رولمان بلي كريستالة بكام؟

[Ahmad]

أنا عايز اشتري رولمان بلي للانسر كريستالة 99 .
ما هو أحسن نوع موجود في السوق و سعره كام و منين :) ؟ أنا سمعت ان فيه بلي كتير مضروب في السوق.
أنا سألت عليه في مركز الوكيل لبيع قطع الغيار الأصلية اللي موجود في الكيت كات .
لقيت الامامي ب 275 جنيه. و الخلفي ب 475 جنيه !!!!!!
أنا حاسس ان دة كتير قوي. ولا دة فعلا اسعار البلي؟
لو فيه بديل كويس ياريت تفيدوني.
شكرا.

[HESHAM AMIN]

ممكن تاخد رقم البلى و تسال فى توكيل Skf
بس يكون التوكيل علشان فية منة مضروب

[Ahmad]

ممكن تاخد رقم البلى و تسال فى توكيل Skf
بس يكون التوكيل علشان فية منة مضروب

فين التوكيل بتاعه يا هشام لو سمحت؟

[أبو_حمزة]

فى التوكيل الامامى الفردة ب350 يعنى الجوز 700 :]
و ده طبعا افترى
الاصلى نوعه Koyo يابانى على ما اعلم
فى التوفيقية مش ها يزيد سعر الجوز عن 100 و اسأل عند الناس المتخصصة فى البلى
النصيحة بجد انك تتأكد 1000% قبل ما تغير البلى ان القديم باظ و استشير مكانيكى و2
بلى الكريستالة من الحاجات اللى صعب تبوظ و البلى الجديد مش ها يعيش زى القديم و لا حتى ربعه حتى لو غيرته فى التوكيل و دى تجربة اكتر من واحد
اتأكد الله يرضى عليك قبل ما تعمل حاجة

[Ahmad]

فى التوكيل الامامى الفردة ب350 يعنى الجوز 700 :]
و ده طبعا افترى
الاصلى نوعه Koyo يابانى على ما اعلم
فى التوفيقية مش ها يزيد سعر الجوز عن 100 و اسأل عند الناس المتخصصة فى البلى
النصيحة بجد انك تتأكد 1000% قبل ما تغير البلى ان القديم باظ و استشير مكانيكى و2
بلى الكريستالة من الحاجات اللى صعب تبوظ و البلى الجديد مش ها يعيش زى القديم و لا حتى ربعه حتى لو غيرته فى التوكيل و دى تجربة اكتر من واحد
اتأكد الله يرضى عليك قبل ما تعمل حاجة

شكرا يا sabbagh علي النصيحة ,
أنا مش هشتري الا اما اشوفة بايظ بعيني. :)

[ihab]

البلى الخلفى بتاع الكريستالة بيبقى الصرة كاملة مش بلى بس و ده سبب غلو سعرها

[Ahmad]

البلى الخلفى بتاع الكريستالة بيبقى الصرة كاملة مش بلى بس و ده سبب غلو سعرها

فعلا . و انا رحت شفته بنفسي في محل قطع غيار في وسط البلد.
لقيت الصرة نوعها KOYO و مكتوب عليها Made in Japan
و عرفت من Sabbagh ان الKOYO دي هي الاصلي.
يا تري هو فيه منها مضروب ولا اتوكل علي الله و اشتريها؟

[أبو_حمزة]

انا ما سمعتش ان فى كويو مضروب بس لو المحل اللى بتشترى منه هو توكيل كويو يبقى ده أوثق
يا ريت تقول لنا بكام و يفرق اد ايه عن سعر التوكيل؟

[Ahmad]

انا ما سمعتش ان فى كويو مضروب بس لو المحل اللى بتشترى منه هو توكيل كويو يبقى ده أوثق
يا ريت تقول لنا بكام و يفرق اد ايه عن سعر التوكيل؟

أنا اشتريت الكويو من محل قطع غيار, و الصراحة الراجل وراني نوعين من الكويو , واحد لأصلي و التاني مضروب.
الأصلي محفور علي الحرف بتاعه الاسم و البلد, انما المضروب بيبقي محفور علي الجنب و بخط أكبر .
عموما الله أعلم , دة الكلام اللي قاله . انا اشتريت البلية الواحدة الامامية ب 85 جنيه و معاها طقم أويلسيلات للعجلة الواحدة ب 30 جنيه.
و الصره الخلفية جبتها ب 185 جنيه كويو ياباني و شكلها نظيف الصراحة.
انا ركبت البلي و جربت , الحقيقة الصوت راح و العربية بقت أنعم . بس معرفش البلي دة هيعيش قد ايه .
ربنا يستر :)