الكريستالة و استهلاك البنزين!

[أبو_حمزة]

ربنا يبارك لك فيها يا زعيم
بصراحة مع الهبل اللى حاصل فى الاسعار اليومين دول انا من انصار مقاطعة الجديد لفترة لحد ما التوكيلات تعقل
بس لو فكرت ابيع ها اقول لك

[shevechinco]

طبعا صحيح مش اى حد يلعب فى الكربيراتير ودة لعدم وجود قطع غيارة عشان كدة عمرو ماهيرجع زى الأول دة طبعا لو صلحتوا عند حد مش متخصص
فى قطع غيارغالبا فى حاجات لازم تتغير اول ماتفك الكربيراتير زى الأولسيهات و الجوان و دة بيبقى موجود فى التوكيل (بس التوكيل بصراحة غالى قوى فى الحاجات دى)
انا اول ماشتريت العربية كان عندى حاجة اسمها التشك كان مش بيشتغل والميكانيكى اللى عندى قالى هات 250 جنية و اجبلك واحد كويس بس ماكنتش مستريحلة سألت كتييير لحد معرفت واحد كويس جدا جدا جدا بصراحة و عندوا جميع انواع قطع الغيار لأى كربيراتير و بصراحة امناء جدا جدا جدا مش من النوع اللى عايز يعمل عليك شغل و خلاص ياعنى هايشوف العربية لو مافيش شغل مش هايحط ايدو فيها و هى وارشة كبيرة قوى قبل الحرافيين لو عايز العنوان بالظبط قولى المهم عمل الصيانة 70 جنية +طقم اولسيهات 45 جنية +جوان 15 جنية و فى ضمان تقريبا 3 شهور على قطع الغيار و 15 يوم لو حصلت معاك اى حاجة(كهربة زيادة العربية مادرتش من اول مرة كدة ياعنى)

يا ريت يا كيمو بعد اذنك المكان فين بشئ من التفصيل معلش

[kemo_nagy]

بص ياباشا الورشة دى موجودة فى امتداد جسر السويس كدة كأنك رايح على الحرفيين بس قبلها بشوية بالظبط بعد سوق القنال على طول اول ماتشوف بنزينة كالتكس على الشمال هتلاقى شارع جنبها ادخل فى و امشى على طول(بس براحة عشان المطبات) بعد كدة يمين فى يمين هتلاقى الورشة واى خدمة :)

[amr_elrashidy]

العنوان مضبوط ..اسمه مركز الصفا للكربيراتير......صاحبه مهندس فى غبور....ناس اكثر من ممتازين..فاهمين اوى شغلهم...العربية اللانسر فيها تشوك(شفاط اوتوماتيك) اذا اتلغى عمله بيوفر كتير فى البنزين...كان معايا العربية دى مو96..متلعبش فيها خالص..كانت بتعمل حوالى 220 فى الصفيحة..روحتلهم لقيت العادم 9.5..المفروض اللانسر عادمها يبقى 0.7..ظبطولى العادم و قفلولى التشوك..الاستهلاك بقى 255-260 فى السواقة العادية..بدون كيكات كتير..مع التكييف و الكيكات بيوصل 220-230..عملت فى السفر 300 كم فى الصفيحة
نصيحة منى متروحش يوم جمعه بيبقى زحمة موت..مواعيدهم لحد 6 مساءا