هل زيت الفتيس يقصر على سحب العربية

[msalah191281]

السلام عليكم
انا لسة جايب العربية من 20 يوم كدة المهم ان العربية سحبها ضعيف جدا مع انها 1600 اوتو ماتيك وكنت فاكر ان البوجيهات عاوزة تتغير و السحب هيتحسن فر روحت يوم السبت علشان اغريهم فا المكنيكى غيرهم و نظف البوابة و الحساس و قالى كدة الدنية هطزبت معاك فا تلعط اجرب لاقيت ان ولة فى اى تغيير السحب ضعيف جدا و صوت المونور عالى المهم رجعنلة و بص على فلتر الهوة و لقاة مظبوط فى طلع جرب معاية العربية فا لقتة بيئولى العربية سحبها ضعيف علشان زيت الفتيس عاوز يتغيرو الفتيس بينئل متاخر و كشف علية لاقاة محروق فاالى غير زيت الفتيس و هتلاقى كلة بقى تمام
بس انا مستغرب الكلام بصراحة العربية عاملة 51 الف كم و بصراحة مش عارف اتغيرها زيت فتيس ولة لا بس هل ممكن يكون زيت الفتيس فعلا بيئصر على السحب لو ما اتغيرش ولة دة كلام صنيعى
افيدونا افادكم الاه لحسن انا خايف تطلع المشكلة فى الماتور مع انة بيئولى الماتور كويس

[eldell]

بص ياستاذ محمد زيت الفتيس فى الاوتوماتيك بيتغير على 40000 الف ممكن يكون الى بعلك العربيه مغيرش الزيت وبيسبب فعلا تاخير فى العربيه

[nice_bird]

انا عندي مشكلة السحب دي وغيرت زيت الفتيس ومفيش تحسن بس الميكانيكي قالي فلتر البنزين عايز يتنظف

[msalah191281]

شكرا ليكم منتظرين رد باقى الاعضاء

[m3touk_85]

السحب فيه عدة عوامل :

اولا البوجيهات والسلوك بتاعتها متوصلة صح ولا لأ
طرمبة وفلتر ونوع البنزين المستخدم
نظافة البوابة وفلتر الهوا والايدل للسيارة
زيت الماتور وبردوا زيت الفتيس بيفرق طبعا
سلك الاسكراتيور ( بتاع دواسة البزين ) وهل هو مرخي ولا مظبوط
ضغط هواء الكوتشات بيفرق بردوا فى السحب
الحرارة وما ادراك واكشف على الميه فى الراديتير والقربة وعلامة الحرارة عندك
اخير اعمل ريست للecu علشان ممكن يكون ما تعملش له ريست خالص والقيادة مختلفة

[msalah191281]

شكرا ليك بس اية ال ecu دة وازاى اعملو رستارت

[Xander2010_Evo]

طب إيه النظام أنا عندي بوما 2007 مانيوال
ودلوقتي عاملة 65ألف كيلومتر الزيت بتاع الفتيس بيتغير إمتي؟؟
ونوعه إيه وبكام؟؟؟
وإيه حكاية الecu resetدي ؟؟

[m3touk_85]

الريست شيل الطرف السالب للبطارية لمدة 5 او 10 دقائق بعد كده شغل العربية وهي واقفة من غير ما تعمل اي حمل