تأكيد حضور مقابله ميتسوبيشي

[FunnyMickey]

المقابله يوم 20-5-2011
في دار المركبات

التجمع حيكون الساعه 11 صباحا في النادي ان شاء الله
اللي ميعرفش مكان النادي
الخريطه اهي




حنقعد مع بعض شويه ان شاء الله ونتعرف علي بعض عشان الناس الجديده
ونصلي الجمعه
وبعد الصلاه ننزل المياه
وبعدها نتغدي في مطعم الدار باذن الله
يارب تبقي مقابله سعيده
برجاء تأكيد الحضور عشان نعرف العدد اللي جي ان شاء الله

[FunnyMickey]

عديت انهارده عالنادي وعرفت ان رسم الدخول يوم الجمعه 10 جنيه ورسم نزول البسين 15 جنيه

انا شايف انها ليها ميزه وعيب بصراحه
العيب ان الدخول كده غالي شويه
الميزه ان النادي مش حيبقي زحمه ولامم زي ما كنا بنشوف زمان عيال شكلها غريب يدفعوا ال5 جنيه بره ويدخل يبرطع في النادي ويبقي المنظر مش لذيذ

[devilishtigers]

انا دايس معاك يا صبحي بس يارب بقى نشوف ناس اكتر المرة دي

[momo44]

وانا كمان ان شاء الله معاكو

[prisoner]

ان شاء الله انا كمان معاكو كان نفسى يكون فى ناس كتيير علشان نتعرف على الناس الحلوة دى ان شاء الله لسة فاضل كام يوم الناس تفكر

[FunnyMickey]

علي فكره ان شاء الله في مفاجئتين للي حييجي المقابله ان شاء الله

اول مفاجأه انتو عارفينها
الاستيكر بتاع ميتسوبيشي

التانيه بقي
للي حييجي بس
:)

ها مين قال جي

[M.Elgergawy]

إنت بتغريني يعني ولا ايه

[FunnyMickey]

اه
اللي عاوز يشوف المفاجأه ييجي المقابله

[prisoner]

علي فكره ان شاء الله في مفاجئتين للي حييجي المقابله ان شاء الله

اول مفاجأه انتو عارفينها
الاستيكر بتاع ميتسوبيشي

التانيه بقي
للي حييجي بس
:)

ها مين قال جي

اوباااااااااااا ايه ده بقى عاملنا ايه يا صبوح لو تورتة وكده وشغل الحضانة انا ماليش فى التورت ممكن تبقى رنجة مش عايز اقول فسيخ علشان الناس متقرفش وحركات بقى اوعى تكون اكل انا اخر حاجة بفكر فيها الاكل رغم انى خلاص قربت من المرحوم علاء ولى الدين رحمة الله عليه فى الجسم يعنى مش عارف ازاى وانا باكل مرتين فى اليوم المهم انا باكد عليك علشان لو اكل مش هاتبقى مفاجاة وقد اعذر من انذر

[FunnyMickey]

طب اكل وحتقعد تتفرج علينا
ايه رأيك
:)

[prisoner]

طب اكل وحتقعد تتفرج علينا
ايه رأيك
:)

اممممممممم افكر لو محشى برضوا مش مغرى بالنسبة لى ممكن يكون ايه قوللى بقى طب اجيب معايا مخلل لزوم القعدة على العموم احنا بنصدره يعنى احنا المصدر ههههههههههههههههههههههههه

[mohammedabdallh]

للاسف مش هقدر اجى
مع انى كنت عاوز اتشرف بيكوا والله بس الشغل
المرة الجايه ان شاء الله


وكنت عاوز اشترى الاستيكر كمان

[FunnyMickey]

هوا حضرتك بتشتغل الجمعه
انا كمان اجازتي الاحد
وبظبط اخد اجازه
حاول تيجي ياريت

[Hussein_Emara]

هو إيه ظروف الدخول, انا اعرف ان دخول نوادي القوات المسلحة للعسكريين و اهلهم؟

[haythoomatos]

السلام عليكم يا اهل الكفاح المسلح !!!!!!!

انا عااااااوز اجى انشاء الله و هيبقى يوم حلو و ظريف... بس لو سمحتو ماحدش يجيب معاه اى اسلحة نارية او مدافع او صواريخ او اسلحة بيضاء او خضراء او صفراء... و ياريت كل الناس اللى تيجى تكون حاطة بنزين 92 على الاقل.. هههههههه.. اللى حاطط 90 مش هيدخلوه على البوابة.... و الله الموفق و المستعان !!!!