اختار ايه؟؟؟؟

[m1985fb]

السلام عليكم و كل عام و انتم بخير ... بصراحة ديه اول مشاركة ليا هنا فيا ريت محدش يكسفني ..
بأختصار شديد : لانسر شارك هاي لاين - كورولا 2011 هاين لاين - اوكتافيا بيزيك ( خابف من الخليجي ) علشان انا لقيت مش معاه ضمان و انتوا عارفين العربيات الجديدة مفيش اكتر من مشاكلها ( جيتا 2008-2009 باسات (TSI
من القائمة المكتوبة ديه ايهم الافضل مع العلم اني مش غاوي جري علطول و لا غاوي اكع دم قلبي في قطع غيار و صيانة
بصراحة انا داخلة دماغي اللانسر لكن متخوف من موضوع الوكيل الجديد ده و كمان استفسار ؟ الصور الللي محطوطة في تقرير الزميل basemsaeed في الموضوع http://www.nilemotors.net/Nile/237725-2011.html
و انا قصدي بيهم الاولى بتاعة الجنوط الكبيرة (اول صورتين) و الصورة بتاعة المقصورة و الدريكسيون انا شايف ان فيها امكانية النقل من الدركسيون شيفت من الطارة (الصورة الرابعة) فهل الحاجات ديه موجودة في الموديلات اللي نازلة مصر و لو كده تكون متوفرة في اي فئة
و الصورة الخامسة انا شايف فيها الستيبترونيك العادي ؟؟ و في واحد من الاعضاء كان بينكر على العربية ديه انها مافيهاش الستيبترونيك اساسا فهل ديه غلطة و لا ايه ؟؟؟ و اسف على الاطالة

[IronHead]

ابعد عن الكورولا,هتدفع 162 الف على فتحت سقف وجنط وسبويلر وبس,كمالياتها فقيرة جدا. انا رايى خليك فى الاكتافيا, البيزك منها ماليانة كماليات مش موجودة حتا فى الشارك الهاى لين(زى مثبت السرعة والبلوتوث) ,بس عيبها الوحيد انها مش شبابى

[basemsaeed]

السلام عليكم و كل عام و انتم بخير ... بصراحة ديه اول مشاركة ليا هنا فيا ريت محدش يكسفني ..

بأختصار شديد : لانسر شارك هاي لاين - كورولا 2011 هاين لاين - اوكتافيا بيزيك ( خابف من الخليجي ) علشان انا لقيت مش معاه ضمان و انتوا عارفين العربيات الجديدة مفيش اكتر من مشاكلها ( جيتا 2008-2009 باسات (TSI
من القائمة المكتوبة ديه ايهم الافضل مع العلم اني مش غاوي جري علطول و لا غاوي اكع دم قلبي في قطع غيار و صيانة
بصراحة انا داخلة دماغي اللانسر لكن متخوف من موضوع الوكيل الجديد ده و كمان استفسار ؟ الصور الللي محطوطة في تقرير الزميل basemsaeed في الموضوع http://www.nilemotors.net/Nile/237725-2011.html
و انا قصدي بيهم الاولى بتاعة الجنوط الكبيرة (اول صورتين) و الصورة بتاعة المقصورة و الدريكسيون انا شايف ان فيها امكانية النقل من الدركسيون شيفت من الطارة (الصورة الرابعة) فهل الحاجات ديه موجودة في الموديلات اللي نازلة مصر و لو كده تكون متوفرة في اي فئة
و الصورة الخامسة انا شايف فيها الستيبترونيك العادي ؟؟ و في واحد من الاعضاء كان بينكر على العربية ديه انها مافيهاش الستيبترونيك اساسا فهل ديه غلطة و لا ايه ؟؟؟ و اسف على الاطالة

السلام عليكم

انا سمعت اسمي في الموضوع ,,قولت ادخل اجابوك ان شاء الله
نبدأ بأول نقطة و هي اني عربية تختارها
بص حكلمك بكل أمانة,,انا لو كان قدامي العربيات دي,,كنت اول حاجة حجيب جديد,,بش حجيب مستعمل ده اولا,,يعني حنشيل الباسات و الجيتا مع ان ساعات بيكون فيه حالات نضيفة منهم,,بس خليك في الاضمن و كمان الجديد حتحس برونقه غير المستعمل و كمان عشان الضمان
ثانيا,,نيجي نختار من المتاح,,انا عن نفسي كنت حجيب فانتازيا و البيزك منها فيه كماليات كتير(و بلاش الخليجي),,و بعد كده اللانسر الشارك و بعد كده التويوتا كورولا

طبعا ناس ممكن تهاجمني شوية,,ليه اخترت الفانتازيا عن الشارك,,مع اني عاشق للشارك,,الشارك طبعا لا غبار عليها,,عربية محترمة و جميلة
بس الفانتازيا حاجة تانية كده,,عربية محترمة برده و جميلة,,و حاجة فخمة فعلا
و تقيلة على الطريق بطريقة غربية,,تحس انك بش ماشي اصلا

العربيات دي سواء شارك او فانتازيا او كورولا اسعار قطع غيارهم متقاربة شوية

بالنسبة لتاني نقطة الخاصة بالتوكيل,,حضرتك متخوف من ايه في التوكيل بالضبط؟؟؟
عشان لسه جديد و كده؟؟؟
انا على فكرة روحت التوكيل الجديد و عملت كمان عنده الصيانة و هما ناس محترمة جداا هناك و شغلهم نضيف و المكان نضيف

بص يا جميل بالنسبة للصور,,انا جايبها من على النت,,,بس انا وضحت للناس لو حضرتك بصيت في أواخر التقرير كده حتلاقي اني وضحت شكل الجنط القديم و شكل الجنط الجديد و الاتنين مقاس 16

بالنسبة لل shift paddle و الفتيس الاستب ترونيك ده موجود بس في الشارك اللي بتنزل بماتور 2000 سي سي
و الفئة دي التوكيل بش منزلها,,لان سعرها حيبقى عااااالي عشان الجمارك الجميلة اللي عندنا,,,بس فيه عضو هنا حيروح ان شاء الله يسقط الماتور ده و ان شاء الله حيبقى يقولنا عمل ايه لما يخلص على خير ان شاء الله

يا رب اكون قدرت افيدك

تحياتي

[eng/ahmed_go]

خليك في التويوتا كورولا 2011 صدقني عمرك ما هتندم وهتنسى حاجة اسمها اعطال وكفاية انها متسحبش بنزين كتير ومش هتحتاج تفول غير كل فين وفين وكفاية التكييف التلاجة وكفاية العفشة الناعمة جدا
وسيبك من الشارك اللي اعدت من 2008 مش لقيا حد يشتريها ومعظم اللي اشترها باعها على طول او بيحاول يقنع نفسه بيها

[basemsaeed]

خليك في التويوتا كورولا 2011 صدقني عمرك ما هتندم وهتنسى حاجة اسمها اعطال وكفاية انها متسحبش بنزين كتير ومش هتحتاج تفول غير كل فين وفين وكفاية التكييف التلاجة وكفاية العفشة الناعمة جدا
وسيبك من الشارك اللي اعدت من 2008 مش لقيا حد يشتريها ومعظم اللي اشترها باعها على طول او بيحاول يقنع نفسه بيها

السلام عليكم

بش للدرجاتي يا أستاذ أحمد!!!!!احنا بش شاريين ميكروباص بنحاول نقنع نفسنا بيه
ياريت الكلام يكون أحسن من كده و اللي يتكلم يتكلم على اللي عارفه و جربه فعليا و كان معاه و بس,,بدل ما كل واحد يأذي مشاعر التاني بالكلام

شكرااا

[eng/ahmed_go]

السلام عليكم

بش للدرجاتي يا أستاذ أحمد!!!!!احنا بش شاريين ميكروباص بنحاول نقنع نفسنا بيه
ياريت الكلام يكون أحسن من كده و اللي يتكلم يتكلم على اللي عارفه و جربه فعليا و كان معاه و بس,,بدل ما كل واحد يأذي مشاعر التاني بالكلام

شكرااا

انا اسف جدا لو الكلام اتاخد بالمعنى دا او بالحساسية دي،
وانا مكنش عندي العربية دي بس كانت معا واحد صاحبي وبعها بعد كام شهر وانا لما جيت اشتري في شهر 10 اللي فات كان معايا 120 الف اشتريت البومة 2010 وفضلتها عن الشارك مع ان كان في تخفيض جامد على الشارك تقريبا موديل 2008 او 2009 مش فاكر

[basemsaeed]

انا اسف جدا لو الكلام اتاخد بالمعنى دا او بالحساسية دي،
وانا مكنش عندي العربية دي بس كانت معا واحد صاحبي وبعها بعد كام شهر وانا لما جيت اشتري في شهر 10 اللي فات كان معايا 120 الف اشتريت البومة 2010 وفضلتها عن الشارك مع ان كان في تخفيض جامد على الشارك تقريبا موديل 2008 او 2009 مش فاكر

أستاذ أحمد,,انا مزعلتش منك او حاجة
كلنا هنا اخوات في الله و ربنا يديم المعروف
بس ممكن كلمة تتقال تجرح الواحد بخصوص حاجة معينة
الله اعلم بالنسبة لصاحبك باعها ليه؟؟هل عشان بش منتشرة؟؟او بش كويسة معاه؟؟ الله أعلم
حضرتك لو كنت عارف باعها ليه,,حضرتك كنت ممكن تقول القصة و المشكلة ايه,,عشان اللي يشوف الكلام,,يعرف مثلا ان كان فيه مشكلة معينة بش عمومية,,بش اكره الناس خالص من العربية و اقول بش لاقية حد يشتريها او غيره
و تقريبا هنا معظم الناس عارفة عدم انتشار الشارك راجع لسوقنا الجميل و تفكيره هنا
و ان التوكيل القديم ما اقدمش الدعاية الكافية ليها و ان سعرها كان عالي على بعض الناس,,كانت اول ما نزلت كانت ب 162 هاي لاين!!!!

انا لما قولتله اختار الفانتازيا,,عشان انا سوقتها و جربتها كذا مرة و كان واحد صاحبي معاه اوكتافيا a5 و كنت باخدها منه كتير و بعد كده لما قولتله الشارك تاني اختيار,,لان العربية انا مالكها فعلا و عارف العربية عاملة ايه و لما قارنت بينها و بين الكورولا,,قولت الشارك احسن عشان كماليتها أكتر و العفشة بتاعتها احسن(مالتي لينك) و الاتنين ياباني و تكييفهم تلاجة و استهلاك البنزين بتاعهم قليل

لعلمك انا بحترم البومة جداااا و البومة عربية جميلة جداا بدليل انتشارها و عربية عملية
ربنا يباركلك فيها و يكفيك شرها
ارجو ان حضرتك تكون فهمت وجهة نظري و مفيش زعل ولا حاجة
شكراا

[mohammedabdallh]

ابعد عن الكورولا,هتدفع 162 الف على فتحت سقف وجنط وسبويلر وبس,كمالياتها فقيرة جدا. انا رايى خليك فى الاكتافيا, البيزك منها ماليانة كماليات مش موجودة حتا فى الشارك الهاى لين(زى مثبت السرعة والبلوتوث) ,بس عيبها الوحيد انها مش شبابى

+++1111
هو ده الكلام

[IronHead]

فى عضو عمل تقرير جميل عن كماليات كل فئات الفانتازيا

http://www.nilemotors.net/Nile/221020-2011.html