استفسار بخصوص الطنابير

[bido600]

السلام عليكم
اولا رمضان كريم
انا معايه لانسر بومه 2008
من اسبوعين كدا غيرت تيل الفرامل بعديها بكام يوم لقيت العربية مكتومة و مش بتسحب و لما اشيل رجلي من علي البنزين زي ميكون فرملت و بدال الفرامل تقل
رحت للميكانيكي قالي التيل دا وحش غيرو و الطنابير كمان ووراني حسيت الطنابير معوجة لما تمشي عليها صابعك
فانا عاوزو اعرف اغير تيل بس مؤقتا ولا تيل وطنابير و اللي حصل دا من التيل ولا حاجة تانية
و حاجة اخيرة احسن نوع تيل و طنابير اية و في حدود كام؟ عشان سالت في التوكيل ب1200 الطنابير و 385 تيل فانا مش عاوز افتح فاتحة جامدة الا لو الحكاية زنقت قوي
معلش ازعجتكم

[mohammedabdallh]

يا باشا
فى انواع تيل محترمه ب 80 الى 120 ج
والطنابير لو معوجه اوى بتفكها وتوديها اى مخرطه قريبه بتتمسح بس ده لو معوجه اووىىىىىىى
انا كان عندى التيل خلص والحديه الى بيمسك فيها التيل كانت هتبوظ الطنابير بس ربنا ستر الحمد لله وعلمت بس فى الطنابير والتيل الجديد طبع عليها من غير ما امسحها
الطنابير الجديده بره التوكيل تقريبا من 400 الى 450

[bido600]

يا باشا
فى انواع تيل محترمه ب 80 الى 120 ج
والطنابير لو معوجه اوى بتفكها وتوديها اى مخرطه قريبه بتتمسح بس ده لو معوجه اووىىىىىىى
انا كان عندى التيل خلص والحديه الى بيمسك فيها التيل كانت هتبوظ الطنابير بس ربنا ستر الحمد لله وعلمت بس فى الطنابير والتيل الجديد طبع عليها من غير ما امسحها
الطنابير الجديده بره التوكيل تقريبا من 400 الى 450

الف شكر علي رد حضرتك المشكلة انا غيرت التيل لواحد اسباني ب120 بقي يعمل بودرا سودا و صفارة رهيبة جبت كوري مقعدش شهرين وجربت انواع كتير كلهم بيصفرو و لازم يكون فيهم عيب الطنابير بقي دي بقي فيها خط منحوت لجوة بس مش قوي و مع السرعة و اجي افرمل الدريكسيون بيرعش جامد و العربية دي بسافر بيها كتير يعني الغلطة فيها هاروح في داهية خصوصا اني بمشي سريع فانا بفكر لاني ان شاء الله ناوي اعملها بكرة باذن الله بس سمعت ان فيه نوع تيل اسمة جولد الناس بتشكر فيه هجيبة و احاول اشوف كاية الطنايبر دي بس محتاج الراي و الشوري فحكاية الخراطة ولا التغيير

[mohammedabdallh]

لو اول مرة تخرط اخرط وتخافشى لو خرط من قبل اغير احسن وربنا معاك

[bido600]

لو اول مرة تخرط اخرط وتخافشى لو خرط من قبل اغير احسن وربنا معاك

الف الف شكر mohammedabdallh باشا بشكر حضرتك علي سرعة الرد و الافادة بكرة ان شاء الله هخرط واغير التيل
رمضان كريم

[mshemy]

بص يا Bido أنا عندي نفس المشكله و نفس العربيه و بعد بحث شامل مافيش حل نهائي غير إننا نغير الطنابير بطنابير أصلي و نشتري تيل أصلي بس المهم نشتري الحاجات دي منين ؟؟؟؟

[bido600]

بص يا Bido أنا عندي نفس المشكله و نفس العربيه و بعد بحث شامل مافيش حل نهائي غير إننا نغير الطنابير بطنابير أصلي و نشتري تيل أصلي بس المهم نشتري الحاجات دي منين ؟؟؟؟

mshemy باشا انا عملت العربية الحمدلله اللي حصل ان الماستر عندي باظ لية عشان محدش يدي عربيتو لحد تاني اديتها لواحد صاحبي يزود زيت و يشيك علي العربية حط زيت بور علي زيت الباكم بعا زيت البور اتقل راحت الجلد في الماستر شربتة و العربية جابت ماستر فرامل و كل خراطيم الفرامل بس الحمدلله الميكانيكي اللي بعمل عنده راجل امين و الحمدلله رحت جبت جلب بس و صلحلي الماستر عشان ملقيتش اصلي كله كان تيواني و التوكيل كان قافل ساعتها و العربية الحمدلله الفرامل بتاعتها دلوقتي ولا اكنها جاية من بلادها
اما بالنسبة للطنابير و التيل لسة معملتهمش بس ممكن نعملهم مع بعض انا سالت علي الطنابير في التوكيل 1100 جنية و برا ب350 ايطالي الناس بتشكر فيها بس انا نويت اجيب اصلي في اصلي والتيل ب360 في التوكيل عشان العرية الصراحة عزيزة عليا و مش عاوز ابهدلها
مكان التوكيل في الكتكات اسمة المصرية عند السرك القومي