استفسار عاااااااااااجل ومهم - بومة 2006

[cute]

السلام عليكم ورحمة الله وبركاته
الحمد لله اشتريت لانسر بومه 2006 هاف سبورت اوتوماتيك
العربيه عامله 49000 كيلو وفابريكه بره وجوا وفرشها لسه بكياسه الاصلية وثابته جدا على الطريق وسحبها ممتااااز والتسارع بتاعها تحفه .. بصراحه مكنتش متوقع ان سحبها يبقى كده
بس لاحظت شويه حاجات وعايز استشيركم بما انكم خبراء لانسر
1 - لما بكون واقف تماما واجيب الدريكسيون يمين على الاخر او شمال على الاخر واجي اتحرك بالعربيه بسمع تزييق بسيط ولما بعدل الدريكسيون الصوت ده بيختفي
2 - حاسس انه الدريكسيون الباور بتاعه فيه نسبة تقل خفيفه .. كشف على زيت الباور لقيته على الماكس ومفيش مشكله فيه
3 - لما بكون ماشي بالعربيه على سرعة منخفضه (40 - 60 كم) واجي اقف بسمع تزييقه خفيفه جدا اول مالعربيه تقف

4 - عندي استفسار كمان هو انا اول ماشتريت العربيه كشفت على كل الزيوت والفلاتر وكله تمام الحمد لله بس هل من الضروري اني اعمل ريسيت للكمبيوتر بتاعها ولا مش شرط ؟؟


منتظر ردكم في اسرع وقت ممكن لان لو فيه مشكلة كبيره قدامي فرصه 48 ساعه ارجع فيهم العربيه واسترد فلوسي
شكرا مقدما

[theking_med]

وعليكم السلام

مبروك على العربيه ويارب يديك خيرها ويكفيك شرها

اولا انا مش خبير بس هقلك على المعلومات الي اقدر افيدك بيها انا معايا لانسر 2006 برضوا

1- التزيق الي انت بتسمعوا ده انت متأكد اني هوا من الدركسيون مش من الكوتشات لاني لو الكوتشات ناقصه هتلاقي تزيق وانت واقف بالعربيه لما تلف الدريكسيون يايرت تزود الكوتشات او تكشف عليها.

2-هوا الدركسيون بتاع الانسر تقيل شي عادي عشان هوا باور مش كهربه زي التيدا او الالنترا وديه شايفها ميزه جامده فيها

3- لما بدوس فرامل الصبح ولا باليل لاني في الصبح بيكون الاسفلت سخن وطبعا الاسفلت مش مطابق للمواصفات العالميه فا بيصدر الصوت ده من الكوتشات او تيل الفرامل ممسوح والله اعلم

4- ريست للكمبيوتر !!!!!!! لا معتقدش خالص ريست ليه ؟ بس الزيوت لازم تتغير كل فتره زي زيت الفتيس وده اهم حاجه

بس كان المفروض تروح بيها على التوكيل يكشفولك عليها كلها من اولها لآخرها

[Ralliart]

1-التزييقة بتاعت الدركسيون غالبا بتكون بارات دركسيون
2-الباور هيدروليك زي اي عربية فيها باور هيدروليك والباور الكهرباء زي الالنترا أخف بكتير طبعاً
3-تزييقة الفرامل بتكون غالباً الطنابير عليها مياه وتراب حاول تنضفها وتنشفها والصوت دا بيكون طبيعي
4-مش لازم تعمل ريسيت للكمبيوتر

مش شايف دي حاجة تستاهل انك ترجع العربية وطالما عاجباك خلاص ربنا يباركلك فيها

[cute]

وعليكم السلام

مبروك على العربيه ويارب يديك خيرها ويكفيك شرها

اولا انا مش خبير بس هقلك على المعلومات الي اقدر افيدك بيها انا معايا لانسر 2006 برضوا

1- التزيق الي انت بتسمعوا ده انت متأكد اني هوا من الدركسيون مش من الكوتشات لاني لو الكوتشات ناقصه هتلاقي تزيق وانت واقف بالعربيه لما تلف الدريكسيون يايرت تزود الكوتشات او تكشف عليها.

2-هوا الدركسيون بتاع الانسر تقيل شي عادي عشان هوا باور مش كهربه زي التيدا او الالنترا وديه شايفها ميزه جامده فيها

3- لما بدوس فرامل الصبح ولا باليل لاني في الصبح بيكون الاسفلت سخن وطبعا الاسفلت مش مطابق للمواصفات العالميه فا بيصدر الصوت ده من الكوتشات او تيل الفرامل ممسوح والله اعلم

4- ريست للكمبيوتر !!!!!!! لا معتقدش خالص ريست ليه ؟ بس الزيوت لازم تتغير كل فتره زي زيت الفتيس وده اهم حاجه

بس كان المفروض تروح بيها على التوكيل يكشفولك عليها كلها من اولها لآخرها

الله يبارك فيك وشكرا على سرعة الرد
1 - لا طبعا مش من الكاوتش لان الكاوتش انا مراجع الهواء بتاعه وظابط قدام على 30 وورا على 32 .. التزييق ده زي مايكون الكاوتش بيحك في حديد انا شاكك انه يكون حاجه في المقصات او العفشه

2 - طيب كوبس انك طمنتني لان انا معايا بيجو 405 وكنت متوقع انه اللانسر الدريكسيون بتاعها هيبقى اخف كتير من ال405 .. هو فعلا اخف بس مش الفرق اللي توقعته

3 - مش بتفرق سواء الصبح او بالليل هو الصوت عامل زي مايكون عزم العربيه اشد من الشاسيه فلما تقف مره واحده بيبقى عامل زي مايكون جسم العربيه عايز يتزحلق من على الشاسيه فبتعمل الصوت ده

انا من الزقازيق ومش عارف مين اقرب وكيل ليا او مركز صيانه معتمد ياريت لو تعرف حضرتك تدلني وشكرا جزيلا

[cute]

1-التزييقة بتاعت الدركسيون غالبا بتكون بارات دركسيون
2-الباور هيدروليك زي اي عربية فيها باور هيدروليك والباور الكهرباء زي الالنترا أخف بكتير طبعاً
3-تزييقة الفرامل بتكون غالباً الطنابير عليها مياه وتراب حاول تنضفها وتنشفها والصوت دا بيكون طبيعي
4-مش لازم تعمل ريسيت للكمبيوتر

مش شايف دي حاجة تستاهل انك ترجع العربية وطالما عاجباك خلاص ربنا يباركلك فيها

شكرا لرد حضرتك
هروح اكشف على بارات الدريكسيون باذن الله ويارب تكون حاجه بسيطة
العربيه عاجباني جدا جدا وانا من اللنوع اللي بيحب العربيه تكون 100% ومابعرفش انام لو فيه حاجه تافهه في العربيه لازم اصلحها
بالمناسبه بفكر اركب فلتر رياضي
ياترى ايه احسن نوع وسعره في حدود كام وهل فعلا بيعمل فرق في العربيه ؟؟

[nice_bird]

اولا الف مبروك وانا معايا نفس العربية والموديل هاف سبورت وكنت عايز اسال حضرتك خدتها بكام وهيا راشة ولا لأ لاني كنت بفكر ابيع

[hamada_amg]

السلام عليكم ورحمة الله وبركاته
الحمد لله اشتريت لانسر بومه 2006 هاف سبورت اوتوماتيك
العربيه عامله 49000 كيلو وفابريكه بره وجوا وفرشها لسه بكياسه الاصلية وثابته جدا على الطريق وسحبها ممتااااز والتسارع بتاعها تحفه .. بصراحه مكنتش متوقع ان سحبها يبقى كده
بس لاحظت شويه حاجات وعايز استشيركم بما انكم خبراء لانسر
1 - لما بكون واقف تماما واجيب الدريكسيون يمين على الاخر او شمال على الاخر واجي اتحرك بالعربيه بسمع تزييق بسيط ولما بعدل الدريكسيون الصوت ده بيختفي
2 - حاسس انه الدريكسيون الباور بتاعه فيه نسبة تقل خفيفه .. كشف على زيت الباور لقيته على الماكس ومفيش مشكله فيه
3 - لما بكون ماشي بالعربيه على سرعة منخفضه (40 - 60 كم) واجي اقف بسمع تزييقه خفيفه جدا اول مالعربيه تقف

4 - عندي استفسار كمان هو انا اول ماشتريت العربيه كشفت على كل الزيوت والفلاتر وكله تمام الحمد لله بس هل من الضروري اني اعمل ريسيت للكمبيوتر بتاعها ولا مش شرط ؟؟


منتظر ردكم في اسرع وقت ممكن لان لو فيه مشكلة كبيره قدامي فرصه 48 ساعه ارجع فيهم العربيه واسترد فلوسي
شكرا مقدما

اولا ياباشا الف مبروك و ربنا يكفيك شرها يا رب

انا معايا سبورت و نفس الموديل و عشان كده هجاوبك و الله المستعان بس ركز انت بس معايا و كل اللى فيها ده سهل مش صعب و مش محتاج عشانه ترجع العربيه

اولا انا هاتكلم على اساس انك كشفت على العربيه كويس جدا و اتأكدت منها و اتأكدت من العداد لانى شاكك ان العداد ده راجع انا عربيتى 107 الف و حاسس انها قليله على المده

1- اولا صوت الدريكسيون ده هل هو تزيق يعني حديد فى حديد و لا زنه
اولا لو زنه ده عادي عشان حضرتك بتبقى كده فاتح الباور على اخره و ده طبيعي و هتلاقى كمان الار بي ام بيعلى معاك سنه بسيطه
و لو تزيق ده فى الغالب من بيض الطرف او بيض الاسكاتره و اى عفشجى هيكبسهملك لو لسه سلام و هيتغيروا لو فيهم مشكله و تمنهم 190 جنيه اصلى

2- الباور مش تقيل و لا حاجه و العيب ده عيب هوا الكاوتش
حضرتك روح اتطمن على الكاوتش سليم و لا لا و لو تمام اظبط كله على 28 و جرب و قولى ايه النتيجه

3- ساعه لما تقف التزييقه ده فين بتسمعها فى العجل قدام و لا ورا ؟
لو ورا يبقى الفرامل ورا عايزه رجلاش و ده الميكانيكي يعملها فى ثوانى
لو قدام حاجه منن اتنين يا اما التيل عايز يتنضف او يتغير يا اما خزن الفرامل نفسها عايزه تتخرط بس ده احتمال بعيد شويه

4- ريستارت الكمبيوتر مش مهم المهم انك تتأكد من العداد تمام مش راجع و تمشي بقى معاها الصيانه الدوريه زي التوكيل
يعني مثلا كاتينه كل 80 الف كيلو
تيل كل 20 الف و هكذا

و الف مبروك مره تانيه

[cute]

اولا ياباشا الف مبروك و ربنا يكفيك شرها يا رب

انا معايا سبورت و نفس الموديل و عشان كده هجاوبك و الله المستعان بس ركز انت بس معايا و كل اللى فيها ده سهل مش صعب و مش محتاج عشانه ترجع العربيه

اولا انا هاتكلم على اساس انك كشفت على العربيه كويس جدا و اتأكدت منها و اتأكدت من العداد لانى شاكك ان العداد ده راجع انا عربيتى 107 الف و حاسس انها قليله على المده

1- اولا صوت الدريكسيون ده هل هو تزيق يعني حديد فى حديد و لا زنه
اولا لو زنه ده عادي عشان حضرتك بتبقى كده فاتح الباور على اخره و ده طبيعي و هتلاقى كمان الار بي ام بيعلى معاك سنه بسيطه
و لو تزيق ده فى الغالب من بيض الطرف او بيض الاسكاتره و اى عفشجى هيكبسهملك لو لسه سلام و هيتغيروا لو فيهم مشكله و تمنهم 190 جنيه اصلى

2- الباور مش تقيل و لا حاجه و العيب ده عيب هوا الكاوتش
حضرتك روح اتطمن على الكاوتش سليم و لا لا و لو تمام اظبط كله على 28 و جرب و قولى ايه النتيجه

3- ساعه لما تقف التزييقه ده فين بتسمعها فى العجل قدام و لا ورا ؟
لو ورا يبقى الفرامل ورا عايزه رجلاش و ده الميكانيكي يعملها فى ثوانى
لو قدام حاجه منن اتنين يا اما التيل عايز يتنضف او يتغير يا اما خزن الفرامل نفسها عايزه تتخرط بس ده احتمال بعيد شويه

4- ريستارت الكمبيوتر مش مهم المهم انك تتأكد من العداد تمام مش راجع و تمشي بقى معاها الصيانه الدوريه زي التوكيل
يعني مثلا كاتينه كل 80 الف كيلو
تيل كل 20 الف و هكذا

و الف مبروك مره تانيه

الله يبارك فيك ياجميل وشكرا على ردك المفصل
انت قلقتني من موضوع العداد مع ان مالكها الاول قال انه كان رافع العربيه فتره كبيره
بس انا عايز اتاكد انه مش ملعوب فيه .. ياريت تدلني اتاكد ازاي ؟؟

معلش سؤال كمان بما ان حضرتك معاك نفس العربيه
هل ضروري اغير زيت الفتيس ولا لا .. طبعا الفتيس cvt وايه افضل زيت للفتيس ده لاني اول مره اتعامل معاه ؟؟

وايه انسب ضغط هوا للكاوتش انا ظابط قدام على 30 وورا على 32 هل كده كويس ولا اظبط كله على 28 افضل ؟؟

[cute]

اولا الف مبروك وانا معايا نفس العربية والموديل هاف سبورت وكنت عايز اسال حضرتك خدتها بكام وهيا راشة ولا لأ لاني كنت بفكر ابيع

الله يبارك فيك
العربيه عندي فابريكه برا وجوا ومفيش فيها غير خدش بسيط لايرى بالعين المجرده في الباب الخلفي يمين
اشتريت بكام ده موضوع طويل لان ماشاء الله اليومين دول اللي معاه لانسر نظيفه ماسك فيها بايديه وسنانه وسمعت ارقام من اول 65 الف لحد 85 الف وكله لنفس العربيه ونفس الموديل
انا العربيه خلصت على 75 الف بسبب الحالة النادرة

عموما من خلال البحث في السوق لمده 3 شهور بقيت خبرة وبفكر اشتغل حرامي اقصد تاجر عربيات اقدر اقولك نبذه سريعه للاسعار
1 - لو العربيه فبريكه برا وجوا وحالة الموتور ممتازه وعربيه فايقة قوي اطلب 85 الف وانت مرتاح ولو حصل بيع على 80 الف خلص
2 - لو العربيه فبريكه جوا وراشه برا نظافه ( حزام ) يبقى انت كده ممكن تتكلم في ال80 الف وتخلص على 75 الف
3 - لو العربيه فيها حاجه راشه جوا وحالتها ممتازه يبقى انت بتتكلم في رينج 75 الف وتخلص على 70 الف
4 - لو العربيه راشه جوا وبرا وفيها شغل في المكنه يبقى بتتكلم في رينج بين 60 الف و70 الف
5 - لو العربيه ضايعه من كله يبقى الكلام بين ال55 وال60 الف

ده منطق تجار العربيات في مصر للاسف ..

[Ralliart]

زيت الفتيس لازم تغيره بزيت diaqueen spiii مش موجود غير في التوكيل ب450 جنيه
وبلاش تغيره بحاجة تانية وبالمررة خليهم في التوكيل يشوفو العداد متناسب مع حالة العربية ولا لأ

[hamada_amg]

الله يبارك فيك ياجميل وشكرا على ردك المفصل
انت قلقتني من موضوع العداد مع ان مالكها الاول قال انه كان رافع العربيه فتره كبيره
بس انا عايز اتاكد انه مش ملعوب فيه .. ياريت تدلني اتاكد ازاي ؟؟

معلش سؤال كمان بما ان حضرتك معاك نفس العربيه
هل ضروري اغير زيت الفتيس ولا لا .. طبعا الفتيس cvt وايه افضل زيت للفتيس ده لاني اول مره اتعامل معاه ؟؟

وايه انسب ضغط هوا للكاوتش انا ظابط قدام على 30 وورا على 32 هل كده كويس ولا اظبط كله على 28 افضل ؟؟

بص يا كبير موضوع العداد ده لازم و لابد منه و بسهوله جدا تتأكد منه فى التوكيل فى اى فرع و الموضوع مش مكلف خالص

بالنسبه لزيت الفتيس بيتغير كل 50 الف لو كان الاصلى بتاعها و كل 30 لو مش الاصلى

الاصلى فى التوكيل بس بيعمل حوالى 450 جنيه تقريبا و لو غالى عليك غيره بموبيل بيعمل الغيار حوالى 120 جنيه بس هتغيره كل 30 الف مش كل 50

الهوا اسمع كلامى و اظبط عربيتك تمام و جرب انك تظبط الهوا كله على 28 و اتفرج على العربيه عامله ايه هتدعليلى

[khaled_yassin]

ربنا يباركلك فيها ويديك خيرها ويكفيك شرها
انا مشترى الفلتر الk&n بيعمل 300 جنيه حاليا
وجااااااااااااااااااااااااااااامد جدا