مشكلة فى لانسر 98 لخبراء الكريستالة

[emoemo]

انا حاسس انى العربية لو فى طوبة فى الارض العربية بتحك فيها هى المشكلة دى ملهاش حل .. وياريت محدش يقولى اغير لعافشة رياضية عايز حل عملى وغير مكلف . اغير السوست ولا اعلى العربية ازاى

[FunnyMickey]

لو مش عاوز حل مكلف يبقي تركب علايات كاوتش في المساعدين الامامي والخلفي
بس ده حيأثر عالثبات بتاع العربيه انما حيعلي العربيه شويه وحيريحك من موضوع المطبات ده

والحل المكلف مش في العفشه الرياضيه بالعكس العفشه حتوطي العربيه مش حتعليها

الحل الصح تغير جنوط العربيه بجنوط 14 وكاوتش 14-185-65
هوا المقاس الصح 60
بس المقاس اللي قلتلك عليه ده مركبه في عربيتي ومبعانيش نهائي من موضوع المطبات ده
الا لو مالي العربيه ناس
عالعموم جرب موضوع العلايات الاول وان شاء الله تظبط معاك

[mohammedabdallh]

انا كان عندى نفس المشكله بتاعتك بالظبط علشان المطبات عندنا فى المنوفية جبال مش مطبات وكمان المطبات الترابية دى حاجه تانية خالص بتبقى عالية بطريقه غبية
وطبعا الكرستالة واطية فرحت علتها 3 سم عليت وبقت كويسة بس لو معايا 3 ورا وواحد جنبى برده بتحك وبعد كذا مشاور لقيت العربية وطيت تانى ولا كاننا عملنا حاجه روحت للعفشجى تانى فشال كل الجلد بتعها الى هو العليات الصلية الى بتجى معاها وركب بداله عليات 1 سم يبقى العربية اترفعت 4 سم وقالى بعد شوية العربية هتوطى الواحد ده وهتبقى زى الفل ولحد دلوقتى لسه موطيتشى ولسه مغيرتش الكوتشات بتعتها الاصله والعربية علية 4سم وزى الفل لو اخد اى حد معايا فى اى مشوار ومن غير معد الف على المطب
بس فى مشكله فى الثبات على السرعات العالية دلوقتى العربية بتبدى تعوم على سرعه 130 والاول كنت بجرى على سرعه 160 وعادى خالص بس فين الطريق الى الواحد يجرى عليه ده كل 100 متر مطب المهم شوف ايه الى ينسبك واعمله ودى حوار بتاع التعليه معايا
واسف للاطاله واى استفسار انا فى الخدمه

[fouaa]

باشا انا معايا كرستاله وكانت بتحك فاى حاجه فالشارع لدرجه انى حسيت انها لا تصلح لمصر تماما مش معقوله يا راجل دانا كنت فايام المطره الشارع الى بمشى بيه كانى عربيه من عريبات المجلس المحلى للنضافه تلاقى مكان الاكصدام الى قدام كده معلم فوسط الدينه هههههههههه المهم انا كان الكاوتش عندى خلاص عاوز يتغير فروحت عند خالى فالحرفين قلتلو عاوز اجيب جنوط اسبور 14 بدل 13 عشان اعلى العربيه شويه قالى هنصحك نصيحه وانت حر هات جنوط حديد بتاعت بومه او بمعنى اصح بتاعت لانسر اصليه لسبب الجنط هيركب عندك تمام وكانو بتاعت العربيه الاصلى بمعنى انو مكان المسامير هيبقى راكب كويس كده غير كده السره بتاعت العربيه هتبقى ركبه فالفتحه بتاعت الجنك الى فالنص على قدها بالملى يعنى مش هتحتاج رنجات وده احسن عشان العربيه متبقاش محمله على المسامير بس طبعا سمعت الكلام بعد ماقطنعت لما حطيط جنط اسبور المسامير ركبه وفالنص فى فراغ بينو وبين السره بتاعت الطنبوره ولازم احط رينح ورنج بلاستيك فهيبقى الحمل كلو على المسامير فققرت اجيب جنوط حديد بومه رحت جبت اربعه 400 جنيه استراد وكشفت علىيهم على الجهاز طلع اتنين مش عاجبنى غيرتهم وبس من يومها مبقاش فى مطب بتحك فيه العريبه وثابتها زاد جدا وعلى فكره بعت الجنوط بتاعتى بالكاوتش بالطاسات ب 300 جنيه يعنى دفعت فرق 100 وجبت جنوط اكبر ورحت جايبلهم طقم طاسات بتوع مكوه ودهنت حتت فيها والصور عندك فالتوقيع وبس انما هتعلى العربيه يبقى هتفقد ثباتها خالص وكانك راكب عوامه على الطريق ومينفعش تقول عليها كرستاله

[fouaa]

على فكره عاوز اضيف نقطه صغيره الاستبن بتاعى بتاع الفبريكه ومنزلش الارض غير تلت مرات طبعا هو مقاسو 13 175 70 والعجل الجديد مقاسو 185 65 14 ومفيش اى مشكله لو عجله نامت وركبت ده ان شاله تروح بيه مرسى مطروح عادى جدا لا بترج ولا بتحدف بيبقى تمام اقصد اقولك خلى الاستبن بتاعك زى مهو مفيش داعى تكبرو هو كمان وبس

[ayman97]

باشا انا معايا كرستاله وكانت بتحك فاى حاجه فالشارع لدرجه انى حسيت انها لا تصلح لمصر تماما مش معقوله يا راجل دانا كنت فايام المطره الشارع الى بمشى بيه كانى عربيه من عريبات المجلس المحلى للنضافه تلاقى مكان الاكصدام الى قدام كده معلم فوسط الدينه هههههههههه المهم انا كان الكاوتش عندى خلاص عاوز يتغير فروحت عند خالى فالحرفين قلتلو عاوز اجيب جنوط اسبور 14 بدل 13 عشان اعلى العربيه شويه قالى هنصحك نصيحه وانت حر هات جنوط حديد بتاعت بومه او بمعنى اصح بتاعت لانسر اصليه لسبب الجنط هيركب عندك تمام وكانو بتاعت العربيه الاصلى بمعنى انو مكان المسامير هيبقى راكب كويس كده غير كده السره بتاعت العربيه هتبقى ركبه فالفتحه بتاعت الجنك الى فالنص على قدها بالملى يعنى مش هتحتاج رنجات وده احسن عشان العربيه متبقاش محمله على المسامير بس طبعا سمعت الكلام بعد ماقطنعت لما حطيط جنط اسبور المسامير ركبه وفالنص فى فراغ بينو وبين السره بتاعت الطنبوره ولازم احط رينح ورنج بلاستيك فهيبقى الحمل كلو على المسامير فققرت اجيب جنوط حديد بومه رحت جبت اربعه 400 جنيه استراد وكشفت علىيهم على الجهاز طلع اتنين مش عاجبنى غيرتهم وبس من يومها مبقاش فى مطب بتحك فيه العريبه وثابتها زاد جدا وعلى فكره بعت الجنوط بتاعتى بالكاوتش بالطاسات ب 300 جنيه يعنى دفعت فرق 100 وجبت جنوط اكبر ورحت جايبلهم طقم طاسات بتوع مكوه ودهنت حتت فيها والصور عندك فالتوقيع وبس انما هتعلى العربيه يبقى هتفقد ثباتها خالص وكانك راكب عوامه على الطريق ومينفعش تقول عليها كرستاله

انت بعت الجنوط 13 بالكاوتش والطاسات ب300 جنيه ، واشتريت جنوط 14 بالكاوتش ب 400 جنية ولا من غير كاوتش

.

[fouaa]

جنوط فقط حديد من غير كاوتش طبعا انا اشتريت كاوتش جديد ساعتها