البوجيهات

[nice_bird]

انا النهاردة نزلت اغير بوجيهات روحت جبت البوجيهات من موزع معتمد مصرية ب 150 وشاكك ان الراجل نصب عليا في السعر لان لقيت برا الدنسو ب 45 ج بس وكنت قريت في المنتدي قبل كدا ان البوجيهات ب88 ج في الصيانات وكنت عايز اعرف هوا السعر الحاجات اللي بتتغير في الصيانات مختلف عن سعر الحاجات اللي عند الموزعين ولا البوجيهات رفعت !

[ahmed_h_g]

اللى أعرفه ان الدنسو فيه منه أصلى وفيه مضروب
لكن السعر معرفوش بصراحه

[nice_bird]

انا جبت البوجيهات الاصلية ب 150ج مش الدنسو وهما مغلفين بكرتون عليه علامة ميتسوبيشي هحاول اصورهالكم لاني برضو مش عارف هما بينزلو كدا ولا لأ

[mohammedabdallh]

ياعم انا مغير بوجيهات ب 35 ج وزى الفل وكله ماشى اصلى ايه وبتاع ايه انا بحس ان الناسى دى بضحك علينا
ولما تبوظ هبقى اغيرهم برضه تانى 35 ج شوف لما تبوظ وعلى فكره انا كنت بغيرهم كدا يعنى مكنشى لسه حصلهم حاجه وربك بيستر

[HeMa_LanCeR]

مالها ال ngk
ب 30 جنيه وزي الفل :)

[E30power]

ألبوجيهاااات غليت يا رجالة ..انا اتفاجئت زيك كدة برضك ..كنت بجسيب ال ان جى كى ب 40 جبتها ب 70 فجاءة غليت 30 ج ...
والدنسو امو 35 التلاتة شمعة بقت ب 55