سحب العربية بقى سيء بعد صيانة ال80

[Eng.Osama.Afifi]

أنا عندي إحساس إن سحب العربية سيئ جدا

والمصيبة إن السحب بقى سيئ من ساعة ما عملت صيانة ال80000 في التوكيل ( غيرت طقم سيور وكاتينة وبوجيهات وفلتر هوا وفلتر بنزين وزيت فيتيس وزيت ماتور وفلتر زيت ..... وكمان غيرت ماية الراديتير )

المفروض إن العربية تبقى تمام وأحسن من الأول ... يعني أنا مكنتش بعاني من أي مشكلة تلحظ قبل الصيانة ... المشكلة إني حاسس بفرق ملحوظ جدا في السحب وصوت الماتور بيعلى

مع العلم إن العربية أوتوماتيك وكانت بتجيب على الصحراوي 195 ( أيام مكانت جديدة )

وأنا عملت الصيانة في التوكيل ... الرواس ... والكلام ده كان قبل رمضان

إيه إللي ممكن يكون مشكلة ؟

أفيدوني أفادكم الله

سؤال تاني معلش : هوا فلتر البنزين بتاع ميتسوبيشي الأصلي ( أبو 650 جنيه ده ) ... بيجي في كرتونة كدة مش مكتوب عليها حاجة ؟ لأني شوفت الراجل بيركبوه فقلتله هوا مش مكتوب عليه ميتسوبيشي ( قطع غيار أصلية ) زي الباقي ليه .... قالي هوا بيجي كدة ... لو حد كان غيره يطمني على شان شاكك فيه

[Eng.Osama.Afifi]

نسيت أقول حاجة
إن بعض الأحيان وأنا مشغل التكييف والعربية تكون واقفة ... وأجي أطلع بالعربية بسمع صوت زي تكتكة كدة في الماتور ( زي الإسبليتير ) وبتروح على طول بعد لما العربية تتحرك والآر بي إم يعلى

[prisoner]

هو فى احتمالين وحل الاحتمال الاول ان علشان السيور جديدة فالعربية محكمة ولسة على ما تطبع ترجع احسن من الاول والاحتمال الثانى ان فيه حاجة غلط فى ظبطة الموتور والحل انك تشوف مكان موثوق فيه غير التوكيل تكشف بيه وتراجع على الشغل اللى اتعمل وده جائز جدا لان الناس فى التوكيل فنيين عاديين مش جايين من اليابان فاحتمال للغلط وارد وبالاخص ان احنا مصريين

[Ramytoyota]

سؤال تاني معلش : هوا فلتر البنزين بتاع ميتسوبيشي الأصلي ( أبو 650 جنيه ده ) ... بيجي في كرتونة كدة مش مكتوب عليها حاجة ؟ لأني شوفت الراجل بيركبوه فقلتله هوا مش مكتوب عليه ميتسوبيشي ( قطع غيار أصلية ) زي الباقي ليه .... قالي هوا بيجي كدة ... لو حد كان غيره يطمني على شان شاكك فيه[/quote]

انا جبت الفلتر من التوكيل و كان نفس القصة برضو (اطمئن)

[Ramytoyota]

الاحتمال الاول ان علشان السيور جديدة فالعربية محكمة ولسة على ما تطبع ترجع احسن من الاول

مع كامل احترامى لراى حضرتك السيور ملهاش علاقة بسحب العربية سواء كانت جديدة او قديمة او محكمة او غير محكمة

شكرا لسعة صدرك

[prisoner]

مع كامل احترامى لراى حضرتك السيور ملهاش علاقة بسحب العربية سواء كانت جديدة او قديمة او محكمة او غير محكمة

شكرا لسعة صدرك

تمام الله ينور عليك اكيد اللى انا كاتبه مش شرط يكون الصح بس اعتقاد مش اكتر ان السيور وهية جديدة بتكون ناشفة شوية ده قصدى تقبلوا مرورى

[wesam_salom]

راجع على سير الكاتينه
غاليا التقسيمه مش مظبوطه

[HeMa_LanCeR]

مع كامل احترامى لراى حضرتك السيور ملهاش علاقة بسحب العربية سواء كانت جديدة او قديمة او محكمة او غير محكمة

شكرا لسعة صدرك

سير الكاتينه لو مش محكم هيغير سحب العربيه طبعا

وكده اكيد السير مش مظبوط (الكاتينه مش علي الزنبه صح)
روح لأي ميكانيكي يبصلك عليها بس من غير ما يعمل حاجه علشان لو مش مظبوطه ترجع التوكيل تبهدلهم

[amsokar]

تحياتى لسيادتك - نفس الموضوع حصل معايا ان سحب العربية قل بعد صيانه 80 الف وصوت العربية كان عالى جدا والسبب ان فلتر الهواء مكنش اصلى اشتريت فلتر اصلى ( هتلاحظ ان لون ورق الفلتر يميل الى اللون الاصفر ) وموضوع التكتكه بسبب التكييف اما ان الفريون زايد فى العربية او ناقص او نوع الفريون سىء - فى ناس بتشحن فريون وتغسل الدورة وتغير الزيت بالكمبيوتر - وانت اكيد هتلاحظ ان صوت التكتكه بيحصل معاك لو التكييف شغال اما لو فصلت التكييف مش هتسمع الصوت وده معناه انا الموتور ملوش علاقة اللى بيعمل الصوت ده هو الكباس بتاع التكييف - وحاول تقولى ايه اللى حصل معاك وشكرا

[Eng.Osama.Afifi]

سير الكاتينه لو مش محكم هيغير سحب العربيه طبعا

وكده اكيد السير مش مظبوط (الكاتينه مش علي الزنبه صح)
روح لأي ميكانيكي يبصلك عليها بس من غير ما يعمل حاجه علشان لو مش مظبوطه ترجع التوكيل تبهدلهم

فكرة فعلا ... لازم أبص عليها عند ميكانيكي تاني :)

جزاك الله خيرا

بس هوا لا قدر الله لو كان فيه المشكلة ديه ... هل ده بيأثر على الماتور فيما بعد ؟

تحياتى لسيادتك - نفس الموضوع حصل معايا ان سحب العربية قل بعد صيانه 80 الف وصوت العربية كان عالى جدا والسبب ان فلتر الهواء مكنش اصلى اشتريت فلتر اصلى ( هتلاحظ ان لون ورق الفلتر يميل الى اللون الاصفر ) وموضوع التكتكه بسبب التكييف اما ان الفريون زايد فى العربية او ناقص او نوع الفريون سىء - فى ناس بتشحن فريون وتغسل الدورة وتغير الزيت بالكمبيوتر - وانت اكيد هتلاحظ ان صوت التكتكه بيحصل معاك لو التكييف شغال اما لو فصلت التكييف مش هتسمع الصوت وده معناه انا الموتور ملوش علاقة اللى بيعمل الصوت ده هو الكباس بتاع التكييف - وحاول تقولى ايه اللى حصل معاك وشكرا

أنا التكييف بتاعي فابريقة ... لم يمسسه إنس ولا جان ههههههه ... بتاع العربية يعني ملعبتش فيه من ساعة ما جيبتها

ربنا يكرمك ... شكرا على ردك ... أنا برضه حبقى أخلي التوكيل ( إللي أنا مش عارف هوا بيعمل شيك على إيه في الصيانة لحد دلوقتي ) يبص عليها في الصيانة إللي جاية

[Eng.Osama.Afifi]

أنا حصل معايا إمبارح موقف إن العربية وأنا سايق فجأة رجرجت كدة وراحت واقفة
التنك مكانش لسة اللمبة نورت بتاعة البنزين
بس كان على الإي
روحت حطيت بنزين وسيبتها شوية لقيتها إشتغلت
مش عارف ده طبيعي ولا إيه ؟
عمرها ما عملت كدة
أنا كانت قبل كدة بتنور وممكن أسوق عادي لغاية أقرب بنزينة

[M.Al-Hefnawy]

أنا حصل معايا إمبارح موقف إن العربية وأنا سايق فجأة رجرجت كدة وراحت واقفة
التنك مكانش لسة اللمبة نورت بتاعة البنزين
بس كان على الإي
روحت حطيت بنزين وسيبتها شوية لقيتها إشتغلت
مش عارف ده طبيعي ولا إيه ؟
عمرها ما عملت كدة
أنا كانت قبل كدة بتنور وممكن أسوق عادي لغاية أقرب بنزينة

عشان انت خليت التانك يفضى للآخر فالرواسب بدأت تدخل في الرشاشات ... بلاش تخليها تفضى للآخر وجرب تحط منظف دورة البنزين بيتحط في التانك وانت بتفول العربية

[elgabry1977]

ممكن اسأل حضرتك صيانة ال 80000 كلفتك كام علشان المفروض اعملها دلوقتى و مشكور مقدما

[Eng.Osama.Afifi]

عشان انت خليت التانك يفضى للآخر فالرواسب بدأت تدخل في الرشاشات ... بلاش تخليها تفضى للآخر وجرب تحط منظف دورة البنزين بيتحط في التانك وانت بتفول العربية

أنا حاطط يافندم المنظف ده ... جايبه من بنزينة شيل ... وهوا منظف عام للدورة كلها وكان صناعة أمريكي بس مش فاكر والله الإسم ... بس أنا حطيطه على 1/2 التانك ... وبعد كدة لما التنك قرب يفضى حصل الموقف ده

ممكن اسأل حضرتك صيانة ال 80000 كلفتك كام علشان المفروض اعملها دلوقتى و مشكور مقدما

إعمل حسابك في 3000 جنيه ... تقل أو تزيد

[mido_adel]

aaa