لمبة البنزين نورت في الطبلوة

[M.Al-Hefnawy]

النهارده لاقيت فجأة لمبة البنزين بتنور في الطبلوة من إنني لسه مفول العربية إمبارح والمؤشر نزل تحت للآخر وبعد شوية طفت اللمبة وبدأ المؤشر يعلى تاني ببطء شديد لغاية النص وركنتها في الجراج وكان قبل ما اروح مشواري فوق على الآخر وامسافة صغيرة تقريبا 20 كيلومتر اللي مشيتها.

العربية لانسر بومه 2009 وكيل وبحط بنزين 92 وماشية 34000 كيلومتر.

يا ريت حد يقولي أيه السبب في اللي حصل؟

[sayed911]

جرب وحط بنزين لو لقيت فيها يبقى العوامة غالبا محتاجة يتبص عليها لو ملقتش فيها بنزين اكشف على التانك يا فندم ولكن ده بسرعة جدا وبدون تهاون من فضلك ..

[mr_vampire]

العوامة بتركن بس. لو حضرتك بتمون والعربية دايرة تبقي طفيها لان ضخ مسدس البنزين سريع فممكن العوامة مابتلحقش تعلي معاه بسرعة بدليل انها بعد فترة بتطوف علي سطح البنزين بس ببطء.

حصل معايا مرتين وبقيت ابطل وانا بمون واتظبطت.

بس انا كنت سمعت انا في مشكلة في عوامة اللانسر هنا من الشباب فأتقل كدة نسمع برده رأي الشباب.

[Ralliart]

احتمال العوامة تكون محتاجة تغيير هي ب450 جنيه في التوكيل

[prisoner]

ده عيب شائع فى معظم البومة ليا واحد صاحبى بتحصل معاه دايما عربيته 2006 خليجى نفس الاعراض وبعد كده الامور بترجع تانى مش عارف هوة عيب فى العوامة والا ايه بس للعلم لو عيب فى العوامة وشربت بنزين يبقى مترجعش تقرا تانى تحياتى

[M.Al-Hefnawy]

الحقيقة اول مرة يحصل معايا الموضوع ده وانا دايما بمون والعربية مطفية. بس دي عاوزة ميكانيكي ولا كهربائي؟

[mohammedabdallh]

الحقيقة اول مرة يحصل معايا الموضوع ده وانا دايما بمون والعربية مطفية. بس دي عاوزة ميكانيكي ولا كهربائي؟

كهربائى يا باشا
ومتخفشى عادى يعنى بتحصل كتير فى كل العربيات وترجع تشتغل تانى ((كبر دماغك )) اهم حاجه تيقى عارف مشاويرك بتاخد بنزين اد ايه وخلاص انا كان معايا عربيه قبل كدا العوامه بيظه
وكنت ماشى بيها عادى وكل اسبوع اروح افول وخلاص وزى ما تاخد تاخد

[masrawy_online]

السلام عليكم
هو فعلا عيب فى الانسر وبيظهر
لكن بيرجع المؤشر يعلى تانى ويقراء القراءة الصحيحة فعادى مرة او مرتين فى كل فترة ميخلكش تغير العوامة

[M.Al-Hefnawy]

متشكر جدا على الردود يا جماعة انا فعلا روحت للكهربائي وقالي خليها لغاية لما تجيب آخرها لأن النهارده لاقيتها مظبوطة وقالي أجيب واحدة استعمال بـ 150 جنيه.

[samyrizkb]

انا معايا لانسر بومة 2004 و بحطلها بنزين 92 و بتعمل نفس الحركة احيانا تعمل و احيانا تنزل على الاخر ببطء و لمبة البنزين تنور و فاجاة يعلى المؤشر ببطء و رحت للكهربائى عندما كانت منورة فلمس الارضى بتاع العوامة لكن المؤشر لم يرتفع و اللمبة لم تطفىء و قالى ان ده مش عيب عوامة .. رجاء من خبراء اللانسر افيدونا ما العمل لانى مش عاوز اروح لحد يلعب فى العربية ولكم كل الشكر

[Ralliart]

يا جماعة ده عيب عوامة 100% حصلتلي وحصلت لناس كتير

[EslaM_NagY]

ازاى الناس بتمون والعربية دايرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

خطر جدااااااا

ايه الاستفادة يعنى ؟ّ!!!!!

[samyrizkb]

يا جماعة يا خبراء اللانسر كل ده ما حدش عنده حل يجاوبنا بيه

[MITSUKERO]

الموضوع حصل معايا في لانسر 99 و حليتة بمنتي البساطة

رحت لميكانيكي حبيبي فصل كابل البطارية قبل اي شغل و بعدين فك الكنبة و فك طرمبة البنزين طلعها لقي في علي قطعة بيضاء فيها كده طين و رواسب كتير نضفها بننزين و بعين لقي سلك مقطوع و هنا السبب

دخل لحم السلك في مكانة بأزيير و ركبها و دور ياباشا شغل و هوب اختفي العيب

بالنسبة بقي للانسر البوما العيب ده حصل برضة مع عربية بنت عمي و رحت لنفس الميكانيكي بس المرة دي كان خلال الصيانة الدورية في التوكيل و برضة حل العيب ولا غير الطرمبه ولا جاب واحدة استيراد ولا دخلنا في السكة دي خالص

نصيحة : نص كلام الميكانيكية اللي برة التوكيل هجص و ربعة تاليف و الربع الباقي ممكن يكون صح

ده لو الميكانيكي بيعمل ناصح و بيفتي انما الميكانيكي الفاهم هو اللي مش واخدها وراثة و عافية و بيتعلم من مهندسين في التوكيل و بيجيب كتبا الورشة و بياخد دورات تدريبية علي كل موديل جديد بينزل و بالتالي بيبقي حافظ لعربية و مش بيألف و لو مش عارف بيقولك مش عارف

اتمني اكون اضفت

[szaalouk]

يا جماعة ده عيب عوامة 100% حصلتلي وحصلت لناس كتير

و انا واحد كمان من الناس الكتير اللي بيحصل معاها الموضوع ده و عربيتي سبورت موديل 2005 و من 2007 تقريبا بدأت تعمل الحركه دي يعني كل كام تفويله مره تعملها و تنور في التابلوه و بعدين المؤشر يعلي تاني و يشتغل طبيعي فما توجعش دماغك و تركز قوي مع العربيه و تخللي الميكانيكي او الكهربائي يعمل عليك شغل طالما الموضوع مش حيوي .