الكتينه هو ده اللى انا عملته تفتكر فى حاجه ناقصه وشكرا على اهتمامك

[blazer]

هو عموما لو العربيه محتاجه صيانه هتضطر تعملها كدا كدا
يعنى تغير زيوت الماتور والفرامل والفتيس
تغير مجموعه السيور كلها
تغير البوجيهات
تغير فلاتر الزيت والبنزين والهوا

[A7MED_PHARMA]

هو عموما لو العربيه محتاجه صيانه هتضطر تعملها كدا كدا
يعنى تغير زيوت الماتور والفرامل والفتيس
تغير مجموعه السيور كلها
تغير البوجيهات
تغير فلاتر الزيت والبنزين والهوا

كلام سليم
وشوف نظام حرق البنزين عندك..البوجيهات وسلوك البوجيهات
علشان لو تعبانين----->مش هتحرق كويس------>مش هتجري كويس
وربنا معاك

[bran]

شكرا ليكم على هذه المعلومات وان شاء الله هروح للميكانيكى يظبطها بس بالنسبة للدقرة بتاعت الفتيس ممكن الزيت ياثر ويخلى الفتيس يدقر على الp بس طيب ليه كويس فى باقى النقلات ولا رايكم اوديها لصنايعى يفهم فى الفتيس وجذاكم الله كل خير وبركه

[محمد فضالي]

هو عموما لو العربيه محتاجه صيانه هتضطر تعملها كدا كدا
يعنى تغير زيوت الماتور والفرامل والفتيس
تغير مجموعه السيور كلها
تغير البوجيهات
تغير فلاتر الزيت والبنزين والهوا

100 100

[SAMEH_FOUAD]

لما تجيب الفتيس على الp ويعمل رجة جامدة فى العربية او تحس انة بيخبط فى حاجة يبقى كدة مش عيب زيت نهائى

بس قبل ماتعمل اى حاجة : هتكشف على الكبالن وخصوصا الداخلية , قواعد الماتور + قاعدة الفتيس , وسلك الكيك داون

لو كل دة سليم يبقى كدة مشكلة فى الفتيس ولازم تتعال بسرعة قبل ماتاثر علية

بالنسبة لسرعة العربية انها مثبتة على 140 مش هنقر نحكم علية غير بعد حل مشكلة الفتيس لانة اكيد لية عامل كبير

[bran]

شكرا على الرد والافادة وهاعمل اللى حضرتك قلت عليه وربنا يسهل