سعر رش العربيه فى التوكيل

[ahmed_soltan]

السلام عليكو ورحمة الله وبركاتة
اولا انا معايا لانسر 2008 هاف سبورت كنت عملت حادثة بيها من حوالى شهر فى صلاح سالم العربية اتقلبت على جانبها وودتها لسمكرى وغير فيها رفرف خلفى وباب
كنت بس عايز اعرف لو عايز ارش العربية فى التوكيل بالكامل ماعدا السقف وارش الشنطه كمان عشان غيرت الرفرف
كنت عايز اعرف هتكلف كام وفين التوكيل بتاع لانسر او حتى ارقام تليفونتهم وممكن استلمها بعد قد اية تقريبا
مع العلم انى جايب رفرف وباب نفس اللون بتاع العربية
وجزاكم الله خير

[ahmed_soltan]

كنت عايز اعرف كمان لو رشيت فى التوكيل تبقى زى الفبريكة ولا لا
ياربت ياجماعة اللى عنده معلومه يحاول يفيدنى

[limo]

هوه انا الى اعرفه ان التوكيل بيحاسب بالقطعه
بمعنى القطعه ب250 او 350 مش متذكر
الرفرف بيتحسب قطعه واحده والكبوت قطعتين
يعنى دهان الرفرق ب250 جنيه لواحده والكبوت ب500 جنيه لواحده

[zoro007]

هوه انا الى اعرفه ان التوكيل بيحاسب بالقطعه
بمعنى القطعه ب250 او 350 مش متذكر
الرفرف بيتحسب قطعه واحده والكبوت قطعتين
يعنى دهان الرفرق ب250 جنيه لواحده والكبوت ب500 جنيه لواحده

طيب لما هوه بيحاسب بالقطعه ازاى حاسب الكبوت قطعتين ؟؟؟

على كدا ممكن يحسب السقف لو اترش ب 4 قطع .. لو كلامك مظبوط فعلا يبقى سياسه مستفذه والمفروض نعمله بلوك ودليت التوكيل دا فى اى حاجه


اما بالنسبه للسؤال الرش يكون زى الفبريكه فاكيد لا طبعا مش بيبقى زى الفبريكه وممكن تميزه انه راشش ولا لاء بالاجهزه الالكترونيه او الفحص اليدوى

[Ralliart]

رش القطع ليه طريقة حساب ورش العربية كاملة ليها طريقة تانية
ده اللي عرفته في التوكيل

[eno_22006]

انا كونت ليسه راشش من شهرين 350 الرفر أو الاكصدام 600 الشنطه او الشقف و الكبوت مش فاكر بصراحه لاني مرشتوش قبل كدا ولو العربيه كلها 4500 - 5000 مش فاكر بالظبط كام بس مدام هترش كله يبقي رش بره أحسن وفيه الورشه بتاعت م.كريم منير و هيبقي ارخص مدام مش هترش جزء بس والامر ليك في الاول والاخر

وفعلا بيحسب الشنطه والسقف وتفريبا الكبوت قطعتين مش قطعه واحده

وأكيدد مش بيرجع ذي الفبريكه