ممكن معرفة العيب ده :صوت طقطقه فى العفشه

[motta]

عندى صوت طقطقه فى العفشه لما الف الدريكسيون والعربيه ثابته مبتتحركش
يا ريت حد يقولى العيب ده من ايه

[SASA3]

طقطقه و اما بتلف الدركسيون يبقا كبالن رسمى
لا اما حاجه فى الاسكترا

انت تروح للعفشجى و تقوله يبص على الكبالن و الكاوتش بتاعها و هو يشوف و يقولك فى ايه بالضبط

و خير ان شاء الله

[eng.m7md.ali]

مدام ثابتة يبقة مش كبالن
جرب لو بتلف وانت مش دايس فرامل وشوف ايه اللي هيحصل

[motta]

طب انا كده احترت انا عاوز اعرف ايه العيب بالضبط عشان ماروحش لعفشجى يضحك عليا فى حاجه ومتكونش مستاهله

[eldell]

لو وانت واقف وبتلف الطاره بتبقى سعات بطحات

[motta]

لو وانت واقف وبتلف الطاره بتبقى سعات بطحات

ان سألت الميكانيكى وقالى كده بردوا

طب البطاحات دى فيه منها جديد ولا استيراد

[FunnyMickey]

المشكله دي كانت عندي في كريستاله موديل 2000

تروح للعفشجي تكشف علي 3 حاجات

1- بليه البطاحه اللي تحت البطاحه علي طول لو البطاحه عندك فيها بليه مش شحط في المساعد لو فيها شرخ او مكسوره تعمل صوت الطقطقه ده
2- طقم البارات والاتياش بتاعت الدركسيون
3- كاوتش الميزان واكشف عالمساعدين بالمره

اي حاجه في التلاته دول تعمل الصوت ده
كلامي بناء علي تجربه ولف بين العفشجيه والتوكيل
:)

وان شاء الله خير

[motta]

المشكله دي كانت عندي في كريستاله موديل 2000

تروح للعفشجي تكشف علي 3 حاجات

1- بليه البطاحه اللي تحت البطاحه علي طول لو البطاحه عندك فيها بليه مش شحط في المساعد لو فيها شرخ او مكسوره تعمل صوت الطقطقه ده
2- طقم البارات والاتياش بتاعت الدركسيون
3- كاوتش الميزان واكشف عالمساعدين بالمره

اي حاجه في التلاته دول تعمل الصوت ده
كلامي بناء علي تجربه ولف بين العفشجيه والتوكيل
:)

وان شاء الله خير

متشكر جدا انت كده حددتلى ايه اللى هعمله الضبط

[ahmedsaiad]

بص ياباشا هى اكيد ميه فى الميه بطاحات وطالما الطقطقه وانت واقف دا مالوش علاقه بالكبالن

[eldell]

ان سألت الميكانيكى وقالى كده بردوا

طب البطاحات دى فيه منها جديد ولا استيراد

لا معرفش والله بكام

[motta]

شكرا للجميع على تعبكم معايا وان شاء الله لما اكون فاضى اروح اعملها

[mohamedosman1s]

باشا انا كان عندي نفس العيب ورحت لميكانيك وعفشجي وكل واحد بيفتي مرة استبليزر ومرة بطاحة وربنا كرمني بواحد قلي نحل العفشة ونشوف بس طلب من اشحم السيارة الأول وخصوصا عند السوسته الأمامية عشان في بعض الأحيان بيكون السبب منها وطلب مني عدم رش زيت اوجاز مجرد نضافة وفعلا الصوت راح جرب الموضوع ده ممكن يكون نفس العيب وربنا يسهل

[motta]

باشا انا كان عندي نفس العيب ورحت لميكانيك وعفشجي وكل واحد بيفتي مرة استبليزر ومرة بطاحة وربنا كرمني بواحد قلي نحل العفشة ونشوف بس طلب من اشحم السيارة الأول وخصوصا عند السوسته الأمامية عشان في بعض الأحيان بيكون السبب منها وطلب مني عدم رش زيت اوجاز مجرد نضافة وفعلا الصوت راح جرب الموضوع ده ممكن يكون نفس العيب وربنا يسهل

انا فعلا رشيت العفشه قدام وورا بالجاز ومفيش تغيير
انا كنت رايح النهارده بس كسلت كالعاده
ربنا يسهل واروح واقولكم على النتيجه

[mohamedosman1s]

يا باشا بلاش زيت او جاز خصوصا الجاز عشان بيأثر علي الكاوتش وبيسبب تأكل اي جزء كاوتش وتشققه والزيت بيلم اتربة وبيضر اكثر من المنفعة لو عاوز تشحم الأجزاء المتحركة في حاجة اسمه اسبراي شحم ده بيترش علي الأجزاء المتحركة زي الجلب وبيحافظ علي الكاوتش و يحمي من التشقق وده موجود في اي محطة بنزين نظيفة