(وهــــــم ) توكــــــــيل صـــــيانة قلـــــــــيوب

[minded]

انا يا جماعة رحت يوم السبت الي فات مركز صيانة قليوب الرئيسي طبعا قلت اروح اكشف علي العفشة والكبالن عشان مش مريحاني ويعملوا اللازم

وكانت الماساة اني رحت الساعة 8.10 وخدت دور بدري وكان قبلي حوالي 6 مش مشكلة وعملت كارت صيانة ودخلوا العربية طبعا لقيتهم اتاخروا اوي رحت ابص لقيتهم لسة وكانت الساعة 11 وشوية ولقيت العربية مرفوعة ادامي فرحت طبعا محدش بيخش جوة
ما علينا بعد ما نزلت العربية قعدت ساعة ان حد يعبرني ما فيش ساعة و ساعة ونص اتجرأت ودخلت وسالت قالولي يا عم دي خلصانة بس كلم المهندس عشان يجربهالك قلت مش مشكلة اكلمه وبعد الحاح الراجل جربها ورجع وقلي العربية عاوزة تضبط ماتور وتضبط حكة الدركسيون قلتله مفيش مشكلة قلي طيب روح هات الكارت تاني عشان انا وديته الحسابات ( طـــيب ما دام انت ما جربتــــهاش بتودي ورقـــها لـــيه ) رحت وجبته وبعدين ركن العربية ساعة وانا كل شوية اقوله وبعدين قلي احنا ظبطنا الموتور وبعدين هنظبط الدركسيون من الحكة طبعا قاعد اتحايل عشان يخلصو ا وانا صابر عشان انا في التوكيل واكيد الحاجة هتبقي تمام دخول وخروج وزن علي المهندس والكهربائي وخلصت واستلمت العربية حوالي الساعة 3 الا ربع عشان شوية تفاهات في العربية (طبعا بالنسبة لهم كشغل تعتبر تفاهات )والناس بتدلع هناك .

لقيت ايه بقي يا عم الحج ان هم ما ظبطوش الموتور بالجهاز لاني لقيت rpm واطي قلتلهم ياجماعة انت ظبطوه بالجهاز طبعا انا كنت فاكر كده قالولي لا ده مفيش جهاز احنا بنظبط كده قلت حد يعليها عشان ادورها بسرعة وما تبطلش وطبعا عملوها , وخدوا ثمن ضبط موتور بالجهاز وطبعا صنايعي الي بيعمل ده وما كنتش محتاجة

العفشة قلولي احنا ربطناها طبعاً لسة حاسس بمشكلة رجة خفيفية مش عارف من الكبلن الداخلي مع اني غيرته

وانا ما استفدش من المشوار ده الا من ضبط حكة الدركسيون

طبعا وهم توكيل المركز الرئيس في الاعطال اعتقد عادي جدا زيه زي اي ورشة وحرام اضيع وقت فيه وما اخدش الي انا عاوزه طبعا كنت دابب مشوار ودفعت 135 جنيه واتعذبت في القاعدة هناك لحد ما فيصت

طبعا لما روحت وببطل العربية لقيتها بترج لما تبطل وهو ده ضبط الماتور ههههههههه

نصــــــيحة دورا علي صــــــــنايعي شــــــــاطر بره وتابعوا مـــــــــعاه

[Esam Mosaad]

هههههههههههه
انا برضوا قولت ازاى يكون فى توكيل حد بيشكر فيه
انا لو مكانك والله مكنت عربتهم وكنت هزقتهم عشان حته توكيل مفهوش جهاز الاقيه عند اى صنايعى دلوقتى بره

[minded]

هههههههههههه
انا برضوا قولت ازاى يكون فى توكيل حد بيشكر فيه
انا لو مكانك والله مكنت عربتهم وكنت هزقتهم عشان حته توكيل مفهوش جهاز الاقيه عند اى صنايعى دلوقتى بره

اصل انا بلاقي علي المنتدي كلام كبير عنه وناس شغاله فيه بيقولوا علي المنتدي ده احنا هنظبطلك كل حاجة في مركز صيانة قليوب قلت اجرب وطبعا خدت خاززززززززززززوق ههههههههه وبعد العزاب ده مكنتش قادر اهزق حد وكنت عاوز امشي بسرعة واخلص طبعا انت عندك حق بس خلاص فيصت

[FunnyMickey]

وانتا رحت هناك ومكلمتش باشمهندس طارق ليه
:)
طب عندك توكيل عبد الخالق ثروت اقرب
ايه اللي وداك المشوار ده كله

[Esam Mosaad]

وانتا رحت هناك ومكلمتش باشمهندس طارق ليه
:)
طب عندك توكيل عبد الخالق ثروت اقرب
ايه اللي وداك المشوار ده كله

هوا قالك بقى فى هناك ناس معرفه وعمالين يقولوا تعالى تعالى
بس اقولك على حاجه مديقش نفسك كل التوكيلات كدا وبيكون فى ضغط شغل
ده الميكانيكى دلوقتى بتكلموا بالعافيه

[FunnyMickey]

انا بصراحه ربنا اما رحت لولا المهندس طارق كان زماني حصل فيا كده
للاسف هيا بلدنا كده
حنعمل ايه يعني
:)

دخلنا بتاع 4 مرات عشان نشوفهم بيعملوا ايه

[Dr Ahmed]

الحسنة الوحيدة هناك وجود البشمهندس طارق والاستاذ محمد عبد المنعم
مرات ذهابى هناك لم أجد من الصنايعية والمهندسين هناك ما يغرينى بالعودة أوما يوحى بالجودة حتى اللى جرب العربية معايا كان كل همه انه يثبت لى انه فتك وانه أبو العريف ويتمنظر عليا وأخذت العربية بنفس العيب وبدون حتى تشخيص

[minded]

هوا قالك بقى فى هناك ناس معرفه وعمالين يقولوا تعالى تعالى
بس اقولك على حاجه مديقش نفسك كل التوكيلات كدا وبيكون فى ضغط شغل
ده الميكانيكى دلوقتى بتكلموا بالعافيه

يا سلام عليك يا hard قرأت افكاري وطبعا صبحي باشا كلامه مظبوط

انا بالفعل دخلت الصبح وسلمت علي الباشمهندس طارق وعرفته بنفسي وفرحان اني عارف حد وهيخدمني لاني كلمته علي المنتدي وقلي تعالي التوكيل والرجل قابلني بصراحة مقابلة كويسة ورحب بيه وقالي انت عملت كارت صيانة قلتله ايوه قبل ما اطلع لسيادتك قلي طيب كويس همة هييظبطو كل حاجة انشاء الله وقلي شرفتنا ما تشرب حاجة قلتله شكرا ده الحوار الي دار بينا وخدت بعضي ونزلت وحصلي الي حصل والي كتبته في الموضوع

[minded]

هوا قالك بقى فى هناك ناس معرفه وعمالين يقولوا تعالى تعالى
بس اقولك على حاجه مديقش نفسك كل التوكيلات كدا وبيكون فى ضغط شغل
ده الميكانيكى دلوقتى بتكلموا بالعافيه

وانتا رحت هناك ومكلمتش باشمهندس طارق ليه
:)
طب عندك توكيل عبد الخالق ثروت اقرب
ايه اللي وداك المشوار ده كله

يا سلام عليك يا hard قرأت افكاري وطبعا صبحي باشا كلامه مظبوط

انا بالفعل دخلت الصبح وسلمت علي الباشمهندس طارق وعرفته بنفسي وفرحان اني عارف حد وهيخدمني لاني كلمته علي المنتدي وقلي تعالي التوكيل والرجل قابلني بصراحة مقابلة كويسة ورحب بيه وقالي انت عملت كارت صيانة قلتله ايوه قبل ما اطلع لسيادتك قلي طيب كويس همة هييظبطو كل حاجة ان شاء الله وقلي شرفتنا ما تشرب حاجة قلتله شكرا ده الحوار الي دار بينا وخدت بعضي ونزلت وحصلي الي حصل والي كتبته في الموضوع

[ahmedsaiad]

بص ياباشا اقول لحضرتك على حاجه توكيل ميتسوبيشى من اسوأ التوكيلات فى مصر والله العظيم انا فرحان ان الوكيل اتغير ربما الوكيل الجديد يعمل شغل احسن من التوكيل الحالى انا روحت كم مره اعمل صيانه فى التوكيل فى اسكندريه مركز الصفوه بصراحه حاسيت انى داخل ورشة ميكانيكى بس الفرق ان دا ورشه اكبر شويه ومافيش مشكله وانت فى الضمان يعملها على حسابه كل حاجه يطلعها سوء استخدام والله انا خالى معاه تويوتا راح يعمل صيانه فى التوكيل طبعا عملو الصيانه وكشفوا على العربيه وقالوله المساعدين الخلفيين محتاجين تغير قالهم ازاى العربيه لسه جديده وكانت عامله 20000الف كم قالو متقلقش احنا هنغيرهم فى الضمان عمر توكيل لانسر مايغير حاجه على حسابه كله عندهم سوء استخام لان دا حصل مع ناس كتير انا اعرفهم

[FunnyMickey]

اما نشوف دايموند موتورز حيعمل ايه
ربنا يستر والله
:)

[kholio]

فعلا توكيل ميتسوبيشي بتاع الرواس اسوأ توكيل في مصر

[salah_86]

والله ياجماعه انا عمرى ما روحت التوكيل وكمان علشان عربيتى خليجى غير مرة بس واحد صاحبى معاه هيونداى اكسنت كان عامل بيها حادثة وكنا رايحين نوديها مركز خدمة الهياكل اللى فى قليوب وطبعا رجعنا بعربيتى وانا راجع قلت بما انى قريب من توكيل لانسر اعدى اشوف واسئل فوجئت انهم يوم الخميس بيشتغلوا نص يوم وفوجئت بالطريق الزبالة بتاعهم المفروض دا توكيل لماركة محترمة المفروض حتى يهتم بمدخلة كويس انا عاوز اقولكم ان غبور برقبتة كفاية معاملة الناس وانك تحس انك داخل مكلن محترم والله بصراحة شبعت تريقة من صاحبى بتاع الهيونداى لما قلت يابس وفعلا سالت وقررت انى مش رايح اصلا من كتر اللى سمعته هنا على المنتدى

[minded]

والله ياجماعه انا عمرى ما روحت التوكيل وكمان علشان عربيتى خليجى غير مرة بس واحد صاحبى معاه هيونداى اكسنت كان عامل بيها حادثة وكنا رايحين نوديها مركز خدمة الهياكل اللى فى قليوب وطبعا رجعنا بعربيتى وانا راجع قلت بما انى قريب من توكيل لانسر اعدى اشوف واسئل فوجئت انهم يوم الخميس بيشتغلوا نص يوم وفوجئت بالطريق الزبالة بتاعهم المفروض دا توكيل لماركة محترمة المفروض حتى يهتم بمدخلة كويس انا عاوز اقولكم ان غبور برقبتة كفاية معاملة الناس وانك تحس انك داخل مكلن محترم والله بصراحة شبعت تريقة من صاحبى بتاع الهيونداى لما قلت يابس وفعلا سالت وقررت انى مش رايح اصلا من كتر اللى سمعته هنا على المنتدى

طبعا غير الاسعار النار كفاءة الفنيين هناك اعتقد انها مش أد كده والمفروض انك تناقش الفني في مشاكل العربية لكن انا ملاحظ ان الاول بتسجل مشكلتك وتدخل العربية للفني وطبعا اذا افتكرت حاجة مهمة مش هتعرف توصله عشان تبلغه غير كمان ان كل واحد في دنيا تانية ومفيش عمل متكامل بينهم ومفيش ترتيب في العمل او الدور الي انت واخده علي كارت الصيانة وعيش بقي يا معلم

[eno_22006]

انا سالت علي صيانه 80000 :):):) و يارت ما سألت قالي ب 4000 جنيه هوه ده بجد ولا أيه أ،ا والله بطلت اركب العربيه من سعتها :) حد يرد عليه يا ريت