المياه بتنقص مع السفر ايه الحل ؟

[prisoner]

السلام عليكم ورحمة الله وبركاته
انا عندى حاطط مياه خضراء السعودى المياه كويسة وكل حاجة بس اكتشفت انى لما بكون مسافر مكان بعيد وامشى على سرعات عالية المياه بتنقص بتاع نص ليتر كده انما لما بكون جوة البلد مبتنقصش خالص غير كل كام شهر شوية صغيرين ياترى ايه المشكلة الغطاء بيهرب بيبخر المياه والا ايه الموضوع علشان ابتديت اقلق والا دى اعراض طرمبة مياه تحياتى

[M.Elgergawy]

شيك على الخراطيم كلها والرداتير ممكن يكون فيه خرم صغير
وطرمبة المياه العربية بتجيب مياه من ورا فلتر الزيت كدا عشان حصلت معايا وبردوا كنت على سفر

[M.Al-Hefnawy]

أتأكد الأول ان ما فيش تسريب ولو بسيط .... بعد كده ممكن يكون الغطا مش مقفول كويس فالميه بتتبخر من الحرارة العالية.
أنا بستعمل ميه خضرا من موبيل هي غالية بس بصراحة تمنها فيها مش بتنقص غير كل فترة بعيدة وغير كده ممكن تقعد سنتين في العربية بدون تغيير.

[mohammedabdallh]

شيك على الخراطيم كلها واتا كد من غطا الريداتير وقربة الميه انا كانت عندى بتنقط من خرطوم الراجه الافيز بتاعه مكنشى مربوط كويس واكتشفته الصدفه

[prisoner]

شيك على الخراطيم كلها والرداتير ممكن يكون فيه خرم صغير
وطرمبة المياه العربية بتجيب مياه من ورا فلتر الزيت كدا عشان حصلت معايا وبردوا كنت على سفر

طيب ماهى لو فيها خرم كانت هاتنقص فى الايام العادية انا ممكن اقعد اكتر من 6 شهور لو ماسفرتش ماتنقصش وجارى فحص موضوع الطرمبة

[nonnos5]

العيب غالبا من غطاء الريداتير

بص ياباشا هوه غالبا العيب هيبقى من غطاء الريداتير هوه مش لازم يجيب مياه من حواليه علشان يبقى بايظ ده بيبقى البلف اللى بيقفل الخرطوم اللى بينه وبين القربه مش بيقل باحكام وده مش بيبان غالبا الا لما تذود بنزين جامد يعنى الار بى ام يعدى 3000 لفه فطرمبة المياه بتضغط على البلف وبيسرب مياه للقربه لحد ما يملاها على الاخير وتبتدى تنزل مياه من الفايص بتاع القربه فانت ممكن تغيره وتجرب وممكن تتاكد قبل ما تغيره انك تفصل الخرطوم اللى واصل للقربه بتاع المياه من ناحية القربه وتدور العربية وتذود جامد وانت ماسك الخرطوم شوف هيجيب مياه ولا لاء لو مجابش مياه يبقى العيب مش منه يبقى فيه تسريب فى مكان تانى بس جرب وانشاء الله تكون بسيطة

[prisoner]

أتأكد الأول ان ما فيش تسريب ولو بسيط .... بعد كده ممكن يكون الغطا مش مقفول كويس فالميه بتتبخر من الحرارة العالية.
أنا بستعمل ميه خضرا من موبيل هي غالية بس بصراحة تمنها فيها مش بتنقص غير كل فترة بعيدة وغير كده ممكن تقعد سنتين في العربية بدون تغيير.

متاكد ان الغطاء محكوم بس انا بقول ممكن يكون بايظ او من الحرق مش عارف بقى فيه ايه وفعلا الموبيل محترم بس ناس خوفتنى من التركيز بتاعه مش فاكر قليل والا كتير على العربية وناس شكرت فى السعودى وكنت مجربه على عربية 128 شغال وزى الفل مش بتنقص وشكرا على الرد

[prisoner]

شيك على الخراطيم كلها واتا كد من غطا الريداتير وقربة الميه انا كانت عندى بتنقط من خرطوم الراجه الافيز بتاعه مكنشى مربوط كويس واكتشفته الصدفه

مش عارف والله يا محمد انا بصيت على كل حاجة هوة الموضوع بيحى لما بكون مسافر واحرق كتير

[prisoner]

بص ياباشا هوه غالبا العيب هيبقى من غطاء الريداتير هوه مش لازم يجيب مياه من حواليه علشان يبقى بايظ ده بيبقى البلف اللى بيقفل الخرطوم اللى بينه وبين القربه مش بيقل باحكام وده مش بيبان غالبا الا لما تذود بنزين جامد يعنى الار بى ام يعدى 3000 لفه فطرمبة المياه بتضغط على البلف وبيسرب مياه للقربه لحد ما يملاها على الاخير وتبتدى تنزل مياه من الفايص بتاع القربه فانت ممكن تغيره وتجرب وممكن تتاكد قبل ما تغيره انك تفصل الخرطوم اللى واصل للقربه بتاع المياه من ناحية القربه وتدور العربية وتذود جامد وانت ماسك الخرطوم شوف هيجيب مياه ولا لاء لو مجابش مياه يبقى العيب مش منه يبقى فيه تسريب فى مكان تانى بس جرب وانشاء الله تكون بسيطة

الله ينور عليك انا كنت شاكك فى الغطاء بس مستنى حد يايدنى بس هحاول اعمل موضوع انى اكبس الخراطيم واشوف كتر خيرك