عوز كاوتش يارجالة

[nice_bird]

انا النهاردة نزلت اجيب كاوتشات جديدة فجئت باسعار الكاوتش الجديدة ولقيت حاجات باسعارها القديمة بس مقاسات مش عارف هتركب ع البومة عندي ولا وعايز اخد رايكم
1- لاسا تركي 15/205/55 ب 475 الفردة 2010
2-بريدجتسون 15/195/60 ب 510 من الشركة انتاج 2011
3-جي تي 15/195/55 انتاج 2011 بس حاسس هيوطي العربية

وطبعا كل الكوتشات دي نقشة السرعات وانا اهم حاجة عندي ان المقاس يكون مستريح علكما باني بمشي في طرق كلهما مطبات مع العيلة (العربية محملة) ودي كل المقاسات اللي ممكن اجيبها وياريت الردود بسرعة

[nice_bird]

وكنت عايز اسال برضوا ايه رايكو في ماكسس و نيكسن

[أبو إياد]

1- لاسا تركي 15/205/55 ب 475 الفردة 2010

ياريت عنوان المحل اللى عنده المقاس ده وانا شايف ان ده انسب مقاس وقلبت عليه الدنيا وماكنتش لقيه لانه قليل جدا
ولو تقدر تساله فى انواع تانيه نفس المقاس ده غير التركى

[zoro007]

انا شايف ان اسعار الكاوتش ارتفعت بشكل ملحوظ مش عارف ايه السبب مفيش اى اخبار انها تنزل تانى ولا ايه

غير ان البردجستون شايف ان محدش بقى بيجيبه من محلات الكاوتش هوه شاحح فى السوق ولا ايه ؟

وكل مروح لمحل الاقى المتاح عنده ماكسس وبيقلى دا اللى ماشى دلوقتى وحلو .. طبعا انا مسمعتش عنه قبل كدا ومش ضامنه انا عايز اجيب حاجه نضيفه ومضمونه

[gebreel]

البريدجستون فعلا شاحح في السوق بقالو حاجة بتاعة شهر الكلام ده لما كنت بسأل على فرد للادا و اتكلمت مع واحد من بتوع الكاوتش على الموضوع ده فعلا

بمناسبة الموضوع ده انا بفاضل بين الGood Year التركي و الSilver stone الماليزي انتاج اخر 2010 مقاس 175/70/13

[nice_bird]

ياريت عنوان المحل اللى عنده المقاس ده وانا شايف ان ده انسب مقاس وقلبت عليه الدنيا وماكنتش لقيه لانه قليل جدا
ولو تقدر تساله فى انواع تانيه نفس المقاس ده غير التركى

هوا المحل في اسيوط للاسف ومعندوش انواع تاني عير التركي والمقاس دا فعلا مش موجود في انواع كتيير وليا استفسارين عند يا ابو اياد
1-لو ركبت 205/55 هيحك في الرفرف او يعمل مشاكل ولا لأ
2- ايه الانواع اللي ابعد عنها في الكاوتش

[أبو إياد]

هوا المحل في اسيوط للاسف ومعندوش انواع تاني عير التركي والمقاس دا فعلا مش موجود في انواع كتيير وليا استفسارين عند يا ابو اياد
1-لو ركبت 205/55 هيحك في الرفرف او يعمل مشاكل ولا لأ
2- ايه الانواع اللي ابعد عنها في الكاوتش

المقاس ده تمام ومافيش فيه اى مشاكل

اهم حاجه ابعد اى كاوتش فيتنامى نهائى اى حاجه تانى مافيش فيها مشاكل سواء كورى او تركى اندونيسى او يابانى .............. مع مراعاه طبعا تاريخ انتاجه

[sakr]

toyo

باشا اناركبت toyo يبانى وسعرها 450 عند غطاطى اخر شارع فيصل ومريحه العربيه وعنده انواع تانى كتير

[nice_bird]

انا نويت ع كاوتش gt اندونيسي مقاس 195/55 r 15 الفردة هترسي علي 430 وهنزل اشترييه يوم الاربع إن شاء الله بس الاول هشوف البريدجستون ال MY 195/60 بس دا احتمال نادر شوية لان سعره 510 الفردة ونفس نقشة ال GT بالظبط

[nice_bird]

انا نزلت اشتريت امبارح الكوتش جبت 4 فرد نيكيسن سرعات 195/60 88h الفردة ب 425ج بس كان نفسي اجيب جي تي اندنونيسي لانو 88v وكاوتش ماسك نفسة ناشف بس صحابي اقنعوني بالنيكسسن لان اطري ونقشة شجرة وبيعيش في الحرف والمطبات بتاعتنا

[tamersab]

متــــــــــــــــــــابع

[Mina-Magdy]

مشلان مشلان مشلان الوكيل على الكورنيش قرب مصر القديمة

[nice_bird]

بس انا اعرف ان سعر الفردة وصل 600 ج او اكتر في الميشلان

[ahmed_h_g]

الميشلان ممتاذ
أنا مركب فرده 14 - 185/60 ممتاذه ما شاء الله