اول حادثة: الحمد الله

[1.8Tee]

انا الغلطان....كبست كبسة صغيرة قى شارع حارة واحدة و طلع من الجنب عربية سوزوكى سويفت صاحبها لسة مظبتها و ملحقتش الفرامل. الخساير عندة فانوس كان معدلة و الاكصدام حاجة بسيطة, عندى الرفرف اتعوج ودة اللى ظاهر...لسة هشوف فى الأجازة.

طبعا اعتذرت لة و وهو الحمد الله كان متفهم و دفعت تمن الخساير.

الحمد الله.



Uploaded with ImageShack.us



Uploaded with ImageShack.us

[SASA3]

الاول حمداا لله علىالسلامه
و ربنا ستر
بس ازاى شارع حاره واحده و الخبطه تبقا جامده كده انت كنت ماشى على كام:(
بس تقريباا الكبوت برضه معووج شويه
و ربنا يستر طريقنا

[osama.m]

الحمد لله انك بخير و فداك اي حاجة يا باشا

[1.8Tee]

الاول حمداا لله علىالسلامه
و ربنا ستر
بس ازاى شارع حاره واحده و الخبطه تبقا جامده كده انت كنت ماشى على كام:(
بس تقريباا الكبوت برضه معووج شويه
و ربنا يستر طريقنا

انا كنت لسة هبتدى ادوس :).

قدر الله ما شاء فعل. الواحد مش بيتعلم ببلاش...

الكبوت معوج من الأول و العربية من غير اكصدام.

شكرا يا باشا.

الحمد لله انك بخير و فداك اي حاجة يا باشا

شكرا يا باشا.

[abofarah]

قدر الله و ما شاء فعل و لا يهمك يا باشا اللى يجى فى الريش بقشيش و دى كمان ميزه حلوه انك تمشى من غير اكصدام كان زمانه اتكسر ........
الحمد لله و حمدالله على سلامتك

[prisoner]

الحمد لله انها جنت على قد كده بس افتكر مهم جدا انه يكون عندك اكسدام انا عايز اقولك انى من يومين دخلت فى فيرنا والحمد لله جت فى الاكسدام وكانت قريبة جدا من الفانوس المتعدل والاكسدام برضوا الاكسدام شال الخبطة كلها واتجرح بس والفيرنا الحتة اللى فى الزاويا دخلت لجوة وطلعت تانى بعد شوية والحمد لله على كل شئ ربنا يعوض عليك

[mohammedabdallh]

اولا حمدلله على سلامة حضرتك
بس المشكله هنا فى التانى تقريبا هو الى غلطان ولا ايه مش حضرتك كنت ماشى فى طريقك ولا كنت بتعمل ايه بالظبط
وفدالك اى شى
ابن عمى لسه عامل حدثة بالعربية كان بياخد غرة مقفوله
العربية اتخبطت من نايحة الباب الورانى ودخل فى عمود
هو رجلية الصبونه انكسرت والوتر انقطع
والى جنبة شال الطحال ومش عارف ايه تانى والازاز بهدله وشه
ومرات ابن عمى كانت معاه الحمد لله جت سليمه بس تنتها فى غيبوبه لمده تقريبا 3 ايام وابنه وشه اتخيط من الازاز بتاع العربية
فالحمد لله على كل شىء
وكويس اوى انها جت على قد كدا

[Ralliart]

الحمد لله انها جت على قد كدة وربنا يجعلها اول وآخر مررة
اللي فهمته انك كنت ماشي في طريقك وهو طلع عليك من الجنب؟؟ يبقى ليه اعتذرتله؟

[ahmed_h_g]

الف سلامه عليك
قول الحمد لله بسيطه

[zoghbyano111]

بسيطة الحمد لله انها في الحديد
حمدلله على سلامتك يا بوب

[momo44]

الف حمد الله على السلامة
الحمد لله جت سليمة

[Hussein_Emara]

حمد الله على السلامة و اسمحلي احييك على اخلاقك العالية

[FunnyMickey]

الف سلامه عليك ياباشا
والله زعلتني
الحمد لله
وقدر الله وما شاء فعل
وان شاء الله بسيطه
هوا شكلها يخض
بس غالبا رفرف وسمكره بس ان شاء الله