اشتريها ولا لاء - النصيحه يا أهل العروسه

[Morieno]

بعد السلام عليكم واللذى منه - وتحيه طيبه وبعد

انا نازل من نوبيرا وبدور على عربيه بقالى فتره مش كتير
المهم لقيت بومه 2008 ماشيه 90 الف كيلو 1300 مانيوال
العربيه كويسه - محتاجه شوية تويق وتظبيط مش مشكله يتعملوا
مكنه جميله وعفشه كويسه - راشه شوية حاجات نظافه بس اساسات سليمه "ودا متاكد منه عشان صاحبها من الزيرو معرفه"
المهم كل اللى فيها مش مشكله

بسسسسسسسسسسسسسس المشكله بقى

فى حتتين كدا فى السقف ورا البربريز على طول كل واحده مساحتها حوالى 2x2 سم دهانهم منفخ وفيهم سنة برومه
مش عارف دى هتعمل مشكله ولا لاء
وعلاجها هيبقى ازاى
ولو عالجتها هحتاج ارش السقف ولا لاء

ولا ابعد عن الموضوع كله
هى بصراحه سعرها مريح ومش هنختلف مع صاحبها

ولو ممكن حد يقولى تمن فوانيس واكصدامات البومه

وشكرا مقدما للمساعده

[Morieno]

هو الموضوع عويص قوى كدا يا شباب ولا ايه؟؟

[Morieno]

!!!!

[bassem_sams]

لا ابدا على عموم هى عربيه لونها ايه علشان سقف انت ممكن تروح لسمكرى نظيف يعدلها و لو منفعش ممكن تعدلها و تجيب استيكر فاميه لميه اسود و تلزقه على سقف او استيكر بلون عربيه لو هى لون غير اسود بدل ما ترش و دة بيحميلك بويه عربيه فابريكه من شمس و خدوش و بيحلى عربيه و ممكن تعمل عربيه استيكر كامل بلون عربيه و اشهر واحد مكتبه ابراهيم فى دمشق

نيجى لتمن فوانيس هى اماميه و لا خلفيه انا مرة فانوس خلفى اتكسر روحت شارع دمشق حبتوا كورى دبلو مفيش فرق بينة و بين الأصلى ممتاز ب 180 جنيه و ممكن تلأقى صينى ارخص

الأكصدام فى منه استراد فى الحرفين سعره مختلف من مكان لتانى و متعرفوش لون علشان ميغليش عليك و اسعار بتتراوح على حيب ما اتذكر من 500 الى 700 و لو لتوا بلون عربيه مش هتحتاج ترشه و لو طلع لون تانى ممكن ترشه ب150 جنيه او تلزق استيكر و فى ناس بتسمى استيكر تجليد او كاربون او فاميه و خليك فى فاميه هو غالى بس تحفه

[Ralliart]

طبعاً ملهاش حل غير رش السقف
والاكصدام تايلاندي في حدود 170 وفي التوكيل فوق الالف جنيه واستيراد في حدود 400
والفوانيس الخلفية ديبو تايواني آخر مررة كنت شاريه بـ200 وفي التوكيل ب700 وشوية ومعرفش الامامي بكام

[Morieno]

لا ابدا على عموم هى عربيه لونها ايه علشان سقف انت ممكن تروح لسمكرى نظيف يعدلها و لو منفعش ممكن تعدلها و تجيب استيكر فاميه لميه اسود و تلزقه على سقف او استيكر بلون عربيه لو هى لون غير اسود بدل ما ترش و دة بيحميلك بويه عربيه فابريكه من شمس و خدوش و بيحلى عربيه و ممكن تعمل عربيه استيكر كامل بلون عربيه و اشهر واحد مكتبه ابراهيم فى دمشق

نيجى لتمن فوانيس هى اماميه و لا خلفيه انا مرة فانوس خلفى اتكسر روحت شارع دمشق حبتوا كورى دبلو مفيش فرق بينة و بين الأصلى ممتاز ب 180 جنيه و ممكن تلأقى صينى ارخص

الأكصدام فى منه استراد فى الحرفين سعره مختلف من مكان لتانى و متعرفوش لون علشان ميغليش عليك و اسعار بتتراوح على حيب ما اتذكر من 500 الى 700 و لو لتوا بلون عربيه مش هتحتاج ترشه و لو طلع لون تانى ممكن ترشه ب150 جنيه او تلزق استيكر و فى ناس بتسمى استيكر تجليد او كاربون او فاميه و خليك فى فاميه هو غالى بس تحفه

العربيه لونها سيلفر
مافيش حل تانى غير الاستكر انا مابحبش الاستيكرات - زوقى تعبان وعقلى دقه قدبمه بقى تعمل ايه

[Morieno]

طبعاً ملهاش حل غير رش السقف
والاكصدام تايلاندي في حدود 170 وفي التوكيل فوق الالف جنيه واستيراد في حدود 400
والفوانيس الخلفية ديبو تايواني آخر مررة كنت شاريه بـ200 وفي التوكيل ب700 وشوية ومعرفش الامامي بكام

لازم نرش لا حول ولا قوة الا الله - دى حتتين زى عقلة الصباع - هتبق راشه سقف عشان دول لا اه الا الله

[bassem_sams]

مترفعلنا صورة ليها نفدر نحكم عليها افضل
انما حلول رش او استيكر او سيبها مدام صغيرة

و انا بافضل استير لأنه شيك و مش بيبان خالص لو روحت لواحد نظيف و جبت خامه نظيفه مش هيبان و هيحميه بويه من خدوش و متروحش لون من شمس

عندنا عربيه كيا سايبا كابوت و سقف مجرب من شمس اللى يشوف عربيه يتكسف يقف جنبها روحت دمشق و عملت استيكر اسود فاميه لميع المانى مش اسود مط على سقف و كابوت عربيه رجعت تانى حلوة و بمبلغ صغير بدل رش و بعديها باسبوع واحد خربش كابوت فجبت بولش ودعكت كويس راح تماما
ده راى و فى انتظار اراء الأخوة

[HOSSAM99]

طيب معلش يعني هل حضرتك فعلا مقتنع إنها فابريكه سقف؟؟
مستحيل الفابريكه يطقطق يجرب و الورنيش يتمسح
ميطقطقش غير المعجون يا فاندم

[Ralliart]

طيب معلش يعني هل حضرتك فعلا مقتنع إنها فابريكه سقف؟؟
مستحيل الفابريكه يطقطق يجرب و الورنيش يتمسح
ميطقطقش غير المعجون يا فاندم

+1
ايوة صحيح ازاي طقطقت وهي فابريكة !

[Morieno]

طيب معلش يعني هل حضرتك فعلا مقتنع إنها فابريكه سقف؟؟
مستحيل الفابريكه يطقطق يجرب و الورنيش يتمسح
ميطقطقش غير المعجون يا فاندم

انا فاهم القطقه اللى حضرتك تقصدها
بس مش هى دى الطقطقه اللى فيها دلوقتى - هى مقبقبه شكل لما يبقى عندك فقاقيع صغيره قوى وحجمها حوالى 2 فى 2 سم ورا الزجاج على طول غالبا من ركنه مستمره تحت تكييف او ميه بتنقط وممكن يكون عيب فى تركيب الزجاج لانها مغيره البربريز مرتين قبل كدا

المشكله انى متاكد فعلا انها فبريكه سقف لانها مع صاحبها من الزيرو وهوا معرفه - والله اعلم

[Morieno]

يعنى انتم شايفين انى اجيبها واحاول اصلحها - لو هو هينزل من سعرها الفين مثلا قصاد الحته دى - ولا بلاش

وهاحاول اصورها يوم الحد بقى ان شاء الله

[l0new0lf]

موضوع البارومه الى بيجى حوالين الزجاج ده بيجى فى عربيات كتيره لان بيتجمع تراب تحت الكاوتش بتاع الزجاج و مع الميه و الوقت يبتدى يعمل بارومه و لو سبته هينفخ اكتر و يكسر الزجاج
ده الى حصل عندى