اكصدامات ميراج بكام ؟؟؟؟؟؟؟؟

[ser3a]

انا عايز اجيب اكصدامات ميراج امامي و خلفي
و شنطه ميراج ان شاء الله
بس عايو اعرف الاساعار لانها بتختلف كتيير
و اجيب الاحسن ان شاء الله
مستني الردود

[M.Elgergawy]

الامامي والخلفي في حدود 1200 1500
الشنطة بشفة 400 وطبعا دي هتحتاج تغير الفوانيس
بدون شفة 300 350

[ser3a]

يا باشا والله شكرا يعني انت بس اللي رديت
المهم الاسعار كده تمام
و انا ان شاء الله ناوي عليهم
و الشنطه برده في حدود ال 350
و الفوانيس لو ركبت العاديه اللي معدله هتبقي حلوه برده ولا ايه ؟

[prisoner]

بالنسبة للاسعار زى ماقالك الاخ محمد بك الجرجاوى مظبوطة الاكسدامات اخرها 1500 الاثنين مع بعض والشنطة ممكن لو نظيفة ونفس لون العربية تبقى ب500 جنيه المايلة او العدلة والمايلة بس هية اللى تحتاج تغيير فوانيس اما بتاعت الميراج تحفة او المعدلة المايلة ليدات تحفتين بس على حسب لون العربية وبالتوفيق على فكرة بتغير شكل العربية تماما وتبقى احلى

[sonystar]

الاكصدامات 750 او800 والشنطة الميلة بالفوانيس 600

واربع ابواب ازاز كهرباء بالضفيرة بالازاز بالمكن بالمريات 1500

وكبوت ورفرفين850

ودى اسعار سوسو اللى فى المريوطية

[ser3a]

و ان شاء الله لو عايز ابيع الاكصدامات بتاعتي و الشنطه يجيبو كام اصلي كلهم و حاله سليمه جدا

[ser3a]

علي يا سوني
الاكصدامت كده رخيصه اوي ؟
سليمه كامله بالشاسيه بتاعها ؟

[prisoner]

انا كنت عايز اقول كده برضوا الاسعار دى رخيصة جدا عن العادى ممكن يكون على حسب حالتهم الابواب يعنى سعرهم كويس الى حد ما وبالنسبة للحاجة القديمة انت ممكن تدخلها فى الجديدة وتدفع فرق انا عملت كده

[ser3a]

لا والله طيب يا راجل مش تفديني
و تقولي دخلت ايه في ايه و دفعت كام
هو ده التعاون يا ناس
هههههههه

[sonystar]

والله يا جماعة دى اسعار سوسو اللى فى المريوطية محمود سوسو هوا اللى قال الكلام دا لاكن انا معرفش الاكصدامات بالشاسية ولا لا

بالنسبة للحاجة استيراد مش قديمة

[don kamelloo]

مهم

طيب بعذ اذنكو انا كنت سالت علي الموضوع ده الاكصدامات و الشنطه و انتو قولتولي من سوسو او الشيخ ف المريوطيه و بشكركم جدا بس اخر سؤال عشان انا مسافر مش ف مصر و كان المفروض انزل ف 2بس اتاجلت و هتزل ف 6 انا محتاج وقت كبير عشان الاقيهم و لا موجودين باستمرار و ياريت لو نمره الشيخ او سوسو عشان اريط معاهم لو ينفع بعتذر مره تانيه علي الاطاله

[don kamelloo]

شكرا جزيلا

منتدي زي الفل و بشكر الاستاذ جرجاوي جدا لمساعدته و انا فعلا هخلص ف الاكصداكات و الشنطه و الموتور ال1500 و هبعتلكم صور عربيتي بعد التعديل ان شااء الله مفيش حاجه احتجتها الا و لقيتها هنا ناس محترمين و متعاونين جدا ... و تحيه كبيره للعربيه الكريستاله98. العظيم. و نحيه كبيره من عضو لسه جديد