أفضل نوع تيل فرامل ؟؟؟

[Dawns_Mist]

الفرامل عندي عجيبة يا جماعة ..
أنا معايا بومة 2005 خليجي 1600
أولا بحس إن فيه هوا في الفرامل لإنها بتتأخر على ماتشد معايا لازم أكبس لحد نص الدواسه على الأقل ، سألت الميكانيكي كذا مرة يقولي مافيش هوا و مية مية و يحلفلي بالطلاق.
تاني حاجة .. التيل بيخلص بسرعة جداااااااااااااا يادوب مش بيكمل 10000 كيلو
و كل ماسأل حد على أحسن نوع تيل لعربيتي بيقولي التركي .. أجيب التركي أحس إنه بيتبخر بعد 8000 كيلو مثلا

فياريت لو حد يقولي إيه أقوى نوعية تيل فرامل تركب لعربيتي تخلي الفرامل معايا تقيلة ، و كمان يعيش شوية ، و يا ترى سعره كام .

و كمان لو حد ليه خبره يقولي إزاي أخلي الفرامل بتاعت عربيتي عموما أقوى من كده .. العربية عندي ماشاء الله مش بتزعلني في أي حاجة غير موضوع الفرامل ده .. يتزحف بسهولة لو العربية مش محملة ، و لو محملة أوزان كتير ببقى زي اللي ماشي من غير فرامل خااااااااااااااااااالص .. و كمان بحس إن تلتينها فاضي طووووووول الوقت ... يا ترى أفضي زيت الباكم خالص و أجيب زيت جديد باكم و أفرغ هوا برضه و كده و أنا بركب التيل الجديد ، ولا أعمل إيه بالظبط ؟

[gta10]

افضل تيل جربته بعد الاصلى هو تيل s.k الالمانى شغال معايا بقالى 26000 كيلو و عمره ماصفر معايا و الفرامل شديدة جدا الحمد لله

[Dawns_Mist]

بكام الـ s.k يا باشا ؟؟

[M.Al-Hefnawy]

يا ريت تقولنا بكام وموجود عند مين؟

[gta10]

انا كنت جايبة ب120 جنيه بالصاج و السوست بتاعته من عند الخواجة اللى فى شارع البحر الاعظم و ممكن تلاقيه عند المنير فى فيصل
و دى صورة العلبة بتاعته هى الصور منقولة

http://img72.imageshack.us/img72/8073/gdsc0022.jpg

http://img16.imageshack.us/img16/5283/gdsc0023.jpg

[Dawns_Mist]

شكرا جزيلا يا باشا .. هجربه المرة الجاية و بإذن الله يظبط معايا

[dede_sese]

معلش هو فين محل الخواجه ده بالضبط فى ش البحر الاعظم ولا ش ربيع الجيزى. معلش ان امكن العنوان
وشكرا

[gta10]

فى شارع البحر الاعظم لو انت جاى من الجيزة هاتلاقيه على يمينك جنب حلوانى الدمياطى اللى قبل شارع المدبح و لو انت جاى من المنيب او الدائرى هاتلاقيه بعد القرية الفرعونية بحوالى 750 متر على شمالك

[M.Al-Hefnawy]

طيب هو التيل ده بيركب على عربيات تانية زي الاوبل مثلا ... ممكن اشوفه عند حد بتاع قطع غيار اوبل لأني مش من القاهرة.

[Dawns_Mist]

طيب .. حد عنده خلفية عن بايقي المشاكل اللي أنا حكيتها عن العربية عندي ...؟؟؟
هل كلها مشكلة تيل بس ؟؟ ولا فيه حاجة المفروض أعملها أو أشيك عليها ؟

[Haitham10]

ممكن حضرتك تجرب قبل ما تفتح الكونتاك وتدور

تفضل تحضر فرامل هتلاقي الدواسة حجرت وبقت ناشفه مبتاخدش رجلك وتنزل زي الاول وبعدها دور العربيه وبعد ماتتحرك جرب الفرامل لو لاقيتها بتمسك افضل

اعتقد كدة في هواا ....... عموما عندي نفس الموضوع

[mmffor]

انا جربت الاس كي و فعلا اشهد انه نظيف جدا و ملهوش صوت و طري مبيبوظش الطنابير

بس انا كنت جايبه ب 70 جنيه تقريبا من سنتين

[Dawns_Mist]

ممكن حضرتك تجرب قبل ما تفتح الكونتاك وتدور

تفضل تحضر فرامل هتلاقي الدواسة حجرت وبقت ناشفه مبتاخدش رجلك وتنزل زي الاول وبعدها دور العربيه وبعد ماتتحرك جرب الفرامل لو لاقيتها بتمسك افضل

اعتقد كدة في هواا ....... عموما عندي نفس الموضوع

ألف شكر على النصيحة يا أفندم ... أنا هجرب بكره الموضوع ده .

بس أنا عندي سؤال .. هل لو أنا فضيت زيت الباكم كله ، و حطيت زيت جديد ، و فضيت هوا .... هل ده ممكن يأثر بالسلب على الفرامل على المدى الطويل ؟

انا جربت الاس كي و فعلا اشهد انه نظيف جدا و ملهوش صوت و طري مبيبوظش الطنابير

بس انا كنت جايبه ب 70 جنيه تقريبا من سنتين

ممتاز ... أكيد هجرب الـ s.k المرة الجاية ، و يارب أحس إن الفرامل بقت أحسن .. لإني أنا بسوق عربيات تانية بيبقى قلبي جامد عليها أكتر من عربيتي مع إن موتور عربيتي أقوى بسبب فرق الفرامل ده .

[stay_away]

ممكن بردو تشوف الرمسا الاسباني ناس كتير بتشكر فيه وبيقولو كمان انه احسن نوع بعد الاصلي انا لسا جايبه من شارع دمشق ب 110

[fanki]

حد يقولى سعر علبة الدركسيون لانسر بومة 2008