الكريستالة و استهلاك البنزين!

[Ahmad]

الكريستالة 99 1300 سي سي أوتوماتيك المفروض تعمل كام كيلومتر في الصفيحة؟
في ناس كتير خوفوني من اللعب في كربراتير اللانسر نظرا لحساسيته الشديدة و امكانية تعرضه للتلف. هل الكلام دة صحيح؟

شكرا

[kemo_nagy]

طبعا صحيح مش اى حد يلعب فى الكربيراتير ودة لعدم وجود قطع غيارة عشان كدة عمرو ماهيرجع زى الأول دة طبعا لو صلحتوا عند حد مش متخصص
فى قطع غيارغالبا فى حاجات لازم تتغير اول ماتفك الكربيراتير زى الأولسيهات و الجوان و دة بيبقى موجود فى التوكيل (بس التوكيل بصراحة غالى قوى فى الحاجات دى)
انا اول ماشتريت العربية كان عندى حاجة اسمها التشك كان مش بيشتغل والميكانيكى اللى عندى قالى هات 250 جنية و اجبلك واحد كويس بس ماكنتش مستريحلة سألت كتييير لحد معرفت واحد كويس جدا جدا جدا بصراحة و عندوا جميع انواع قطع الغيار لأى كربيراتير و بصراحة امناء جدا جدا جدا مش من النوع اللى عايز يعمل عليك شغل و خلاص ياعنى هايشوف العربية لو مافيش شغل مش هايحط ايدو فيها و هى وارشة كبيرة قوى قبل الحرافيين لو عايز العنوان بالظبط قولى المهم عمل الصيانة 70 جنية +طقم اولسيهات 45 جنية +جوان 15 جنية و فى ضمان تقريبا 3 شهور على قطع الغيار و 15 يوم لو حصلت معاك اى حاجة(كهربة زيادة العربية مادرتش من اول مرة كدة ياعنى)

[lakany]

فعلا كاربراتير الانسر عقده و اوعى تفكه فى اسبراى لتنضيفه انا كنت تقريبا عايش بيه كل 5000 كيلو بانضف الكاربراتير بيه و هوا سهل جدا اما الاستهلاك فهو على الطوالى حوالى 280 ك فى الصفيحه و داخل البلد (ما ينفعش نحكم على اى استهلاك عربيه داخل القاهره)

[Ahmad]

انا اول ماشتريت العربية كان عندى حاجة اسمها التشك كان مش بيشتغل

التشك دة اللي بيخلي العربية عالية لحد ما تسخن ؟
أصله شغال عندي و مخلي صوت العربية عالي قوي الصبح لدرجة اني شاكك ان في حاجة غلط :)

بالنسبة لتصليح الكربراتير, ممكن تقولي اسم و مكان الورشة اللي قبل الحرفيين, يمكن احتاجلها
شكرا يا كيمو :)

[Ahmad]

فعلا كاربراتير الانسر عقده و اوعى تفكه فى اسبراى لتنضيفه انا كنت تقريبا عايش بيه كل 5000 كيلو بانضف الكاربراتير بيه و هوا سهل جدا اما الاستهلاك فهو على الطوالى حوالى 280 ك فى الصفيحه و داخل البلد (ما ينفعش نحكم على اى استهلاك عربيه داخل القاهره)

هو التنظيف بالسبراي ممكن يحسن استهلاك البنزين؟
و هل تقوم برش السبراي بنفسك أم يحتاج الموضوع الي ميكانيكي؟

شكرا

[lakany]

الاسبراى كان بيحسن الاستهلاك و السحب بس بنسبه من 5 ال10% وهو سهل جدا بتشيل العمه و فلتر الهواء و تحط ايدك على سلك دواسه البنزين و ترش الاسبراى داخل الكربراتير مع الضغط على السلك عشان تزود ضخ البنزين معاه (امبليه يعنى) و الا العربيه ها تبطل منك و لازم تكون العربيه مش سخنه جدا و مش بارده خالص و تعمل الموضوع ده 4 او 5 مرات ورا بعض و تنضف فلتر الهوا و اذا كان قديم غيره و تركب العمه و بس.

[Ahmad]

شكرا جزيلا يا lakany :)

[kemo_nagy]

التشك دة اللي بيخلي العربية عالية لحد ما تسخن ؟
أصله شغال عندي و مخلي صوت العربية عالي قوي الصبح لدرجة اني شاكك ان في حاجة غلط :)

بالنسبة لتصليح الكربراتير, ممكن تقولي اسم و مكان الورشة اللي قبل الحرفيين, يمكن احتاجلها
شكرا يا كيمو :)

العنوان يا أحمد قبل الحرافيين فى جسر السويس بعد سوق القنال عند بنزينة كالتكس أسأل و هيدلوك هناك وأبقى طمنا على النتيجة لو روحت;)

[Ahmad]

العنوان يا أحمد قبل الحرافيين فى جسر السويس بعد سوق القنال عند بنزينة كالتكس أسأل و هيدلوك هناك وأبقى طمنا على النتيجة لو روحت;)

شكرا يا كيمو :)
أكيد هبقي أقولك الاخبار لو رحت ان شاء الله.

[أبو_حمزة]

استهلاك البنزين
11.5 كم/لتر فى نطاق مصر الجديدة و مدينة نصر
13.5 فى السفر
بنزين 92

[Ahmad]

استهلاك البنزين
11.5 كم/لتر فى نطاق مصر الجديدة و مدينة نصر
13.5 فى السفر
بنزين 92

أعتقد ده استهلاك المانيوال . الاوتوماتيك بيستهلك أكتر شوية. مش كدة ؟

[أبو_حمزة]

لا انا عربيتى اتوماتيك و ده استهلاكها من غير تكييف
بالتكييف يزد حوالى 10- 15%

[Ahmad]

لا انا عربيتى اتوماتيك و ده استهلاكها من غير تكييف
بالتكييف يزد حوالى 10- 15%

تمام .
هي طول عمرها كدة؟ ولا حضرتك ضبطت حاجة في الكربراتير أوعملت تصليحات في اي حاجة؟
أصل عندي الاستهلاك زيادة شوية و بفكر ايه اللي ممكن أعمله علشان أحسن ال استهلاك.

[أبو_حمزة]

العربية و الحمد لله فابريكة بالكامل و كل حاجة فيها زى ما هيه بدون لعب اكتر من الصيانات الدورية فى مواعيدها
الكاربراتير ما اتعملش فيه اكتر من التنظيف الدورى
خد بالك ان اسلوب السواقة بيفرق كتير
لو رجلك تقيلة على البنزين و بتستعمل الفرامل كتير الاستهلاك يزيد معاك و بشكل واضح.

[Ahmad]

العربية و الحمد لله فابريكة بالكامل و كل حاجة فيها زى ما هيه بدون لعب اكتر من الصيانات الدورية فى مواعيدها
الكاربراتير ما اتعملش فيه اكتر من التنظيف الدورى
خد بالك ان اسلوب السواقة بيفرق كتير
لو رجلك تقيلة على البنزين و بتستعمل الفرامل كتير الاستهلاك يزيد معاك و بشكل واضح.

عندك حق. انا ساعات بستعمل الkickdown علشان أشوف سحب الموتور. يعني.. أنا لسه جايبها و بحاول أحسب الاستهلاك في جميع الظروف.
هو الصح اني أحسب الاستهلاك العادي بدون قرص أو شد و يفضل لمسافة طويلة مرة واحدة (سفر مثلا) . دي أكتر طريقة تبين نسبة الاستهلاك.

عموما متشكر جدا علي مشاركتك و ربنا يباركلك في عربيتك :)
علي فكرة لو حبيت تبيع قوللي ;)