شوية أستفسارات بخصوص أفضل موتور للكريستاله

[ahmed_h_g]

عندى كام سؤال عالماشى ومحتاج أكتر من رد لو سمحتوا

الموتور ال1500 للكريستاله 2 كامه أنجكشن
الموتور ده كام حصان وتمنه كام من غير فتيس و ياترى قطع غياره مش متوفره فعلا" زى جوان وش السلندر وسير الكاتينه ولا ايه

تانى أستفسار
ايه رأيكوا فى الموتور المايفك 1600
أنا سمعت ان أستهلاكه للبنزين مرتفع وانه صعب فى تسقيطه (بالنسبه للمطالب ) عكس الموتور ال1500 صح الكلام ده ؟
وياريت سعره

[koke_lancer]

بص مبدئيا انا مسقط 1600 مايفك هو سهل جدا فى تسقيطة بس لازم بقى بفتيسه بعفشتة و هتجيبلهم طقم جنط جديد لان عفشتة ابعادها 4*114
انما 1300 سى سى 4*100
و هتعملوا شكمان جديد مش مكلف اوى و بالنسبة لاستهلاك البنزين هو مش عالى اوى لو انت ماشى عدل من غير حرق و جرى و شد
يعنى ال 27 لتر عملوا معايا جوة القاهرة فى الزحمة و التكييف 240 كم مع شوية جرى خفيف
لكن لما كنت بشد 27 لتر خلصو زى ما تكون بتشرب كوب مياه
على فكرة انا عربيتى اتوماتيك يعنى بتاكل بنزين اكتر

[ahmed_h_g]

شكرا" لأهتمامك
يعنى الفرق جامد بين المايفك ال1600 والموتور 1500 ال2 كامه فى العزم
فرق يستاهل التكاليف ولا لأ

[ahmed_h_g]

مفيش حد عايز يقول حاجه
ياريت يا جماعه اللى يعرف أى معلومه يفيدنى بيها

[FunnyMickey]

غاوي شد وحرق ولعب بالعربيه سقط 1600 مايفيك
مش غاوي وعاوز العربيه اداءها يتحسن ويبقي افضل يبقي 1500
وخد بالك فرق التكلفه الضعف واكتر شويه

[prisoner]

عندى كام سؤال عالماشى ومحتاج أكتر من رد لو سمحتوا

الموتور ال1500 للكريستاله 2 كامه أنجكشن
الموتور ده كام حصان وتمنه كام من غير فتيس و ياترى قطع غياره مش متوفره فعلا" زى جوان وش السلندر وسير الكاتينه ولا ايه

تانى أستفسار
ايه رأيكوا فى الموتور المايفك 1600
أنا سمعت ان أستهلاكه للبنزين مرتفع وانه صعب فى تسقيطه (بالنسبه للمطالب ) عكس الموتور ال1500 صح الكلام ده ؟
وياريت سعره

الموتور ده 110 حصان وافتكر اى موتور يكون احسن بفتيسه مش معنى ان فتيسك 5 سرعات يبقى ينفع علشان بتبقى فيه فيش واصلة بالكنترول بتاع العربية وموضوع جوان وش السلندر ده انا مجربتوش بس سير الكاتينة بتفكه ويكون مكتوب عليه كام عقله وتجيب زىه على فكرة انا مسقط المكنة دى بصراحة ممتازة قوى

[koke_lancer]

بص هو المايفك عزم و جرى اشد بكتير و موضوع البنزين دة كدة كدة هيبقى عاتلى سواء 1500 او مايفك لان الاتنين توين كام
بالنسبة للفلوس هى مش الضعف ولا حاجة هتفرق فى حدود 2000 جنية ال1500 انا مركبتهاش بس ناس كتير بتشكر فيها
المايفك معايا بصراحة ماكنة حلوة جدا و لانها بتحسسك انك مش راكب عربية سبورت بس لا انت راكب عربية عادية و لو عايزها اسبورت هتخليها عن طريق انك تشغل المايفك فهى بتديك الاختياريين

[FunnyMickey]

ازاي مش الضعف ياكوكي
الموتور المايفيك لوحده ب6500 جنيه
ولازم تعمل التعديل بتاع العفشه والجنوط
يعني اقل واجب حتدخل في 10000 جنيه

التوين كام ال1500 بتركيبه بفرق القديم في الجديد 4000 جنيه
والاسعار من المندوب المقيم في الحرفيين مصطفي
هههههههههههههه

[ahmed_h_g]

شكرا" عالأفاده
الموتور ال1500 بيعمل كام بالفتيس ؟

[FunnyMickey]

4000 كامل بياخد القديم ويسقط الجديد
بس مش عارف مصنعيه الميكانيكي والكهربائي كام
مصطفي يدلك بقي

[ahmed_h_g]

4000 وياخد القديم كمان
يعنى لو أخد القديم ب 1000 أو 1500 يبقى ال1500 يعمل 5500 من غير عغشه
يبقى المايفك أوفر منه

[koke_lancer]

بعد اذنكم المايفك انا شارية بالعفشة بتاضفيرة ب2 كنترول واحد للمكنة و واحد للفتيس بالفتيس استيب ترونيك بالعدادات بالتانك و الترومبة و القنطرة و الشداد الى بين المساعدين من فوق بالبدلات لان عربيتى كانت مالنيوال بالتركيب 6700 جنية
و كمان كنت واخد علبة شكمان المايفك الاخيرة بالهيدر طبعا لحد السوستة كان راكب فى النص بس بردوا عملت شكمان جديد بالكامل من اول السوستة لحد اخر العربية وبيعت العلبة بتاعت المايفك لانى كنت عايز حاجة معينة كلفنى الشكمان 1000 جنية و عرفت بعد كدة انو كان منصوب عليا وكان ممكن يتكلف 800 بس
بالنسبة للجنوط انا اشتريت طقم 17 ب 1300 و رحت اشتريت كاوتش
و بعت الجنط القديم بتاعى بس هو جاب فلوس لانو كان مومو
و على فكرة انت ممكن تشترى كاوتش مستعمل بتبقى حالتوة حلوة جدا و فى واحد صاحبى شارية من حوالى سنة ونص و دخل بيه مرة اوتو كروس و سافر الساحل مرتين و السخنة مرة دة غير لفوة جوه البلد و الفردة فى حدود من 50 الى 100
كل دة بالتفصيل المللل و التكلفة بالجنية وكمان من غير ما ياخد اى حاجة من المكنة القديمة ولا العفشة ولا التانك ولا الشكمان ولا اى مسمار حاجتى القديمة كلها عندى فى جراجى

[koke_lancer]

بعد اذنكم المايفك انا شارية بالعفشة بتاضفيرة ب2 كنترول واحد للمكنة و واحد للفتيس بالفتيس استيب ترونيك بالعدادات بالتانك و الترومبة و القنطرة و الشداد الى بين المساعدين من فوق بالبدلات لان عربيتى كانت مالنيوال بالتركيب 6700 جنية
و كمان كنت واخد علبة شكمان المايفك الاخيرة بالهيدر طبعا لحد السوستة كان راكب فى النص بس بردوا عملت شكمان جديد بالكامل من اول السوستة لحد اخر العربية وبيعت العلبة بتاعت المايفك لانى كنت عايز حاجة معينة كلفنى الشكمان 1000 جنية و عرفت بعد كدة انو كان منصوب عليا وكان ممكن يتكلف 800 بس
بالنسبة للجنوط انا اشتريت طقم 17 ب 1300 و رحت اشتريت كاوتش
و بعت الجنط القديم بتاعى بس هو جاب فلوس لانو كان مومو
و على فكرة انت ممكن تشترى كاوتش مستعمل بتبقى حالتوة حلوة جدا و فى واحد صاحبى شارية من حوالى سنة ونص و دخل بيه مرة اوتو كروس و سافر الساحل مرتين و السخنة مرة دة غير لفوة جوه البلد و الفردة فى حدود من 50 الى 100
كل دة بالتفصيل المللل و التكلفة بالجنية وكمان من غير ما ياخد اى حاجة من المكنة القديمة ولا العفشة ولا التانك ولا الشكمان ولا اى مسمار حاجتى القديمة كلها عندى فى جراجى

[FunnyMickey]

ده جبته منين الموتور بالسعر ده
بس اعتقد السعر كده كويس لانك مخدتش الطنابير والمساعدين

اللي اعرفه ان الموتور لوحده بيعمل 6500
اما بقي بالعداد والطنابير والمساعدين بالسوست بالتنك يدخل في 7500 8000

حضرتك سقطت فين واخباره ايه معاك
وايه موضوع الشكمان ده
هوا لازم اللي يسقط يغير شكمان ولا ايه :)

[1.8Tee]

لو الميزانية تسمح يبقى ال 1600 مايفك..الفرق بستاهل عن ال 1500.

كفاية انة موتور ميتسوبيشى الوحيد اللى ب red-line عند 8200 لفة.

بس لازم عشان تستفيد من امكانيتة كلها بنزين 95 .

انا كنت ناوى علية قبل ملاقى ال 1800 بتاعى.