لانسر 2001 مكوة - ضروورى و عاجل

[Mo Saleh]

السلام عليكم يا شباب
يارب يكون الجميع بخير
أنا بخلص فى عربية لانسر مكواة موديل 2001
أوتوماتيك كاملة
و فيها وحدة رفع و زينون
و ماشية 92000
و معمول لها طقم سيرفيس كامل فى صيانة ال 90 ألف من سيور و خلافه
و فيها 2 كاوتش جديد
و حالة الصالون كويسة و العربية رشة برة نضافة
و لاتحتاج لمصاريف
أرجو التسعير
و مزايا و عيوب العربية دى
و ايه أكتر حاجة أبص عليها و أنا بشترى العربية
و 1000 مليون شكر ليكم يا شباب

[Mo Saleh]

فين الردووود يا شباب ؟

[M.Elgergawy]

من 57 الى 60

[devilishtigers]

وممكن لو زودت لغاية 65 ممكن تجيب بومة 2005

[Haitham10]

هقولك مختصر مفيد
العربيه لو حالتها 7 من 10 = 57 زود بئه علي راحتك حسب الحالة مع اعتبار ان 7 دى مش محتاجه جنيه بس حالها كانها تالت يد او تاني يد قبلك
10 من 10 دي الي هيه مفيهاش خربوش وفبريكة بره ودي تساوي 62 بالكتير

التقييم ليك علي حالتها
لو اقل من 7 من 10 هتنزل 55 فيما تحت


خد سمكري امين معاك وخليه يقولك علي اللي فيها بالظبط لو فيها اي شئ في الدواخل او بوذ العربيه نصيحة متاخدهاش

وشيك علي الفتيس الاوتوماتيك هل صوته عالي ولا لا وهل نقلاته سلسه وناعمة وانت ماشي بيها مش بتنتش او محسوسة بزيادة

واولا واخيرا والاهم العفشه طبعا كل دة ممكن ينزل في السعر حتي لو هتشتريها وعجباك وانت اولي بكل جنيه وربنا يباركلك فيها

ملحوظة اللاسعار دي عشان 2001 الموديلات الي بعد كدة تزيد عن الي قلتله من الف لتلاته ...

تحياتي

[Mo Saleh]

تسلم يا باشا و ألف شكر للرجالة
طيب العربية سحبها و الجرى بتاعها ايه أخباره
و أنا بسافر كتير فهل هى بأه مريحة فى السفر ؟؟
و التكييف مع السحب بيبأه ايه ظروفه ؟
و ألف شكر على تعبكم معايا

[zoro007]

لو العربيه مش محتاجه مصاريف فعلا وحاتها كويسه وعلى المواصفات اللى قلتها هتعمل من 57 ل 60 الف حسب الكماليات .. جنوط .. فرش جلد .. زينون .. الخ

بغض النظر عن موديل سنة العربيه كله زى بعضه 2001 زى 2003 لان مر على العربيه اكتر من 10 سنوات فمبيفرقش موديل السنه فى المكوه بالاخص .. الفرق هيكون فى حاله العربيه والكماليات اللى فيها


بخصوص راحة العربيه فى السفر فهيه مريحه جدا متقلقش وبتستحمل جدا
لكن بما انها اوتماتك وهتشغل تكييف فهتحس ان عزم العربيه قل شويه وبقت تقيله بعض الشىء لان الموتور 1300 + سحب عزم من التكييف + سحب عزم للفتيس الاوتماتك هتحس ببطىء فى العربيه مش زى متقفل التكييف مثلا .. الموضوع طبيعى يعنى مش مشكله فى العربيه

[Mo Saleh]

شكرا يا رجالة