العفشجى طلب حجات كتير

[ahmed_elmelih]

اول مره اودى العربية (لانسر 97 ) لعفشجى في الحى العاشر ونزل تحت العربية وقالى هات الاتى

جوز بارات خارجي
كاوتش مزيكا علبة دريكسيون
2 مسمار ميزان
2 كاوتش ميزان
قاعدة ماتور يمين

وبعد كده بقوله ان الجبرياج عالى اوى قالى حاول يوطيه وقالى محتاجه طقم دبرياج مع ان السحب كويس

ياريت تقولولى الحجات دية اسعارها ايه في شارع دمشق وافضل الانواع
وجزاكم الله خير ياجماعه

[فتح الباب]

لو انا مكانك هنزل بورسعيد او القاهره على حد سواء اجيب عفشه كامله استعمال على بعضها واركبها كلها وعمرها ما هتعدى 1500 جنيه ويبقى معايه عربيه جديده زيرو من ادام كلها ولا بعد خمس سنين لما افكر اعمل صيانه فى العفشه اما عن سؤالك انت فالاشياء التى انت ذكرتها لا تتعدى ال200 جنيه تقريبا

[فتح الباب]

ده غير ان العفشه الكامله تضم ايضا الطنابير والتيل والصرر ( جمع صره ) وطبعا رولمان البلى الاصلى

[ahmed_elmelih]

بس اظن طقم الدبرياج هيكون غالى بس مش عارف اجيب انواع ايه
وكمان 1500 دية عافشة كاملة اظن مش محتاجها دلواتى
وشكرا جدا على اهتمامك

[M.Elgergawy]

طيب معلش هو على اي اساس طلب منك الحاجات ديه
ولا انت بتشتكي من حاجة معينة

[ahmed_elmelih]

انا حاسس بس ان صوت العربية عالى شويه ومرحتش قبل كده لميكانيكى او عفشجى فقولت اشوف العربية فيها ايه اصلى انا شريها مستعملة من 9 شهور
لما فتح الكبوت لقيت الماتور فيه تعريقة زيت كتير وكاوتشة قاعدة الماتور متكلة وقالى علبة الدريكسيون عايزه حشو هو الى هيجيبوا
ولما كشف على الدبرياج قالى انها عايزه طقم دبرياج
ده كل الى حصل مع العفشجى انهارده
وشكرا على الاهتمام ياجماعه

[ahmed_elmelih]

انا اول مره اروح لعفشجى قولت ابص على العافشة هو طلع بالعربية يجربها وقالى كويسة هو طلب الحجات دية لما نزل تحت العربية
وفعلا انا شوفت قاعدة الماتور اليمين متكله
وكاوتش مزيكا علبة الدريكسيون عايز تتغير لانها مقطعوعه
ولما طلبت منه انه يشوفلى الدبرياج عشان هو عالى قالى ده فيه مشاكل وهات طقم دبرياج
وشكرا ياجماعه على اهتمامكم

[M.Elgergawy]

يا باشا دي كلها اشتغالات ميكانيكية اوعى تعمل حاجة فيها خالص

[bassem_sams]

متروح توكيل تكشف عليها و تتطمن لو طلعت محتاجه حاجات دى و لا لأ

[ahmed_elmelih]

شكرا على اهتمامكم وكنت عايز اعرف
هول التوكيل فيين بالضبط
والكشف هيتكلف كام

انا ساكن في جسر السويس

[bassem_sams]

شكرا على اهتمامكم وكنت عايز اعرف
هول التوكيل فيين بالضبط
والكشف هيتكلف كام

انا ساكن في جسر السويس

انا توكيل جديد دايموند مش عارف فروعه فين انا سامع انه هيشتغل شهر دة

انما توكيل قديم دى مراكز حدمه و صيانه
مركز الخدمة الرئيسى : ك 16 طريق مصر اسكندرية الزراعى - ت: 42157629 -0122386823
مصر الجديدة: جسر السويس امام سوق القنال - ت: 26982975 - 0121036730
فرع بيع قطع الغيار : شارع السودان - الكيت كات - ت: 33057640
===================================
مراكز الخدمة المعتمدة :
شركة الرواس: ك 12 طريق مصر اسكندرية الزراعى - ت: 42151570
12 عبد الخالق ثروت - ت: 25758130
5 شارع النيل - المهندسين - ت: 3472396
===================================
مراكز الخدمة السريعة:
محطة موبيل المعادى: شارع 9 - ت: 23581857
محطة موبيل خلف مساكن شيراتون -

[M.Elgergawy]

احسن توكيل بيتعامل مع اللانس الكريستالة فرع عبدالخالق ثروت
م / محمد ندى دا الباشا بتاع الكريستالة وشغال كل يوم ماعدا الجمعة
ودا رقمه 0109176644
والكشف على العفشة وتربيطها ب 25 ج

[FunnyMickey]

اصلا الحاجات اللي هوا طالبها دي لما الدركسيون يطقطق يمين وشمال
ملهاش دعوه بالصوت العالي
وبعدين هوا فيه حد يروح لميكانيكي في الحي العاشر
كلهم لا يفقهوا شئ في الميكانيكا
اطلع عالتوكيل ياباشا واتوكل علي الله
ولو عاوز عفشجي كويس قوللي

ده لو طلع اصلا فيه حاجه في العفشه

[tarek72]

السلام عليكم
انا عايذ عفشجى كويس معى بومه 2005 بس العفشه مش كويس وعايذ اشدها
واشكركم للمساعده

[ahmed_elmelih]

ده انا لسه جايب حجات للعفشة بس ان شاء الله هروح التوكيل اكشف برده
قدر الله ما شاء فعل
العفشجى الى في الحى العاشر انا زمايلى بيرحولوا وهو معظم شغلة في اللانسر وعانده ورشه كبيره وناس كتيره شكرتلى فيه
لو عاندك حد كويس قولى عليه