إعـــــــلان

Collapse

.

,
See more
See less

رابطة مالكى البومه - لانسر 2003 : 2012

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة ahmedfra مشاهدة المشاركة
    يا جماعة النهاردة و انا فى الشغل و ماشى دورت العربية و نقلت على r لقيت خبطة جامدة جدا لدرجة انى اتهزيت على الكرسى و اتخضيت طبعا . يا ترى ده من ايه ؟ و ممكن الفتيس يكون فيه مشكلة ؟
    ربنا يستر

    انزل وشوف الخرطوم الصغير اللى فوق الموتور راكب ولا لا ؟
    لو لكل حاجه تمام غالبا بتكون قاعده الفتيس

    Comment


    • كيف الحال

      ازيك يا ابو اياد ....ياريت تقبلونى عضو فى هذه الرابطة الطيبة
      عمر هلال
      لانسر 1600 اتوماتيك كلاسيك 2009
      مع الشكر

      Comment


      • اهلا اهلا عمر باشا منور الرابطه ومنور الدنيا كلها

        Comment


        • المشاركة الأصلية كتبت بواسطة ahhazem مشاهدة المشاركة
          ياشباب انا عملت صيانة الالف في دياموند موتورز ابورواش
          وعاوز اقولكوا على اللي حصل للعلم والنصيحة

          الاول حجزت ميعاد بالتليفون على يوم السبت الساعة ١٢.٣٠
          رحت في الميعاد واستقبلتني موظفة في الاستقبال وقالتلي ان المهندس هيكون معاك في خلال ١٠ دقايق
          وقعدت مستني في الاستراحة لحد ما بقت الساعة ١ وجالي الأخ

          سألته على اللي انا عاوز أعمله من اكسسوارات وهقولكوا على الأسعار بعدين علشان محدش يتصدم

          المهم كان عندي مشكلتين قولتله عليهم وهما اني حاسس برعشه أو نفضه زي رعشة الكهربا كده والعربيه واقفه

          وطبعاً قعد جوه العربيه وفضل مركز وقاللي لا مفيش حاجة انا مش حاسس بحاجة خالص ( احتمال يكون البنزين اللي بتحطة مش نضيف)!!!!!!!!!

          المشكله التانيه اللي سألته عليها هيا الأنوار اللي بتنور مع نور التابلوه وهرب من الإجابه الأول ولما سألته على نور مفتاح الانتظار وقاللي لأ مش بينور
          فقولتله لو موجود ليه توصيله يركبهولي على حسابي وحلفلي انه مش بينور في الموديل ده ولا هوا ولا الطفايه ولا الولاعة...........مش غريبة دي!!!!!!!

          المهم قاللي ان العربيه هتخلص الساعة ٣ مع اني معاهم من الساعة ١٢.٣٠................ (منتهى النظام بصراحة) ودخلت قعدت في الاستراحة والعربية فضلت برة في البارك كمان نص ساعة كده ماتحركتش من مكانها

          ما علينا

          خلصوا العربية ....غيروا زيت وفلتر وعلى كلامه يبشيكوا على الكهربا بتاعة العربية ويربطوا العفشة
          ربعدين دخلت حاسبت في الحسابات ومعايا المهندس اللي كان معايا الصبح......ولاقيته بيقوللي المفتاح بره مع موظف الأمن هتديلوا التصريح اللي اخدته من الحسابات وهوا يديني المفتاح بتاعي واستلم العربيه ( مع نفسي كده انا استلم العربيه لوحدي)...!!!!!!!!!!!

          المهم ...... دفعت وخرجت قابلت بتاع الأمن واديتوا التصريح واداني المفتاح ودخلت العربية دورتها ومشيت

          عند البيت وانا باركن العربية بارفع الهاند بريك لاقيتها ماسكة قوي مش زي الأول.......قولت أكيد هما ظبطوا الفرامل كمان لوحدهم

          ودلوقتي فات اسبوع بالتمام وانا بحاول اتعود على الفرامل بالطريقة دي واحايل نفسي ان المفروض يكون وضع الفرامل كده هوا الصح وانا مكنتش عارف قبل كده ( مشدودة قوي وحاسس انها قافشه على العجل ودوسة الفرامل على الهادي بتخلي العربية تقفش كده والقفه يبقى فيها رجة صغيره)

          اللي غايظني بقى كمان ان ليا زميل اشترى نفس العربية ونفس الموديل في نفس التوقييت فسألته على لمبة مفتاح الانتظار وقاللي انها عنده بتنور مع نور التابلوه..........................:(

          دلوقتي انا عملت بلاغ صيانه تاني وحجزت على السبت وقولتلهم اني مش مبسوط من الفرامل من ساعة الصيانة اللي فاتت وخدت ميعاد

          ممكن حد ينصحني بقى اعمل ايه لم اروح علشان هما ممكن يستهبلوا ويعملوها شغلانه جديده اني عاوز اشيك على الفرامل وكده

          آه ملحوظه مهمة ( لو عامل حسابك انك في الاستراحة تستنى عربيتك وتتسلى على النت تبقى بتحلم ........معندهمش واي فاي يا رجاله......حسبي الله ونعم الوكيل قعدت التلات ساعات اتفرج على سي بي سي غصب عني)
          روح لاي ميكانيكي قريب منك وخليه يخف شوية رجلاش فرامل اليد - ستتكلف 10- 15 جنية بثمن البنزين زهاب واياب لمركز الصيانة خلاف العطلة - وبعد كدة في الصيانات القادمة اختبر السيارة بجوار المركز

          Comment


          • عضو جديد

            متلك لانسر بومة 2006
            1300 at
            سعيد بمشاركتي معكم
            أخواتى الأفاضل

            Comment


            • المشاركة الأصلية كتبت بواسطة madboy2002 مشاهدة المشاركة
              متلك لانسر بومة 2006
              1300 at
              سعيد بمشاركتي معكم
              أخواتى الأفاضل
              اهلا بيك واحنا كمان سعداء بمشاركتك

              Comment


              • السلام عليكم ورحمة الله وبركاتة
                امتلك سيارة لانسر بومه 2006 مانيوال 1300 ويشرفنى الانضمام الى الرابطة
                https://t.me/pump_upp

                Comment


                • المشاركة الأصلية كتبت بواسطة ror مشاهدة المشاركة
                  السلام عليكم ورحمة الله وبركاتة
                  امتلك سيارة لانسر بومه 2006 مانيوال 1300 ويشرفنى الانضمام الى الرابطة
                  الشرف لينا واهلا بيك

                  Comment


                  • شكرا لذوق حضرتك انا كان عندى مشكلة فى السبيكة وقلت بدل ماغيرها اجيب موتور 1300 بردة استيراد بس مش عارف هيبقى بكام ومنين
                    https://t.me/pump_upp

                    Comment


                    • المشاركة الأصلية كتبت بواسطة ror مشاهدة المشاركة
                      شكرا لذوق حضرتك انا كان عندى مشكلة فى السبيكة وقلت بدل ماغيرها اجيب موتور 1300 بردة استيراد بس مش عارف هيبقى بكام ومنين
                      لو انت قريب من الجيزه ممكن سوسو فى المريوطيه عندهم محلين واحد فى فيصل والتانى الهرم
                      وممكن فى شارع الوحده امبابه الشيخ مكى وليهم محل فى قلب الوكاله
                      او الحرفيين فى كتيرررررررررر
                      بالنسبه للاسعار مش عارف بصراحه الموتور 1300 يعمله كام بس فى تقديرى الشخصى مش هايزيد عن 3000 او 3500ج

                      اللى تاخد بالك منه انك تاخد معاك ميكانيكى علشان يقدر يفيدك فى النظره المبدئيه للموتور والباقى على التجربه بالاتفاق

                      Comment


                      • عايز أجنط يا شباب ... عربيتي 1600 أوتو
                        أهم حاجة عندي يكون الجنط عريض .. لإني أصلا بجنط علشان أزود الثبات و كمان طبعا علشان الشكل
                        مشكلتي بقى إني خايف من إني أجيب كاوتش البورفايل بتاعه قليل فيعمل بلالين و يبوظ بسرعة ، أو جنط 17 مثلا فيكون قريب من الرفرف ...

                        أنا عايز كل المجنطين فعلا يدوني خبراتهم .. و بتكلم عن أي جنط أكبر من الـ 15
                        يعني أنا حاليا محتار بين الـ 16 و الـ 17
                        و محتار أكتر في مقاس الكاوتش بتاع الجنط نفسه ...

                        ياريت النصايح بقى يا شباب

                        Comment


                        • المشاركة الأصلية كتبت بواسطة dawns_mist مشاهدة المشاركة
                          عايز أجنط يا شباب ... عربيتي 1600 أوتو
                          أهم حاجة عندي يكون الجنط عريض .. لإني أصلا بجنط علشان أزود الثبات و كمان طبعا علشان الشكل
                          مشكلتي بقى إني خايف من إني أجيب كاوتش البورفايل بتاعه قليل فيعمل بلالين و يبوظ بسرعة ، أو جنط 17 مثلا فيكون قريب من الرفرف ...

                          أنا عايز كل المجنطين فعلا يدوني خبراتهم .. و بتكلم عن أي جنط أكبر من الـ 15
                          يعني أنا حاليا محتار بين الـ 16 و الـ 17
                          و محتار أكتر في مقاس الكاوتش بتاع الجنط نفسه ...

                          ياريت النصايح بقى يا شباب

                          انا مركب عندى 205/50/16 وهو ممتاز لان ال17 هايكون على 45 ولو مشيت بيه 20000كم فى شوارع مصر يبقا انا بطل

                          Comment


                          • المشاركة الأصلية كتبت بواسطة أبو إياد مشاهدة المشاركة

                            انا مركب عندى 205/50/16 وهو ممتاز لان ال17 هايكون على 45 ولو مشيت بيه 20000كم فى شوارع مصر يبقا انا بطل
                            طيب مدام بروفايل 50 مناسب يبقى ممكن اركب 17 / 50 - 215 ولا ده هيكون كبير بزيادة قيبقى قريب أوي من الفجوة و يقلل من عمر الكاوتش علشان درجة الحرارة ؟؟
                            و سمعت عن ناس كتير مجربين الـ 16 / 60 - 205 و بيقولوا إنه طري جدا برضه و مناسب ... فياترى إيه رأيك حضرتك .. و ياريت لو صورة كده لعربية حضرتك بالجنط ده يا أفندم ، و آسف على تعب حضرتك و شاكر جدا لاهتمامك ..

                            Comment


                            • المشاركة الأصلية كتبت بواسطة dawns_mist مشاهدة المشاركة
                              طيب مدام بروفايل 50 مناسب يبقى ممكن اركب 17 / 50 - 215 ولا ده هيكون كبير بزيادة قيبقى قريب أوي من الفجوة و يقلل من عمر الكاوتش علشان درجة الحرارة ؟؟
                              و سمعت عن ناس كتير مجربين الـ 16 / 60 - 205 و بيقولوا إنه طري جدا برضه و مناسب ... فياترى إيه رأيك حضرتك .. و ياريت لو صورة كده لعربية حضرتك بالجنط ده يا أفندم ، و آسف على تعب حضرتك و شاكر جدا لاهتمامك ..
                              60 ده لازم يحك معاك ممكن على 55

                              Comment


                              • دى صوره بس مش على 50 ده 55/205 علشان الكيت


                                Comment

                                Working...
                                X