غسيل موتور لانسر فى محطة البنزين

[ramyw]

يا جماعة أنا مشترك جديد فى المنتدى الجامد ده و كنت حابب أسأل عن غسيل موتور العربية فى المحطة؟

هل ممكن يسبب مشكلة لو أتغسل بميه ؟ أنا معايا لانسر سبورت سوبر أكشن 2008 أوتوماتيك 1600

ألف شكر للرد

[mostafa727050]

اوعى تغسل المكنه بالميه .
بالهوا بس.

[MaZaGAngeE]

هواء و جاز بس
محدش بيغسل مواتير بالميه

[ramyw]

ألف شكر على الرد

[ahmedsaiad]

ليه ياجماعه اوعى تغسلها بالميه انا معايالانسر 2007 1600ccمن يوم ماجبتها وانا بغسل الماكينه بالجاز وبعد كدا اغسلها بالميه عادى جدا كل اللى بتاع البنزينه بيعملو بيغطى علبه الفيوزات عشان مافيش مياه تخش فيها مش اكتر دا اللى انا باعمله واى واحد مسؤل عن اللى بيعمله عشان مبقاش انا السبب لوحصل شىء لاقدر الله

[gta10]

ياباشا فى بنزينة موبيل اللى هى فى اخر الهرم عند ميدان الرماية عندهم مادة لونها ابيض كده بيتغسل بيها الموتور و هى سريعة التطاير و هو الراجل بيرشها بالكومبريسور و بيلمع بالفوطة و مافيش ثوانى بتلاقى الحوض بيلمع و مالهاش اى تاثير و مكتوب عليها منظف لمحركات السيارات

[M.Elwan]

فى بنزينة وطنية بيتغسل engine washing foam بيقولو عليه تنظيف جاف لكن هوا وجاز والكلام ده بلاش احسن

[RimonWagdy]

abo Ramyyyyyyyyyyyy :))))

[abofarah]

بلاش ليه طول عمرنا بنغسل المواتير باهوا و الجاز و الميه ........... و كله على الله

[أبو_حمزة]

أولا الجاز مش مستحب لأنة ممكن يأثر على بعض المكونات الكوتش و المطاط زى الخراطيم على المدى الطويل (ممكن و ممكن لأ )
ثانيا الميه مفيش فيها مشكلة بشرط تغسل صح
عن نفسى بغسل المواتير بنفسى بالفوم و المياه فى جراج البيت وبطلت اسيب اى كفتجى يغرق لى الحوض ميه
بس الغسيل ده مش عمال على بطال
يعنى كل سنة مرة مثلا