مشكلتين فى لانسر 1600

[mrekaby]

السلام عليكم
عندى مشكلتين فى عربية - لانسر 2006 اوتوماتيك 1600- الاولى الدركسيون تقيل جدا العربية بتحدف شمال جدا للدرجة اننى لو سبت الطارة بتحدف بزواية جامدة المهم اننى ضبطت هواء الكاوتش و اتأكدت من مستوى زيت الباور و لكن المشكلة مستمرة ومش عايز اروح التوكيل عشان هيا خليجى
الثانية ان صوت الماتور عالى جدا رجاء الرد و الأفادة ياريت حد يفيدنى فى المشكلة دى
وشكراً مقدماً

[مصراوي جدا]

استاذ محمود
شرفنا يا باشا في مركز الخدمة الرئيسي للتوكيل في قليوب وانا هاكون مع حضرتك ومفيش شغل هيتعمل الا لما توافق عليه الأول (يعني مفيش اشتغالات) وباذن الله تطلع مبسوط والعربية تمام

[mrekaby]

طارق باشا
تعيش و ربنا يبارك فيك بس حضرتك مواعيد المركز لحد الساعة كم ؟ عشان انا فاضى الجمعة و السبت عايز حقيقى اتشرف بمعرفتك اولاً و بعد ذلك اعمل اللى فى العربية
و شكرا جداً مجدداً

[مصراوي جدا]

استاذ محمود

احنا اجازة الجمعة

السبت شغالين من 8 : 4 انما بيكون زحمة جدا

لكن ممكن حضرتك تيجي السبت لكن يا ريت بدري اوي يعني من 8 ص علشان نلحق قبل الزحمة

طبعا المكان هو مركز الخدمة الرئيسي بقليوب الطريق الزراعي الكيلو 16 بعد كوبري قليوب على الشمال وده العنوان بالتفصيل

http://www.nilemotors.net/Nile/showthread.php?t=9838

[mrekaby]

طارق باشا
ان شاء الله يوم الأحد الصبح من البيت على المركز طوالى وهسأل عليك أول ما أوصل متشكرين جدا يا باشا

[basom]

نفس مشكلتى

انا كمان بعانى من نفس المشكلتين تقل فى الدركسيون و حدفة و صوت الموتور عالى و كمان عندى مشكلة تانية ان العربية مابتسحبش يا ريت لو رحت التوكيل ترد عليا و تقولى دة عيب اية و انا لو رحت قبلك هاقولك شكرا على تعاونكم معنا

[basom]

نفس مشكلتى

انا كمان معايا عربية سبورت2008 و بعانى من نفس المشكلتين بلاضافة الى عدم السحب يا ريت لو رحت التوكيل تقولى المشكلة في اية بالظبط و شكرا

[khaled ali]

if your cars are gulf concepts you must use gasoline 95 and you will feel the Difference