استفسار في فرامل البوما بدون abs

[medociv]

السلام عليكم ورحمة الله وبركاته
يا شباب قسم متسوبيشي الكرام وكل مقتني للانسر او مجرب لها يا ريت تفيدوني في فرامل اللانسر بدون ABS ؟
هل هي سيئة - جيدة - جيدة جدا - ممتازة
وهل هناك فرق كبير بينها وبين الفرامل ال abs
حيث اني افكر جديا في شراء اللانسر من التوكيل الجديد وهي للاسف بدون ABS
في انتظار ردودكم ونصائحكم وتجاربكم
وجزاكم الله خيرا

[medociv]

ايه يا جماعة مفيش ولا رد !!!

[Dawns_Mist]

أنا معايا لانسر بومه 2005 أوتو ... و رأيي في فراملها جيدة ... أما رأيي في فرامل السوبر أكشن إنها جيدة جدا

[medociv]

متشكر جدا

[tarek72]

معى لانسر 2005 اتومتيك فراملها زفت بالرغم من الكشف اكتر من مره على كل شئ
نصيحتى وانا معى لانسر متجبهيش ده صيت على الفاضى
وادخل على انواع اخره واسال كل الجربه هل هى تساوى مادفع فيها ولا لا
خليك مع تويوتا او المانى او او هيونداى
بكلمك بعد استخدامها وتجربتها
حد يصدق عربيه ب90000 الف اتومتيك اخر سرعته 150 كم ساعه ديه لو جبتهم اصلا يعنى الدايو والاكسنت افضل
بالاضاف للعفشه الذى الزفت
ابعد واسمع كلامى
اخوك طارق

[MMamdouh]

الABS مش حيفرق معاك فى قوة الفرامل خالص لو دة قصدك

MMamdouh

[tarek72]

معى لانسر 2005 اتومتيك فراملها زفت بالرغم من الكشف اكتر من مره على كل شئ
نصيحتى وانا معى لانسر متجبهيش ده صيت على الفاضى
وادخل على انواع اخره واسال كل الجربه هل هى تساوى مادفع فيها ولا لا
خليك مع تويوتا او المانى او او هيونداى
بكلمك بعد استخدامها وتجربتها
حد يصدق عربيه ب90000 الف اتومتيك اخر سرعته 150 كم ساعه ديه لو جبتهم اصلا يعنى الدايو والاكسنت افضل
بالاضاف للعفشه الذى الزفت
ابعد واسمع كلامى
اخوك طارق

ويا سلام لو شغلت التكيف يبق اخرك 100 كم ساعه وبالعافيه كم
مش عارف على ايه السمعه ديه على كده فى ماركت اخر كورى يتعملها تمثال مقارنه بالانسر

[haythoomatos]

حرام عليك يا راجل

السلام عليكم... انا معايا لانسر بومة 2008 مانيوال 1300 سى سى خليجى.. و انا مشغل التكييف على اخره و العربية محملة 5 اشخاص ببقى ماشى على طريق مصر اسكندرية على 140 و لو عاوز ازود عن كده ازود بس الناس اللى معايا اساسا كل شوية يقولو يابنى هدى السرعة شوية... و خاصة لو امى هيه اللى راكبة جمبى بتقعد تزعقلى و تقولى حرام عليك... و الفرامل بتاعتها كويسة جدا و انا شايف انها ممتازة...و قبل كده الفرامل انقذتنى من مصيبة كانت هتحصلى كنت طالع على كوبرى روض الفرج و كان قدامى اوتوبيس و جيت اعدى منه لقيت توك توك واقف فى وشى... كنت هلبس فيه و كنت على 90 و ضغطت فرامل بكل قوة و الكاوتشات صرخت و كانت المسافة بينى و بين التوكتوك حوالى 20 متر او حاجة كده... و الحمد لله العربية وقفت قبله بمسافة حلوة

[medociv]

متشكرين جدا جدا يا جماعة وفي انتظار المزيد من الردود
ا طارق : انا بس اقصد اخبار الفرامل بتاعتها ايه؟ وحشة ولا حلوة وهل اللي معاك ب abs ولا من غير ؟

[tarek72]

متشكرين جدا جدا يا جماعة وفي انتظار المزيد من الردود
ا طارق : انا بس اقصد اخبار الفرامل بتاعتها ايه؟ وحشة ولا حلوة وهل اللي معاك ب abs ولا من غير ؟

من غير بس انصحك من اخ قرات كل الاتكلم فى مشاكل الانسر حققيه
انا مرت بيه وبحاول اعالجها بس مفيش فائده
فرامل وحشه جدا ومتقولش ساعدتنى الفرامل فى الوقوف وكان امامى 20 متر لان ده دليلل على ان السياره فراملها ضعيفه
ومحتاجه مسافه علشان تلحقك بالرغم انك لازم تضغط بقوه على الدواسه
اهتزازات فى الطاره بعد 100 كم وملهاش حل ومهم تعالج ترجع تانى
الدايو او الاكسنت بتجيب اعلى منها فى السرعه ومفيش الاهتزازت
يعم فكك وهات اى حاجه تانيه وانصحك جرب قبل ماتشترى واسحب بالسياره واتفرج على الطاره وعلى اقصى سرعه ممكن توصلها انا بقولك فعلا عن تجربه صيت على الفاضى وان شاء الله هخلص منها قريب
اما ثابتها علشان الحق كويس

[boma]

طبعا abs يفرق كتير لانه مانع للتزحلق ( مطر - طين - رمله او تراب على اسفلت - زيت على الارض ) والاهم انه لو فرملت فجأه تقدر تحرك الدريكسيون زى ما انت عاوز وتتفادى الاصطدام باللى اودامك عكس الفرامل العاديه الدريكسيون بيكلبش مع الفرملة
وفيها ebd وده بيخلى سرعه الاربع عجلات زى بعض يعنى لو عجلة سرعتها قلت لانك مشيت على نوعيه مختلفة من الارض مثلا تظبط سرعه الثلاث عجلات الباقية عليها ............. لا طبعا الفرق كبير جدا ويستاهل

[Haitham10]

استاذ طارق مشكلتك ان العربيه الي معاك مش 10-10
حضرتك غير طنابير وتيل عشان الطارة والرعشة والفرملة السيئة
واعمل صيانة شامله للعفشه والعربيه

العربيه دي 1300 اوتوماتيك بجيب بيها 150 160 مش اقل من كدة وبعربيتي بجيب بيها 170
ولو 1600 يبقي 180 190 ومقدرتش اكتر من كدة لا الطريق مساعد ولا انا راكب اوكتافيا دي لانسر اي كان

[medociv]

متشكرين لحضراتكم يا جماعة

[Ralliart]

معى لانسر 2005 اتومتيك فراملها زفت بالرغم من الكشف اكتر من مره على كل شئ
نصيحتى وانا معى لانسر متجبهيش ده صيت على الفاضى
وادخل على انواع اخره واسال كل الجربه هل هى تساوى مادفع فيها ولا لا
خليك مع تويوتا او المانى او او هيونداى
بكلمك بعد استخدامها وتجربتها
حد يصدق عربيه ب90000 الف اتومتيك اخر سرعته 150 كم ساعه ديه لو جبتهم اصلا يعنى الدايو والاكسنت افضل
بالاضاف للعفشه الذى الزفت
ابعد واسمع كلامى
اخوك طارق

مش معنى ان عربيتك فيها مشكلة تبقى كل الماركة زبالة!!؟
طيب انا وصلت لـ195 وعربيتي عاملة 120 الف واقسم بالله عمري ما غيرت حاجة في العفشة غير بارات الدركسيون
والتيل والطنابير في الصيانة الدورية والفرامل كويسة جداً عمرها ما خذلتني بس انا عندي abs وتجربتي للانسرات من غيره مكانتش في مواقف تستدعي انه يشتغل

[tarek72]

استاذ طارق مشكلتك ان العربيه الي معاك مش 10-10
حضرتك غير طنابير وتيل عشان الطارة والرعشة والفرملة السيئة
واعمل صيانة شامله للعفشه والعربيه

العربيه دي 1300 اوتوماتيك بجيب بيها 150 160 مش اقل من كدة وبعربيتي بجيب بيها 170
ولو 1600 يبقي 180 190 ومقدرتش اكتر من كدة لا الطريق مساعد ولا انا راكب اوكتافيا دي لانسر اي كان

اولا شكرا على نصيحتك وجزاك الله خيرا"
بالنسبه لعربيتى
الحمدلله موتور بيجب اقصى r p m لانى بعمل صيانه اول باول وعلى كلا لسه عمل عمره 70000 كم
وطنابير مشيك عليها تيل جديد مع انى رميت القديم بحالته
ترصيص وظبط زوايه
شددت العفشه من يومين غيرت جلب المقص الكبير
وغيرت المساعدين الامامى
انا عارف انك ممكن تجيب 160 على مزلقان
وممكن تجيب 150 عادى بس بتكون الماكينه والجير فى اقصى حالات التشغيل
وده مش الطبيعى لانك بتخلص على الماكينه والجير
لكن طبيعه الماكينه فى حدودد 120
انا قلت كلمه هل هى حقا " تساوى المبلغ المدفوع فيها
أعتقد لااااااااااااااااااا
المفروض تكون اقل على الاقل من 15000 الى 20000 جم
ويا تره بتجيب 150 بتكون مشغل التكيف
ولما بتشغل التكيف بتكون السرعه كم
اما الاهتزازت فى الطاره على المطبات الخفيفه ده عيب معروف فى الانسر من علبه الدريكسون
وتقريبا " الكل اتكلم فيه ومهم تعمل بيرجع تانى
ولك الف شكر