احدث عضو في قسم ميتسوبيشي

[medociv]

بسم الله الرحمن الرحيم
السلام عليكم ورحمة الله وبركاته
السادة الاعضاء الافاضل
الحمد لله ربنا اكرمني بعد طول تفكير وانتظار وقراءة متانية واستخارة المولى عز وجل ويتوفيق الله وعونه
امس استلمت ميتسوبيشي لانسر 2011 من الوكيل الجديد - 1600 اوتو كلاسيك بدون abs - من معرض سيارات موزع للوكيل (قالي ليه واحد من مبيعات التوكيل لما لقيته خلصو السيارات)
ولقد افادتني كثيرا جدا تجارب الاعضاء ومشاركاتهم ونصائحم الجميلة جدا في اخذ القرار وربنا يجزيكم كل خير
عندي بس شوي ملاحظات ويا ريت تردو عليا (ملاحظات اخذتها على السيارة عموما وملاحظات في استلام السيارة من المعرض):
1-استلمت السيارة وتم تبقية جزا لحين ورود خطاب المرور والافراج الجمركي في خلال ايام ... هل ده في مشكلة؟
2-انا استلمت العربية استلام دقيق وبصراحة كله تمام.
3-عداد الكيلو عامل 26 ك منهم 21 ك من الوكيل للمعرض وده حاجة جميلة
4-لاحظت وانا بسوق العربية اني لما بدوس فرامل (عشان نقل الفتيس مش الفرملة) في صوت زي تزييقة خفيفة كده (زي اللي في عربيتي المانيوال) فهل ده عادي (انا اول مرة اتملك اوتو)؟
5-وانا بفرمل الفرامل مش لمس او همس لأ ،بدوس شوية عشان تفرمل فهل ده عادي؟ (معنديش abs)
6-لاحظت بعد ماستلمت ان فتحة تهوية من بتوع التكييف سايبة يعني مش مربوطة او ملخلخة (مش ثابتة بس كنت اخدت العربية ومشيت) فهل ده يتعمل في صيانة ال 1000 ولا ارجع للمعرض وارجهعها (احاول اغير العربية)؟ (بصراحة انا حاسس انها بسيطة)
7-عايز اركب انذار والناس هنا بتقول ادريان فهو فين واسعارة ايه؟ وهل تركيب الانزار بره التوكيل بيخرج من الضمان؟
8-بفكر اغير الكاسيت لكاسيت بسي دي فهل ده بيخرج من الضمان؟
9-عايز اركب فرش نظيف ومحترم بس مش جلد . تنصحوني بايه؟ (حد يفصله زي جينز كار او سبير ولا اشتريه جاهز من ش دمشق)؟
10-عايز اجيب غطاء سيارة فاجيب قماش ولا ووتر بروف؟ (في ناس بتقول الوتتر بروف وحش قوي على العربية)
وربنا يجزيكم خير جميعا وفي انتظار مشاركاتكم ونصائحكم وردودكم
ونسالكم الدعاء
عبدالحميد

[devilishtigers]

اولا الف مليون مبروك وربنا يديك خيرها ويكفيك شرها
1-استلمت السيارة وتم تبقية جزا لحين ورود خطاب المرور والافراج الجمركي في خلال ايام ... هل ده في مشكلة؟
2-انا استلمت العربية استلام دقيق وبصراحة كله تمام.
3-عداد الكيلو عامل 26 ك منهم 21 ك من الوكيل للمعرض وده حاجة جميلة
4-لاحظت وانا بسوق العربية اني لما بدوس فرامل (عشان نقل الفتيس مش الفرملة) في صوت زي تزييقة خفيفة كده (زي اللي في عربيتي المانيوال) فهل ده عادي (انا اول مرة اتملك اوتو)؟
5-وانا بفرمل الفرامل مش لمس او همس لأ ،بدوس شوية عشان تفرمل فهل ده عادي؟ (معنديش abs)
لغاية هنا انا معرفش افيدك علشان اللي عندي مانيول + abs
6-لاحظت بعد ماستلمت ان فتحة تهوية من بتوع التكييف سايبة يعني مش مربوطة او ملخلخة (مش ثابتة بس كنت اخدت العربية ومشيت) فهل ده يتعمل في صيانة ال 1000 ولا ارجع للمعرض وارجهعها (احاول اغير العربية)؟ (بصراحة انا حاسس انها بسيطة)
في صيانة ال 1000 هيعملوها وكله هيبقى تمام
7-عايز اركب انذار والناس هنا بتقول ادريان فهو فين واسعارة ايه؟ وهل تركيب الانزار بره التوكيل بيخرج من الضمان؟
8-بفكر اغير الكاسيت لكاسيت بسي دي فهل ده بيخرج من الضمان؟
رقم 7 و 8 لو مفيش لعب في الضفيرة يبقى عادي (وانتظر رأي الاعضاء للتأكيد)
9-عايز اركب فرش نظيف ومحترم بس مش جلد . تنصحوني بايه؟ (حد يفصله زي جينز كار او سبير ولا اشتريه جاهز من ش دمشق)؟
ناس كتيركانت بتشكر في جينز كار
ممكن حضرتك تروح وتشوف وهتلاقي تشكيله حلوة
10-عايز اجيب غطاء سيارة فاجيب قماش ولا ووتر بروف؟ (في ناس بتقول الوتتر بروف وحش قوي على العربية)
الووتر بروف رخامته ان لو اتنتش بسبب حاجة يبقى كدا خلاص ضاع وميزته في الشتا اكتر علشان المطر
القماش احسن وبيعيش بس بياخد مكان وعيبه انه في الشتا بيبهدل العربية مع المطر
وربنا يجزيكم خير جميعا وفي انتظار مشاركاتكم ونصائحكم وردودكم
ونسالكم الدعاء
ربنا يديك خيرها ويكفيك شرها ويبعد عنك العين
اختيار موفق

[M!SHO]

ألف مبروك يا فندم

ربنا يباركلك فيها ويديك خيرها ويكفيك شرها

بسم الله الرحمن الرحيم
1-استلمت السيارة وتم تبقية جزا لحين ورود خطاب المرور والافراج الجمركي في خلال ايام ... هل ده في مشكلة؟
أعتقد مفيش مشكلة
2-انا استلمت العربية استلام دقيق وبصراحة كله تمام.
3-عداد الكيلو عامل 26 ك منهم 21 ك من الوكيل للمعرض وده حاجة جميلة
4-لاحظت وانا بسوق العربية اني لما بدوس فرامل (عشان نقل الفتيس مش الفرملة) في صوت زي تزييقة خفيفة كده (زي اللي في عربيتي المانيوال) فهل ده عادي (انا اول مرة اتملك اوتو)؟
دوس فرامل جامد وان شاء الله مش هتسمع الصوت ده تانى
برغم انه صوت طبيعى عشان العربيه عاوزه تتحرك وحضرتك مقيد حركتها
5-وانا بفرمل الفرامل مش لمس او همس لأ ،بدوس شوية عشان تفرمل فهل ده عادي؟ (معنديش abs)
الموضوع ملوش علاقه بال abs ...هى الفرامل كده
عندى فى البيكانتو الفرامل باللمس وبرغم كده بتهرب كتير على عكس اللانسر بتسعفنى كتير جداً
6-لاحظت بعد ماستلمت ان فتحة تهوية من بتوع التكييف سايبة يعني مش مربوطة او ملخلخة (مش ثابتة بس كنت اخدت العربية ومشيت) فهل ده يتعمل في صيانة ال 1000 ولا ارجع للمعرض وارجهعها (احاول اغير العربية)؟ (بصراحة انا حاسس انها بسيطة)
ان شاء الله بسيطه بس قول للمعرض جايز يكون فيه اجراء بيتعمل عشان تتغير تبع الضمان
7-عايز اركب انذار والناس هنا بتقول ادريان فهو فين واسعارة ايه؟ وهل تركيب الانزار بره التوكيل بيخرج من الضمان؟
8-بفكر اغير الكاسيت لكاسيت بسي دي فهل ده بيخرج من الضمان؟
بالنسبه للانذار والكاسيت....التوكيل بينصح بالتعامل مع ادريان عشان فاهمين فى العربيه بس يفضل تقولهم فى التوكيل الأول
اعذرنى معرفش مكانه ولا أسعاره
9-عايز اركب فرش نظيف ومحترم بس مش جلد . تنصحوني بايه؟ (حد يفصله زي جينز كار او سبير ولا اشتريه جاهز من ش دمشق)؟
الفرش الجاهز( الكسوه ) بيبوظ الفرش الأصلى فالأفضل التفصيل طبعاً
أنا أتعاملت مع جينز كار وشغلهم ما شاء الله نضيف جداً ده غير أنهم محترمين جداً فى معاملتهم
10-عايز اجيب غطاء سيارة فاجيب قماش ولا ووتر بروف؟ (في ناس بتقول الوتتر بروف وحش قوي على العربية)
أنا عندى قماش و ووتر بروف وبصراحه القماش أحسن بكتير ( خفيف وبيتغسل فى الغساله الأتوماتيك عادى )
وربنا يجزيكم خير جميعا وفي انتظار مشاركاتكم ونصائحكم وردودكم
ونسالكم الدعاء
عبدالحميد

[Hussein_Emara]

الف مبروك يا باشا, ربنا يرزقك خيرها و يكفيك شرها

بالنسبة للانذار و الكاسيت, رد الوكيل القديم كان, ركب براحتك بس لو حصل مشكلة في الكهرباء بسبب التركيب ده, بيخرج كهرباء العربية من الضمان, و بينصحوا بادريان لأن ادريان هو الي كان بيركب الانذار في التوكيل ايام ما كان التوكيل بيبيع العربية بالانذار.

اسعار الانذار وصلت ل 320 جنيه بعد الثورة بشهر, و عندهم نوعين, نوع بيركب بريموت لوحده (غالبا كان Wolf) و نوع تاني عليه اسمهم و ده بيشتغل على ريموت العربية على طول و ما بيحتجش اي لعب في الريموت (مسمينه عندهم ال Original)

بالنسبة للكاسيت, عندهم فيشة الكاسيت الي مقاس السوكيت بتاع العربية, فمفيش لعب في الكهرباء في الحتة دي.

بالنسبة للفروع, معرفش غير واحد بس الي في المهندسين (الي رحتله) بس هم ليهم فروع تانية, ممكن تجيبهم من الدليل.

و نصيحة لوجه الله, هات كلابش للعربية. ربنا يسترها معانا جميعا.

[medociv]

يا جماعة مش عارف اقولكم ايه غير ربنا يجزيكم كل خير ويبارلكم

[medociv]

ألف مبروك يا فندم

ربنا يباركلك فيها ويديك خيرها ويكفيك شرها

ا هشام هو حضرتك عملت فرش عربيتك بكام عندهم وكان نوعه ايه؟ والاسعار عندهم من اول كام؟
وليه الفرش الجاهز او الكسوة بيبوظ العربية؟
وربنا يجزيك كل خير

[medociv]

كل المشهدات ده ومفيش حد حتى باركلي غير 3 بس اللي ردو عليا (ربنا يجزيهم خير) !!!!
بداية مشجعة

[prisoner]

ماشاء الله لا قوة الا بالله الف الف مبروك على عضويتك الجديدة معانا يزيدنا شرف والف مبروك على الاسطورة الميتسوبيشى وباختصار عايز اقولك لو مكنتش رخصت العربية او اذا كنت رخصتها اذا كانت الحاجات اللى انت بتقول عليها دى ممكن فى المعرض اللى انت اشتريها منهم احسن من التوكيل لان لو فيه حاجة مكسورة ممكن يقولك نتيجة للاهمال مش هايعرفوا انوا من المعرض وخللى بالك لو رحت المعرض اكيد هايعملك اللى انت عايزه لانه هايخاف على سمعته جدا قدام الناس اللى جاية تتفرج على عربيات تانية وواحد صاحبى راح غير تقريبا كاوتش او مش عارف ايه كان بايظ فى عربية دايو زيرو وعملولوا كل حاجة ورجعت تمام بالنسبة للفرش انصحك بجينز كار علشان تكون مستريح وناسى الفرش بتاعك ونظافة انت ممكن تدخل تتفرج على شغلهم وبالنسبة للانذار انا اعرف انه لو عملتوا يبقى تخرج من ضمان الكهرباء او تعملوا عن طريقهم وربنا يكرمك ويباركلك فيها تحياتى

[basemsaeed]

اولا,,الف مبروك على العربية
و ربنا يديك خيرها و يباركلك فيها و يكفيك شرها
طبعا الاعضاء الكرام وفوا بالرد و زيادة
بس انا حزود على ردهم بعض الحاجات
بالنسبة لفتحة التهوية بتاعة التكييف يستحسن تروح المعرض و تقولهم عشان حتى لو المعرض استلمها كده
يكتبلك في كتيب الضمان ان الهواية فيها مشكلة و يشوف التوكيل الجديد بقى اذا كان حيغيرهالك او يصلحهالك
بالنسبة لتركيب انذار,,يستحسن تستنى شوية لحد ما التوكيل الجديد يبدأ ان شاء الله و تسألهم على النقطة دي
ممكن هما يجيبوا انذار كويس و يركبوه عندهم و بكده يبقى افضل و تبقى برده مطمن عشان لو حصل حاجة لقدر الله
بالنسبة للفرش,,انا الصراحة ركبت عشان جينز كار,,بجد حاجة جميلة جدااااا و محترمة جدااا و التفصيل احسن طبعا
الصراحة حكاية الغطاء دي انا بش عارف مين احسن,,لاني الصراحة برده عاوز اجيب غطاء للعربية و بش عارف اجيب ايه؟!

و ربنا يباركلك في عربيتك و يكفيك شرها

[basemsaeed]

و ده موضوع عن تركيب الفرش في عربيتي عند جينز كار
اتفرج و شوف

http://www.nilemotors.net/Nile/225008-a.html

[limo]

الف مبروك على العربيه وربنا يبارك ليك فيها ويحفظهالك
الكاسيت والانذار اعتقد كان مع التوكيل القديم مفيش فى تركبهم مشكله الكاسيت هات بس فيشه علشان متقطعش فى فيشه العربيه الاصلى والانذار برضو ان شاء الله مفهوش مشكله بس برضو يفضل انك تستنى لما تسأل الوكيل الجديد او لو مستعجل ركب الكاسيت بس دلوقتى علشان لو التوكيل ممانع من تركيب الحاجات ده برضو تقدر ترجع الكاسيت الاصلى تانى بسهوله وتخلى التوكيل يركبه علشان علشان الضمان ميسقطش
-اعتقد ان الكليو متر الى انت مستلكم بيه العربيه ممتاز انا على فكره واخد عربيتى على 8 كم بس :)
-الغطاء لو انت مش هتعطى العربيه فى الشتاء يبقى هات غطاء قماش عادى لان الوتر بروف الشمس بتاكله فى الصيف
-اهم حاجه اتأكد ان العربيه بتاعتك وكيل مواصفات مصريه لان ممكن تكون خليجى وانت مش عارف وحصلت مع ناس كتير
الف مبروك على العربيه وان شاء الله هستمتع بيها

[l0new0lf]

الف مبروك على العربيه و ربنا يبارك فيها و يكفيك شرها
بس ليه بتدوس فرامل عند النقل؟

العربيه اوتو يعنى هى بتنقل لوحدها
و استخدامك للفرامل هيكون اكتر من المانيوال لان هتضطر انك تفضل دايس فرامل طول ما العربيه واخده نقله عشان كده استهلاك الفرامل فى الاتو اكتر من المانيوال
لو كان عندك كنت قلت لك لازم تدوس على اخر الفرامل عشان ال abs انت معندكش
و الفرامل يشتغلواabs
دوس فرامل زى المانيوال زى ما انت متعود
و بلاش موضوع انك تدوس فرامل بالشمال, دوس باليمين بالضبط زى المانيوال
و خلى بالك لازم العربيه تكون واقفه تماما للنقل من الحركه لالمام الى الخلف او العكس
ولا عن طريق الخطا و العربيه بتتحركpو اوعى تنقل على ال
الى بتسمعه ده ممكن تكون السوسته الى بترد بدال الفرامل لما تشيل رجلك من عليه

[M!SHO]

ا هشام هو حضرتك عملت فرش عربيتك بكام عندهم وكان نوعه ايه؟ والاسعار عندهم من اول كام؟
وليه الفرش الجاهز او الكسوة بيبوظ العربية؟
وربنا يجزيك كل خير

الفرش جلد وأتكلف 1300 جنيه ( وعملى فرش للشنطه فري غير الهدايا طبعاً ومن ضمنهم استيكر المنتدى )

وصورته موجوده فى الموضوع ده ( العربيه رقم 4 )

http://www.nilemotors.net/Nile/212111-a.html

بالنسبه لأسعار الفرش التفصيل عندهم بتبتدى من 700 جنيه تقريباً وعندهم كل الخامات وحضرتك ممكن تعدى عليهم وتاخد فكره وان شاء الله هيعجبك شغلهم

أما موضوع الكسوه عرفته من خلال المنتدى والكل أجمع على أنها بتبوظ الفرش الأصلى

وللتأكيد ده موضوع لعضو معانا فى نفس القسم

http://www.nilemotors.net/Nile/126058-a.html

( أسف على التأخير فى الرد )

[Hussein_Emara]

أما موضوع الكسوه عرفته من خلال المنتدى والكل أجمع على أنها بتبوظ الفرش الأصلى

انا مركب الكسوة دي من سنة, و مكنتش اعرف موضوع انها بتبوظ الفرش الاصلي, تنصحني افكها ولا الي حصل حصل؟

[medociv]

متشكر جدا جدا لحضراتكم وربنا يجزيكم كل خير يا رب
وباذن الله اقدر افيدكم واستفيد منكم