لكل اللي بيسافر -----> ادخل هنا

[nice_bird]

انا من الناس اللي بتسافر كتير بس يعتبر طريق واحد اسيوط - سوهاج زراعي وطبعا معرف ان دي ارخم وصلة في الطريق انا بصرحة مكنتش بشيل هم للسفر لانو 100 كم مش حاجة يعني بس حصل معايا موقف خلاني افكر في الحاجات المهمة لاصحاب السيارات اللي بتسافر ونجمعها في موضوع واحد للإفادة وابدا لكم بتجربتي

العربية بوما 2006 _1600_at اللي حصل معايا اني اهملت في تغيير الكاوتش كسلت قولت اجيب اول الصيف وتمام لكن اتضحلي اني كنت غلطان لان اهم حاجة اكتشفتها في السفر الكاوتش وانا مسافر الاسبوع اللي فات كاوتش عمري الافتراضي انتهي وضرب مرة واحد (الطبيعي ان يكون الكاوتش تيوبلس بينام بالراحة ) و كانت النيجة فقدت السيطرة ع العربية تماما بس بفضل الله وسترة شوية يمين وشوية شمال و اتسترت والخساير برضو كانت قليلة ( جنط + مقص شمال + تيش+ شوية حاجات بسيطة ) + 4 فرد كاوتش جديد المحصلة (2450ج ) وطبعا بالنسبة لموقف زي دا الحمد لله الواحد كل ما يتخيل اللي ممكن يحصل ايه يحمد ربنا فا نا بنصح كل اللي بيسافر انو يهتم بالموضوع شوية لان فعلا العربية مستحيل تتمسك ع السرعة لو كاوتش ضرب وربنا يحفظنا جميعا

[medododo]

الحمد لله
انك بخير

[M.Al-Hefnawy]

الحمد لله ... حمد الله على سلامتك.

[MaZaGAngeE]

نصيحة غالية و مهمة جدا لكل مسافر

حمدلله على سلامتك

[elpasha1]

حمد لله على السلامة ...... بس اكيد انت كنت طاير

[nice_bird]

الله يسلمكم جميعا ويكفيكم شر الطرق

حمد لله على السلامة ...... بس اكيد انت كنت طاير

انا كنت في ملف وسرعتي متزدش عن 60 -80 لان الطريق نفسة زبالة وكلة مطبات

[devilishtigers]

الحمد لله انك بخير والف حمد لله على سلامتك

[kholio]

الف حمد الله على سلامتك يا باشا

[limo]

الف حمد لله على السلامه
انا برضو بسافر كتير وربنا يستر
بس انت صحيح الكاوتش الى فرقع كان الاصلى بتاع العربيه ولا نوع تانى وكمان اعد معاك كام كيلو بالضبط
انا عندى الكاوتش الاصلى بتاع العربيه وعامل معايا 40 الف كم وناوى اغيره على 60 اذا مفيش الا لو حاجه منهم باظت هغيرهم كلهم علشان انا عندى فرده عامله بلونه وحاططها استبن

[nice_bird]

الف حمد لله على السلامه
انا برضو بسافر كتير وربنا يستر
بس انت صحيح الكاوتش الى فرقع كان الاصلى بتاع العربيه ولا نوع تانى وكمان اعد معاك كام كيلو بالضبط
انا عندى الكاوتش الاصلى بتاع العربيه وعامل معايا 40 الف كم وناوى اغيره على 60 اذا مفيش الا لو حاجه منهم باظت هغيرهم كلهم علشان انا عندى فرده عامله بلونه وحاططها استبن

الكاوتش كان الاصلي bridgestone Turanza ومشي معايا 56000 كم ورغم كدا الكاوتش شكلة من برا لسة جديد بس لانو سلك وتيل مع بعض فالسلك باظ قبل التيل وباظ الكاوتش وعلي فكرة انا لفيت علية كتير لقيتو عند واحد بس الفردة ب650 ج روحت جبت نيكسين وهغيرو إن شاء الله بعد تلات سنين

[dramir1]

الف حمد الله على سلامتك يا باشا

[mohammedabdallh]

الحمد لله ربنا سترها
ونصيحه تمام لكل الى بيسفروا ومن غير سفر برده لازم الواحد يهتم بالعربية من اول حاجه الى اخر حاجه
وربنا يسترها معانا كلنا

[د.محمود صلاح]

حمدا لله على سلامتك ..

العمر الإفتراضي للكاوتش 40 الف او 4 سنوات ايهما اقرب

[belal rashed]

حسب معلوماتى إن العمر الإفتراضى للكاوتش 50000كم أو 5 سنين أيهما أقرب.
على فكره أنا برضه بسافر كتير (كل شهر ونص بالكتير قوى رايح جاى شرم-المحله) ,,,
ونصيحه مش بس الكاوتش مهم شيك على العربيه بالكاااااااااااااااااامل قبل السفر.

[nice_bird]

حسب معلوماتى إن العمر الإفتراضى للكاوتش 50000كم أو 5 سنين أيهما أقرب.
على فكره أنا برضه بسافر كتير (كل شهر ونص بالكتير قوى رايح جاى شرم-المحله) ,,,
ونصيحه مش بس الكاوتش مهم شيك على العربيه بالكاااااااااااااااااامل قبل السفر.

العمر الافتراضي حسب الكتالوج 40000 كم او 5 سنوات او حدوث تغير في خصائص الكاوتش