سؤال بخصوص البوجيهات

[ahmedsaiad]

مساء الخير على كل اعضاء المنتدى والله عندى سؤال ارجو من خبراء لانسر الاجابه ايه الفرق بين البوجيهات ال 1و2و3 شمعه وايهما افضل للانسر البومه 1600 ccموديل 2007 واسف للاطاله

[nice_bird]

الفروق كلها في العمر بناع البوجية نفسة لان الاتنين شمعة عمرة اطول من الواحد شمعة وهكذا لاكن مفيش فروق في الاداء بس انا بسمع ان في البوجيهات البلاتنيوم والايرديوم والحاجات دي هيا اللي بيكون في فرق في الاداء فيها

[ahmedsaiad]

شكرا ياباشا لاهتمام حضرتك
فين باقى خبراء لانسر
هيبخلوا عليا والا ايه ودا مش طبعهم

[nice_bird]

لو دورت في المواضيع القديمة انا كنت عامل الموضوع دا قبل كدا بس من 4 شهور تقريبا وعلي فكرة انا جبت البوجيهات الاصلية ب 150 من موزع معتمد بس بعد كدا قولت يا ريتني كنت جبت البوجيهات الايريدوم احسن ...الحمد لله

[ahmedsaiad]

الايريدوم دى كم شمعه ياباشا وهل ال3 شمعه بيفرق فى سحب العربيه احسن من 1و2 شمعه
احسن سحب العربيه عندى بحالات شويه حلو وشويه سىء جدابالنسبه لسحب العربيه عملت كل حاجه غيرت فلاتر واخر حاجه غيرت ديسك واسطوانه

[nice_bird]

الايريدوم دى كم شمعه ياباشا وهل ال3 شمعه بيفرق فى سحب العربيه احسن من 1و2 شمعه
احسن سحب العربيه عندى بحالات شويه حلو وشويه سىء جدابالنسبه لسحب العربيه عملت كل حاجه غيرت فلاتر واخر حاجه غيرت ديسك واسطوانه

والله ياريس انا عندي نفس المشكلة غيرت فلتر وهواء ونضفت البوابة والحساس واستخدمت منظف دورة البنزين وغيرت البوجيهات بالاصلية وبرضو حاسسها مش مظبوطة الحاجة الوحديدة اللي فاضلة اني اعير فلتر بنزين او انضفو بس مش فاضي دلوقتي اروح لكهربائي او ميكانيكي

[vjack]

سلام عليكم
عشان تظبط كهربة البوجيهات والحرق يكون مظبوط أهم حاجة تشوف مواصفات الشمعات المظبوطة للمتور بتاعك هتلاقي فالكتالوج بتاع العربية الكود مكتوب لو مالقيتش نفس الكود مش مهم بس المهم يكون نفس الحرارة , غالبا لللانسر هيكون 5 (اتاكد الأول)
بالنسبة ل 2 أو 3 شمعة مش هتحس بفارق إلا لو غيرت الاسلاك باسلاك أكبر والمبينة/السبلاتير يكون بكامل كفاءته