الكيك داون فى لانسر بومه 2008

[elhamzy]

هل يوجد كيك داون فى لانسر بومه 2008
مع العلم انى لما بركب السيراتو بدوس اخر الدواسه بلاحظ ارتفاع صوت العربيه ومؤشر الار بى ام وينزل بعد لما تاخد الغيار


وشكرا

[eng.m7md.ali]

اي عربية اوتوماتيك فيها كيك داون

[elhamzy]

شكرا لرد حضرتك
ده اللى انا اعرفه ان اى عربيه اوتوماتيك فيها كيك داون لكن فاللانسر البوما عندى بدوس اخر الدواسه صوت العربيه بيعلا بس مش بتعمل مثلا زى السيراتو ان الار بى ام يعلى وبعد كده ينزل واسمع صوت الغيار فالحركه دى فانا عاوز حد يرد عليا يكون معاه لانسر وجرب الكيك داون مع العلم ان الفتيس اللى عندى فى غيار الدى اس

[bmya]

من كلام حضرتك عربيتك 1600 وهي فتيس cvt مش اتوماتيك عادي وده الكيك داون بتاعه مختلف عن الاوتوماتيك العادي زي بتاع السيراتو لان مش بيكون غيارت بالمعنى الواضح يعني مش بتحس بالنقله زي اتوماتيك العادي
ولو قرضت على الاخر الاربي ام هيعلى ويثبت على العالي ده اللي حضرتك تقصده صح انه مش بيعلى وينزل لما ينقل

[elhamzy]

ايوه بالظبط يا استاذ bmya الار بى ام بيعلا والصوت ومش بحس بالنقله فعلا
وحضرتك بتقول الكيك داون مختلف ممكن اعرف بيتعمل ازاى ولا الدى اس بدل الكيك مش فاهم ارجو التوضيح والفتيس ده احسن ولا الفتيس اللى زى السيراتو كده

وشكرا لردك

[Ramytoyota]

شيل رجلك من على دواسة البنزين و حطها تانى هاتاخد الغيار الى بعده

[zazaza20002000]

نفس المشكله عندي صوت الماتور بيعلى خالص والعربيه تديك دفعه بس بتفضل السرعه سابته ومتزيدش
يعني المفروض يعلى يديني دفعه وبعد كده ينقل على الغيار اللي بعده عشان يديني سرعه والاربي ام يهدى بس مش عارف ليه ده مبيحصلش والر بي ام بيفضل عالي وخلاص ياريت لو حد عنده حل يا جماعه