مركز صيانة او ميكانيكى فى المنصورة

[smsmawy]

السلام عليكم جميـــــعا ........ معايا لانسر 98 اوتووووو عايز اعمل صيانة للمكنة واضبط كهرباء وغير سيور افضل مركز صيانة اية او ميكانيكى شاطر ومحترم يشتغل فى المكنة ..... انا من المنصورة

[hosam3738]

باشا في مصطفى امام السلاب اللي في سامية الجمل محترم و شاطر و مش بتاع حوارات 100% و الله

[fouad19852002]

انا ألي اعرفه بس مجربتوش بس فى اصحابى جربوه وبيقولو كويس الزفتاوى ألي فى اول ميت حدر جنب البنزينه و العفشه واحد جنب ابو حطب بتاع الترصيص ألي فى سندوب

[sherif4004]

بص يا ريس فيه عند المرور توكيل هيونداى بيقبل اى نوع من السيارات وبيقولك على التكلفه قبل الشغل بس بياخد رسوم 50 ج من غير ما يعمل حاجه بس فيه كل الاقسام من ميكانيكا وعفشه وكهرباء وقطع غيار واحد صاحبى معاه النترا بيشكر فيه
لكن انا مجربتوش لكن المركز دا بيقبل عربيات اى نوع

.. ولو عايز ميكانيكى فيه واحد اسمه رزه فى المجزر
غيرت عنده وش سلندر وتمام بس زحمه جدا كانك بتعامل وزير

وفيه واحد اسمه رمضان فى ش النخله
اكتر من صديق ليا عمل عنده عمره وتمام ومحترم

وفيه كمان واحد اسمه علاء عزمي فى ساميه الجمل ..
اسمع انه تمام لكن مجربوتش

بالنسبه للكهرباء
اتعاملت مع ناس كتير بس مش مقتنع بحد معين
فيه واحد اسمه عاطف فى سندوب كويس واسعاره كويسه

[sherif4004]

بص يا ريس فيه واحد اسمه وليد جمب قهوه الانس ممتاز

[smsmawy]

شكرا قوى يارجالة .......
واحد دلنى على واحد فى شربين رحوتلة بس كويس وعندة زحمة السنيييييين هوة شباب ومحترم اهووو بجربة لو الدنيا ماضبتتطش هروح للناس الى انتو قايلين عليهم دول

فى مشكلة بتواجهنى ان العربية بتحك من فى اقل حاجة ومش عارف اعمل اية ناس بتقولى على بس خايف من الحوار دة من العومان وبيأثر على العفشة وناس بتقولى ركب جنط بس خايف على الفعشة وانا شايف ان الجنط مش بيعلى العربية فا الى وجد حل عرفونى بس

[Eslam.Elrefaey]

اولا انت روحت فين فى شربين وعلشان تعلى العربية نصيحة متسمعش الفتى بتاع الصدادات والشغل ده هوا جنت 14 او 15 بالكتير وهتشوف احلى شغل ان شاء الله

[smsmawy]

طيب انصحنى اجيب جنط كام والكاوتش بتاعة مقاسة كام .......... بالنسبة للميكانيكى اسمة مـــــــاهر على شريط القطر جنب موقف بـــــــلقاس ..... بس هوة تحت التجربة وهرد عليك لما اخلص عندة اعرفك كام فى المية

[Eslam.Elrefaey]

طيب انصحنى اجيب جنط كام والكاوتش بتاعة مقاسة كام .......... بالنسبة للميكانيكى اسمة مـــــــاهر على شريط القطر جنب موقف بـــــــلقاس ..... بس هوة تحت التجربة وهرد عليك لما اخلص عندة اعرفك كام فى المية

بالنسبة للجنوط الصراحة مش بفهم اوى فى طريقة الحساب بس خليك فى 14 اضمن من 15 علشان النشوفيه وكده انا مركب 13 عندى بس العربية واطيه طبعا بس العفشة ناعمة وده اهم حاجة عندى اليومين دول لغاية لما نعدل العربية بالكامل بالنسبة للميكانيكى انا كنت بسألك بس علشان انا بلدى شربين اصلى من هناك وعارفهم كلهم وبالذات العفشجية الى هناك كلهم قرايبى اصلا ومن احسن الناس الى فى مصر كلها فعلن فى واحد فى شربين عفشجى بيجيلو ناس من اسكندريه و من سيناء طبعا غير العربيات الجمرك الى بيشتغل فيها

[mah907]

فيه واحد انا اتعاملت معاه قبل كده كنت مغير عنده جوان للعربية اسمه محمود عوض في المجزر راجل 10علي 10