عربيتي سيلفر و عايز اغير اللون .... ساعدوني بازواقكو

[ser3a]

انا عربيتي لونها سلفر لانسر كريستاله
و فبريقه جوه بس رشه بره داعدا سقف
و انا هرش قريب ان شاء الله
فقولت اغير اللون بقي
لاني مسقط موتور و بكبر جنوط و بعمل تعديل جميل ان شاء الله يكمل علي خير
ف جي في بالي الوان
ازرق زهري
احمر دم الغزال
و كده كده السقف اسود مط ان شاء الله لانه مش راشش هعمله استيكر
ف ايه رايكو؟
منتظر المشاركه

[M.Elgergawy]

انت معاك احلى لون في الكريستالة نصيحة بلاش

[ser3a]

اولا مشكوووووووووووووور علي ردك
طيب ارش نفس الون و اعمل السقف اسود مط ؟

[eng/ahmed_go]

انا شايف اللون الابيض هيكون جامد جدا مع السقف الاسود

[ser3a]

جي في بالي برده اللون ده
و ادينا بنجمع اراء
شكرا يا برنس

[eldell]

اللون الزهرى ده هيبقى حلو لو العربيه كانت مكوه او بومه لاكن عندك الابيض او الاحمر هيبقى تحفه بالتوفيق ياكبيييييييير

[MOUSTAFA_SAAD]

الابيض مع الشقف الاسود المط حيبقى تحفه
بس خلى بالك الابيض فيه منه درجات برده
بشوفهعلى عربيات بحسه مختلف
او ممكن اللون العاجى شبه اللى بينزل فى الجالينا وبرده بيكون سقفها اسود

[mohammedabdallh]

طب ما ترش الجوانب والابواب ابض وتخلى السقف والشنطه والكبوت اسود

[prisoner]

انا عارف اللون الزهرى اللى انت قصدك عليه وشفته قبل كده فى كريستالة بس مش هايديلك الشكل اللى فى دماغك مش هايبقى شادد الناس وعموما موضوع الالوان دى اذواق يعنى انا لون عربيتى سيلفر وكنت بفكر لما اجى ارش اغير لاحمر دم غزال والسقف اسود مط هاتبقى وهم وشفتها بتبقى تحفة من احسن الالوان الاحمر وربنا يتم التعديل على خير بس لو ممكن تحكيلنا ايه التعديلات اللى انت بتعملها نقول راينا مش تطفل

[devilishtigers]

ابيض
دم الغزال
والاتنين يكونوا ميتالك

[eldmrane]

علي فكرة حرام بجد تغير اللون الفضي لون باشا اي شغل لو اتعمل علي اللون الفاضي بيبقي تحفة وكمان بلاش عشان لما بتيجي تبيع بيقلل من ثمن العربية والسلفر بجد تحفة واي شغل بيبقي جامد ولو جنوط سودة معاة بيبقي جامد جدي دة زوقي واكيد دية ازواق طبعا

[ser3a]

طيب دلوقتي الاغلب
احمر دم غزال
ابيض
سيلفر

حد يعلرف درجه الاحمر بتاعت السيراتو كوبيه ؟ و ايه رايكو

[love7amada]

silver

[ser3a]

طيب لحد ناو السيلفر
و هي اصلا ده لونها
ها

[zoro007]

لو هترش ومش هامك اعاده البيع وعايز تظبط العربيه لنفسك للترويش
ولو العربيه فيها شغل كتير بمعنى شغل ظاهر كتير .. تنفيخ وجنوط وزوايد للاكصدامات واعتاب ومن جوه مظبط كراسى ريكارو او ما يعادلها .. اندر جرواند يعنى :)
يبقى السقف اسود والعربيه ترشها احمر دم غزال وتزود الورنيش (اللمعان) الزايد فى الرش هتبقى تحفه

انما لو العربيه هتعمل فيها شغل ترويش على خفيف بقى خليها على الفضى افضل