باركولى على الجنط الجديد

[mohammedabdallh]

اخيرا جنط العربية وجبت كاوتش جديد
الاسبوع الى فات كنت مسافر الاسكندرية فقولت اعدى على بتاع الكاوتش يشوف ايه اخبار الكاوتش ويظبطهم
لقى العجلتين الى وار واحده الكاوتش بتاعها ملووح والتانية متنفعشى امشى عليها
قالى انزل هات 2 فرده كاوتش طبعا المقاس بتاعى كان 13 فلفتها فى دماغى ونزلت جبت جنط مقاس 14 وكاوتش طبعا 14/ 60/185
طبعا الجنوط ب 1250 ج
الكاوتش الفرده 375 اسمه نكست كورى يعنى الاجمالى 2750 + نيتروجين وترصيص العجل مجانى
اسبكم مع الصور معلشى الكميرا مش قد كدا

ImageShack Album - 5 images

[1.8Tee]

الف مبروك يا باشا :).

[mohammedabdallh]

الله يبارك فيك يا باشا

[M.Elgergawy]

الف مبروك

[Bonanza]

مبروك يا باشا
ربنا يحرسهالك

[mohammedabdallh]

الله يبارك فيكوا يا رجاله

[Esam Mosaad]

اعتقد ان الجنوط ديه صينى مش حديد
ومتزعلش من راى انا شايف انك جبت اسوء نقشه نقشه الشجره وجبت اسوء جنوط

[prisoner]

ماشاء الله الف مبروك ربنا يباركلك فيها

[prisoner]

اعتقد ان الجنوط ديه صينى مش حديد
ومتزعلش من راى انا شايف انك جبت اسوء نقشه نقشه الشجره وجبت اسوء جنوط

مع احترامى الشديد ليك حبيبى وانت عارف انا بقدرك قد ايه بس عايز اقولك معلومة مهمة جدا انا كان معايا 128 وكنت مركب فيها جنوط صينى بس كان الكاوتش محترم دانلوب وكان ارتفاع 65 يعنى بعيد شوية من الارض وياسلام بقى على المطبات المحترمة بتاعت بلدنا والبالوعات المفاجئة وكان شغال معايا زى الفل لدرجة ان 2 من صحابى كانوا عايزين يشتروه منى وواحد منهم كان عايز يركبه على فيرنا وقلتله حرام عليك انا معنديش مانع لكن خسارة الصينى على عربية محترمة وراح جاب صينى وكاوتش نظيف برضوا عايز اقولك زى الاندونيسى بمراحل ده طبعا من واقع تجارب وموضوع نقشة الشجرة دى انا واحد من الناس كنت بحبها جدا مش عارف بحس ان هية مميزة اصلها اذواق ماينفعش كلنا نقتنع بحاجة واحدة مش كده والا ايه وبعدين بقى اخيرا المادة بتحكم قوى فى الموضوع ده يعنى الجنوط الصينى ال13 ب 650 جنيه انما لو اصلى هاتبقى بكام ولسة كاوتش وكده معلش انا بس بوضح وجه نظرى تقبلوا مرورى تحياتى

[mohammedabdallh]

هقولك حاجه يا باشا
اولا الجنوط دى مش صينى دى اندونيسى الصينى 850 ج وكانت قدامى
والكاوتش انا كنت رايح اجيب برجستون وملقتوش الى هناك قالى الكاوتش ده محترم وبعد ما جبته لقيت ناس اصحابى مركبها وهو كاوتش سرعات وجميل جدا على فكره هو فى الاول مكنشى عاجبنى وبعد ما جربت العربية لقيه جميل جدا
انا مش عارف انت حكمت عليه ازاى
والجنوط كان هناك نقشات كتيرة اوى انت عارف ناس كتيير بتغير الى مقاس 14 فده الوحيد الى فيه نقشات كتيير اوى وجربتهم على العربية الراجل الى انا جايب منه محترم اوى اعد ينزل من على الرف ويحطه جنب العربية لحد ما عجبنى النقشة دى هى ده الى كلت على لون العربية
وعلى فكره انا مش زعلان منك خالص وكل واحد وله رائيه وذقه واما اختلاف الاذواق لبارت السلع
وكل سنه وانت طيب
ورمضان كريم