احسن نوع طنابير ايه ؟؟

[Haitham10]

نزلت دورت كله مفيهوش غير طنابير صيني .. وsk المفترض الماني لكنها صيني برضه

ايه العمل عاوز طنابير جديدة نضيفه حد يكون مجربها
وهل طنابير البومة 1300 هي هي طنابير المكواة .. تاكيد بس عاوز اعرف

وصرة خلفي لو حد يعرف تمنها وفين

[prisoner]

نزلت دورت كله مفيهوش غير طنابير صيني .. وsk المفترض الماني لكنها صيني برضه

ايه العمل عاوز طنابير جديدة نضيفه حد يكون مجربها
وهل طنابير البومة 1300 هي هي طنابير المكواة .. تاكيد بس عاوز اعرف

وصرة خلفي لو حد يعرف تمنها وفين

ياراااااااااااااجل صينى sk صبنى والله زعلتنى انا جبتهم فى علبة زرقة بس والله شغالين معايا بقالهم 3 شهور الحمد لله زى الفل.

ولو الطنابير بتاعتك 14 يبقى بتاعت البومة 1300 موديل 2007 تشتغل لان عندى فى الميراج ال14 رحت قيستها لاقيت بتاعت البومة وجبتها وركبتها احسن حاجة تاخد القديمة وتروح تجيب زيها

موضوع السرة احسن واحد شفت عنده سرر تقريبا جديدة بس استعمال اسمه ابو الهنا فى الحرفيين

[M.Elgergawy]

انا كنت جايب نوع مكتوب عليه صنع في فرنسا مقاس 13 من سنتين والحمد لله تمام من عند اولاد البنا في التوفيقية وكانوا ب 150 ج

[vodanet]

ناس كتير بتشتكى من الطنابير الى فى السوق جتى الى فى التوكيل برضو بيقولوا انها مش زى الفبريكه
هل الحل نجيب طنابير سبور وخلاص بدل الصينى اهو هيبقى اصلى برضو

[Haitham10]

طب انا سمعت عن طنابير نوعها ريمسا اسباني

بس ملقتهاش برضه ... وعندي 14 فعلا زي البومة

وايه الطنابير السبور دي ؟؟

[vodanet]

زى ال ebc brembo

[elshweakh]

انا عندى الsk راكبين من شهرين وزى الزفت والحمد لله
متابع ومستنى الحل
ناس قالتلى هات استيراد بس نقيهم كويس

[prisoner]

انا عندى الsk راكبين من شهرين وزى الزفت والحمد لله
متابع ومستنى الحل
ناس قالتلى هات استيراد بس نقيهم كويس

ليه بس كده انت خوفتنى قوى انا برضوا تقريبا من نفس المدة او اكتر شوية والحمد لله راضى جدا عليهم لغاية دلوقتى بس اتعلمت حاجات كتيرة انى مجبش مياه عليهم وهما سخنين استنى العربية تبرد وبعد كده اوديهة تتغسل واهتميت بالتيل غيرته مع الطنابير علشان كله يبقى تمام والحمد لله لغاية دلوقتى حلو

[elshweakh]

مش عارف والله حتى الميكانيكى الى ركبهم بقوله عليهم وحشين قالى محدش قال كده ده كله بيشكر فيهم
انا على السرعه اكتر من 120 العربيه اول ما ادوس فرامل لازم الدواسه بتاعة الفرامل والطاره تتنفض شويه
ومش عارف ايه السبب

[ghftrtrwrgwer]

انا اشتريت اتنين اوريجينال بس خايف يكون العيب الى خلانى اغير القدام يكون عيب اساسى فى الطنابير الاصليه

[Haitham10]

الطنابير الsk خامتهم الفرق بينها وبين الصيني لا يذكر بس هي اتقل منها في الوزن
العفشجي حطهالي جنب الاصليه الي راكبه وقالي بص الفرق بنفسك وحتي تصميمها وفتحات التهوية بتاعتها اسوأ وهتفقع معاك بسرعة وعندي تخليك بطنابيرك احسن ولا تركبهم

انا وثقت فكلامه ورجعتهم مع ان طنابيري معدش ينفعلها خرط بقت رفيعة جدا والرجة والنفض اختفت كتير لما رصصت

ولسه بدور لو قابلني الريمسا الاسباني دي اشوف ظروفها ايه لو مكنش هجيب استيراد وخلاص

[prisoner]

بس الريمسا الاسبانى فى التيل بيقولوا مش حلو خالص وانا قريت كذا موضوع عن التيل مش الطنابير انها بتصفر بسرعة هل ده مالوش علاقة الطنابير والا ايه علشان لو كده الواحد يعمل حسابه وفعلا انا اخدت باللى ان فتحات التهوية سيئة كانت ملوحظة قوى بس انا عكسك تماما لما وريتها للميكانيكى قاللى كويسة والا هوة بيجبر بخاطرى والا ايه ربنا يستر علينا من الحاجات المغشوشة دى

[ghftrtrwrgwer]

عندى الطنابير الاصليه بتاعة بومه 2007 غيرتهم بجداد عشان مش بحب اخرط ينفع ابيعهم وابيعهم فين فى اسكندريه؟؟

[vodanet]

يعنى فعلا كل الطنابير الى فى السوق وحشه ! طيب لو اتجهنا للطنابير السبو هل لازم تيل سبور برضو المخصوص بتاعه ولا ممكن اجيب التيل بتاع التوكيل برضو و يركب عادى؟

[Ramytoyota]

متابع++++++++++++++++++++++++++++++++++