مشاكل رادياتير البومه

[delloptiplex]

كثير من الناس و انا منهممن اصحاب البومه الرادياتير ضرررررررررررب وسرب ميه من التقفيل بين الفيبر الاسود والجزء

المعدني و لولا ستر الله لكان الموتور في خبر كان و الفني قلي انه عيب في البومه.

هل المشكله دي منتشره وعيب في البومه والا اييييييييييييييييه لان لو عيب تبقى مصيبه

[Xander2010_Evo]

أنا أول مرة أسمع عن العيب إللي حضرتك بتقول عليه ده أساسآ
الحمد لله العربية مفيهاش حاجة أبدآ وبقالها 4 سنين معايا
ممكن حضرتك تكون إتخبطت من تحت ولا حاجة والريداتير إتحرك من مكانو وبكده سرب مية
إنما صراحة أنا أول مرة أسمع الكلام ده؟؟
وفني فين؟؟ فالتوكيل؟؟

[A7MED_PHARMA]

العيب ده شوفته في كام عربية لانسر
حصلت عندي( عربيتي مكوة 2001)..وغيرته على طووول
وبعد ماغيرته..العربية إتخبطت وإتكسر هههههههههههه

[SAMEH_FOUAD]

فعلا بشوف كتير عربيات بومة كتير عطلانة بسبب انفجار فى الخراطيم او ان الردياتير فية مشكلة

وعلى فكرة ياريت من الناس كلها تتابع المياة بتاعتها حتى لو العربية زيرو لان وارد جدا ان يكون فيها عيب صناعة

[HOSSAM99]

السلام عليكم
هو لا يعتب عيب أكثر مما هو عمر إفتراضي
أنا عندي في المازدا الفاميلي 98 ضرب من سنتين تلاته و رحت عملته (غيرته بوش نحاس بتفك الرياداتير و بيشيل الوش المشروخ و بيركبلك النحاس في ساعه و بيرش الوش الجديد باللون الأسود المط و غطا ريداتير جديد_و كان سببه عندي عمر العربيه و تلف ثرموستات الكوعه و عدم صيانة الدوره كانت بمية الفابريكه 10 سنسن من الزيرو_و أتكلف حوالي 150 جنيه و الرياداتير رجع أفضل من الأول)
بسيطه إن شاء الله

[Ralliart]

اي عربية مهما كان نوعها الراديتير بتاعها فبر من فوق ومحصلش صيانة لدورة المياه فالموضوع هيكون شوية وقت ويتكسر ويسرب والموضوع ده شائع في عربيات كتير جداً مش البومة بس وهتلاقي الوش الفيبر عند بتوع الراديتير في حدود 100 جنيه

[Xander2010_Evo]

اي عربية مهما كان نوعها الراديتير بتاعها فبر من فوق ومحصلش صيانة لدورة المياه فالموضوع هيكون شوية وقت ويتكسر ويسرب والموضوع ده شائع في عربيات كتير جداً مش البومة بس وهتلاقي الوش الفيبر عند بتوع الراديتير في حدود 100 جنيه

حلوووووو أوووي كده
سؤال رخم بقي
إزاي صيانة دورة المياه للعربية؟؟ إزاي وتتكلف كام؟؟
وبتتعمل كل قد إيه ؟؟ وهل دي بتتلافي عملية الكسر دي فعلآ؟؟

[HOSSAM99]

حلوووووو أوووي كده
سؤال رخم بقي
إزاي صيانة دورة المياه للعربية؟؟ إزاي وتتكلف كام؟؟
وبتتعمل كل قد إيه ؟؟ وهل دي بتتلافي عملية الكسر دي فعلآ؟؟

الصيانة بتبقي بتفضيه الدوره من المياه القديمه
و الغسل بالكيماوي و منظفات الرياداتير و سوائل لإذابة الصدأ
و عمل كبس للدوره لو فيها تنفيث
و الكشف علي حساسات الحراره
الكشف علي طلمبة المياه
و ملئ الدوره بالسائل الموصي به
و كل صيف و حضرتك طيب

الأفضل إن الصيانه تتم كل صيف و لكن هي بتبقي علي 40 ألف

و فعلا الصدأ و تلف الحساسات و الثرموستات بيكسر وش الرياداتير و يقطع الأجزاء الكاوتش(و كفاءة التبريد بتقل جامد )
غير إن الصدأ بيضر ببلوك الموتور الداخلي اللي بتمشي فيه الميه

[mhmhmhmh]

انا حصلت معايا المشكله دي وغيرت علبة الرداتير وعربيتي بومه 2004 وال مرة تعمل كده شوف ليها كام سنه
لازم كل صيف تعمل عسيل لدورة مياه السيارة او كل 6 شهور هيكون افضل ده ممكن تعمله في محطة البنزين

[Xander2010_Evo]

الصيانة بتبقي بتفضيه الدوره من المياه القديمه
و الغسل بالكيماوي و منظفات الرياداتير و سوائل لإذابة الصدأ
و عمل كبس للدوره لو فيها تنفيث
و الكشف علي حساسات الحراره
الكشف علي طلمبة المياه
و ملئ الدوره بالسائل الموصي به
و كل صيف و حضرتك طيب

الأفضل إن الصيانه تتم كل صيف و لكن هي بتبقي علي 40 ألف

و فعلا الصدأ و تلف الحساسات و الثرموستات بيكسر وش الرياداتير و يقطع الأجزاء الكاوتش(و كفاءة التبريد بتقل جامد )
غير إن الصدأ بيضر ببلوك الموتور الداخلي اللي بتمشي فيه الميه

تمام جدآآآ جزاك الله خيرآآآ
وأعملوا فين بقي والتكلفة ف حدود كام؟؟

[HOSSAM99]

تمام جدآآآ جزاك الله خيرآآآ
وأعملوا فين بقي والتكلفة ف حدود كام؟؟

جزانا الله و أياكم كل خير
ممكن حضرتك تعمله في المحطه
و الأفضل متخصص رياداتير
و التكلفه مش قادر أحددها بالظبط لأن بعمل الموضوع ده في التوكيل
لكن جراكن المياه الخضرا بتتراوح من 40 جنيه إلي 80 جنيه للموبيل
و مزيل الصدأ في حدود 25 حسب النوع
و المصنعيه ممكن 40 جنيه

[Xander2010_Evo]

جزانا الله و أياكم كل خير
ممكن حضرتك تعمله في المحطه
و الأفضل متخصص رياداتير
و التكلفه مش قادر أحددها بالظبط لأن بعمل الموضوع ده في التوكيل
لكن جراكن المياه الخضرا بتتراوح من 40 جنيه إلي 80 جنيه للموبيل
و مزيل الصدأ في حدود 25 حسب النوع
و المصنعيه ممكن 40 جنيه

طب تمام أووي
وبالنسبة للتوكيل مادام حضرتك بتعملوا هناك كلف معاك كام؟؟

[exact]

المشكلة دي من غطا الردياتير لو سوستته بايظة بيكتم الضغط وبيخللي الدورة ضغطها يعلى مع السخونية فيبدا يسرب من نقط الضعف وزي ما تيجي
حلها بسيط يا اما تجيب غطا ردياتير جديد بس يكون اصلي وفيه رقم مدقوق على طرف الغطا غالبا بيكون 0.9 لازم الجديد يكون زي القديم
يا اما حل تاني انك تقطع الكاوتشة التحتانية بتاع الصمام عشان ينفس الضغط

[HeMa_LanCeR]

المشكلة دي من غطا الردياتير لو سوستته بايظة بيكتم الضغط وبيخللي الدورة ضغطها يعلى مع السخونية فيبدا يسرب من نقط الضعف وزي ما تيجي
حلها بسيط يا اما تجيب غطا ردياتير جديد بس يكون اصلي وفيه رقم مدقوق على طرف الغطا غالبا بيكون 0.9 لازم الجديد يكون زي القديم
يا اما حل تاني انك تقطع الكاوتشة التحتانية بتاع الصمام عشان ينفس الضغط

للأسف الكلام ده مش صح
حتي الغطا لو كتم هيبقي الحمل كله علي القربه
لكن اللي بيحصل ان الفبر ده مع الوقت والسخونية بينشف ويشقق وده اللي بيخليه يسرب
وده شيء طبيعي في اي عربيه الرداتير فيه حديد وفبر :)
عمر افتراضي يعني
وعموما هيبان مع الجري وان المياه بتنقص كده تبتدي تلاحظ انه هيفك

[Haitham10]

حصلت معايا في الكريستاله بس غير كدة ولا شفتها في لانسر

بس هي ممكن تحصل في اي عربيه دة شئ طبيعي لان ليها عمر افتراضي فعلا