مشاكل رادياتير البومه

[delloptiplex]

كثير من الناس و انا منهم من اصحاب البومه الرادياتير ضرررررررررررب وسرب ميه من التقفيل بين الفيبر الاسود والجزء

المعدني و لولا ستر الله لكان الموتور في خبر كان و الفني قلي انه عيب في البومه.

هل المشكله دي منتشره وعيب في البومه والا اييييييييييييييييه لان لو عيب تبقى مصيبه

[M_H]

لالا انا معايا العربيه ديه من 2007 والحمد الله بسافر بيها كثير وعمر ما حصل حاجه زي كده
وعددا الحراره عمره ما رفع ابداء عن الطبيعي

[أبو إياد]

انا مغيرها فعلا فى العربيتين

[Ralliart]

ايوه عيب في معظم العربيات زي البومة والالانترا والنوبيرا واللانوس والفيرنا والكورولا........... بييجي عليهم يوم من الأيام لازم الفبرة دي تتكسر بيكون تقريباً نتيجة نقص المياه في الحر الشديد لانها بتتكسر نتيجة الضغط السالب جوا الراديتير
انا اتكسرت عندي كنت في عز الصيف ومشغل التكيف على 4 وبحرق ولولا ستر ربنا مكنتش سمعت صوت التسقيف في الموتور وشفت العداد ووقفت ولما رحت اغيرها لقيت الراجل عنده الانترا ونوبيرا بنفس المشكلة وقالي ان ده بيحصل في معظم العربيات الجديدة وكان عنده كمية من الفبر ده

[delloptiplex]

شكرا يا شباب على الرد بس بجد ده عيب قاتل و ربنا يسترها علينا في الطريق

[BlueBird]

يا جماعة أنا شغال في تاجير السيارات بالخليج وعمري ما شفت الحكاية دي مع اللانسر على الرغم ان الحرارة هنا مرتفعة جدا جدا

[Ralliart]

لو بتحافظ على المياه علطول مش هيحصل حاجة وانا كنت في الخليج وعارف ان بسبب الحر الناس متعودة تشيك على المياه باستمرار
لكن من ساعة ما جيت مصر كسلت اتابعها فحصل اللي حصل
وعلى فكرة الموضوع ده غير مقتصر على اللانسر ده لاي عربية فيها راديتير عمته فايبر

[HeMa_LanCeR]

انا حصلت معايا في الأوبترا وعموما ده عمر افتراضي ليها